lugandapaper1

P360/1
LUGANDA
PAPER 1
2 ½ hours.

WESTERN JOINT MOCK EXAMINATIONS

Uganda Advanced Certificate of Education

LUGANDA

AMATEEKA N’ENKOZESA Y’OLULIMI, OBUWANGWA N’ABAWANDIISI

Olupapula Olusooka

Essaawa bbiri n’ekitundu (2 ½)

Ebigobererwa:

 Olupapula luno lugabanyiziddwamu ebitundu bisatu: A, B ne C.

 Mu kitundu A kyabuwaze

 Mu kitundu B kola nnamba 2, 3, ne 4. Oweereddwa ebyokulondako
by’oyagala okuddamu.

 Mu kitundu C ggyamu ekibuuzo kimu (1) ng’okironda ku bikuweereddwa.

EKITUNDU A

Ddamu ebibuuzo byonna ebikuweereddwa mu kitundu kino.

1. a) Ddamu owandiike sentensi zino ng’ogoberera ekiragiddwa mu bukomera.
(Obubonero
10)

i)
Tujja kwagalana nnyo nzije na muno nfumbe. (Ekiseera ekyayita)

ii)
Eddagala lisse ku luggyo olyanike mu luggya. (Mu bungi)

iii)
Omuyizi akubye omusomesa eηηumi mu kibiina (Ggyamu amannya gonna)

iv)
Nakibuule agambye nti, “Ekintambuza nga mpuuna nze nkimanyi.” (Kyewaabya)

v)
Emmere gisibeeko oluyina. (Kyesirikidde)

b) Jjuza nnakafuula entuufu mu mabanga agalekeddwa mu mboozi eno
(Obubonero
04)

Ng’enzikiza ekutte be ______________, entebe y’omutto gye nali ntuddemu yeekaaka
omulundi gumu be ______________ ne yeeralika emabega wange. Nnagiwulira nga yeggunda
be

_______________ era nga yekkalira be __________________.

c) Wandiika emyaka egikuweereddwa mu bigambo
(Obubonero
06)

i.
213 ________________________________________________________

ii.
1025 _______________________________________________________

iii.
10348 ______________________________________________________

d) Weeyambise embu z’ebigambo obinjawaze ebigambo ebiri mu mboozi eno (Obubonero 06)

Nze sigamba nti njagala okudda mu biri eby’edda eby’okulabira omuwala
n’akakaatikibwako omusajja gw’ateesiimidde era gw’atalabangako. Nedda. Naye kino
eky’Ekizungu kye tugoberera, uhm, ffe tukifudde kirala!

e) Golola ensobi z’empandiika ezeeyolekera mu mboozi zino
(Obubonero 04)

i.
Omwaana alide ebinyeebwa

ii.
Enηoma bwe zavuga ne ngenda

f) Wandiika nakongezalinnya eziva mu bikolwa bino wammanga
(Obubonero 06)

i.
Okusanyuka

ii.
Okulebera

iii.
Okutereka

g) Wandiika sentensi bbiri mu muntu owookubiri mu bumu
(Obubonero 4)

EKITUNDU B

Ddamu ebibuuzo bisatu mu kitundu kino.

Kola nnamba 2, 3 ne 4 ng’ogoberera ebikuweereddwa

2. Ddamu 2 (a) oba 2 (b)

a) i) Laga enjawulo eri wakati w’omuliraano ‘Omutete’ n’ogw’omu ‘Ddembo’(Obubonero 4)
ii) Nnyonnyola emigaso gy’omuliraano eri Omuganda (Obubonero 16)

Oba

b) Nnyonnyola obukulu bw’empisa z’Omuganda ez’okuwasa n’okufumbirwa
ezitasaanye kudibizibwa. (Obubonero 20)

3. a) Ku bisoko ebikuweereddwa londako bisatu (3) onnyonnyole amakulu gaabyo
agoomunda

i)
Okukwata ekiweddeko amazzi

ii)
Obudde okunyiimuula

iii)
Okuta ensaya

iv)
Okuddako akada

v)
Okumala eby’omu bulago
(Obubonero 6)

b) Ku bisoko ebikuweereddwa londako bibiri (2) obikozese mu sentensi eziggyayo
obulungi amakulu gaabyo

i) Okugalinnya gye gava

ii) Okukuba ez’oku magi

iii) Okuzina gunteese
(Obubonero 4)

4. a) Maliriza engero bbiri (2) ku zikuweereddwa nga bwe zoogerwa

i)
Kuno tekuli kabi ……………………………..

ii)
……………………….. buba bunaanya

iii)
Tunaalyamu eyidde …………………………..
(Obubonero 4)

b) Ku ngero ezikuweereddwa londako ssatu (3) owe ebyokuyiga ebizirimu

i) Embiro entono zikira okwekweka

ii) Eza kalimpaka bazinyagira mu ssaazi

iii) Omukwano kyayi kya mpiso bwe kitasoobako tekitunga

iv) Kameze mu luggya ng’osima?

v) Ekyagaza omubi omulungi takimanya
(Obubonero 6)

EKITUNDU C

Ddamu ekibuuzo kimu (1) okuva mu kitundu kino ng’okiggya mu nnamba 5, 6 oba 7

5. Kola 5(a) oba 5(b)

a) Weesigame ku kimu ku bitabo bya Kaswa olage ebigendererwa by’Omuganda mu
kufuma enfumo (Obubonero 20)

Oba

b) Nnyonnyola n’ebyokulabirako engeri abavubuka gye baganyulwa mu mirimu gya
Kaswa (Obubonero 20)

6. Kola 6(a) oba 6(b)

a) Nnyonyola engeri ebikoleddwa Busuulwa gye bisobola okutebenkezaamu
eggwanga (Obubonero 20)

Oba

b) Nnyonnyola engeri Busuulwa gy’atulaze nti ebya mbyone ebikolebwa ensangi zino
bivudde ku kusuulirira byabuwangwa (Obubonero 20)

7. Kola 7(a) oba 7(b)

a)
Nnyonnyola ebigendererwa bya Matovu eri Omuganda ng’ayita mu kuwandiika
(Obubonero 20)

Oba

b)
Nnyonnyola engeri obuweereza bwa Matovu gye butwalamu Buganda ku ntikko
(Obubonero 20)

BIKOMYE