OLUYIMBA 151: TUMUYIMBIRE MUKAMA
1
TUMUYIMBIRE Mukama,
Tuyimbe n’essanyu;
Mujje,mujje nno tuyimbe,
Tumuyimbire n’essanyu
Nnyimba ne Zabbuli.
2
Kabaka waffe Mukama
Ye Katonda yekka;
Entikko z’ensonzi zize,
N’ennyanja ye yagikola,
Mulokozi waffe.
3
Ffe fenna tuli zzadde lye,
Omutonzi waffe;
Mujje, mujje nno tuyimbe,
Tumuyimbire Katonda
-Omulokozi waffe
OLUYIMBA 152: WEEBAZE GGWE EMMEEME YANGE
1
WEEBAZE ggwe-emmeeme yange,
Weebaze mwoyo gwange;
-Olw’ekitiibwa kye ekingi-ennyo,
Leeta-ettndo lyo lyonna;
Aleruuya,Aleruuya!
Weebaze Katonda wo.
2
Weebaze-ekisa kye kingi
Eri bajjajja-ab’edda.
-Olw’ekisa kye-ekitakoma,
Eyaliwo edda n’edda.
Aleruuya,Aleruuya!
Weebaze Katonda wo.
3
Ye Kitaffe,atukuuma,
Atuliisa bulijjo
Amanyi-obunafu bwaffe,
Amanyi-obunafu bwaffe,
Atuwonya mu kabi.
Aleruuya,Aleruuya!
Weebaze Katonda wo.
4
Bamalayika be bonna
Bayimba ettendo lye,
Oyanguwe-ojje n’ebire
Olye-obwakabaka bwo.
Aleruuya,Aleruuya!
Weebaze Katonda wo.
OLUYIMBA 153: ALERUUYA! MUMWEBAZE
1
ALERUUYA! mumwebaze
Yesu,Mukama waffe,
Aleruuya! Ye Kabaka,
Ye Muwanguzi yekka.
Bangi nnyo abaatusooka
Okuyita mu kufa,
Bagulumiza Mukama
Atununudde fenna.
2
Aleruuya! Ye Kitaffe
Tetuli bamulekwa
Bulijjo abeera naffe
Fenna-abamukkiriza.
Bwe yatwalibwa mu ggulu
N’ekitiibwa mu kire,
Yatusuubiriza ddala
Okubeeranga naffe.
3
Atusembeza-atuyita,
Okusseekimu naye,
Atuliisa ffe-abanafu
Emmere-ey’omu ggulu
Alyoke atuwe-amaanyi
Aganaamalangawo
Enkwe zonna-ez’omulabe,
N’okukemebwa kwonna.
4
Ka tutendereze Yesu
Eyajja mu nsi yaffe,
Eyayambala-omubiri
Ne yeetwalira-obuntu.
Ye Muwolereza waffe;
Ye Mununuzi yekka,
Yew Musuutwa, ye Mukama,
Ye Kabaka-ataggwaawo.
OLUYIMBA 154: ESSANYU-ERINGI-ERITAKOMEZEKA
1
ESSANYU-eringi-eritakomezeka,
Era n’emirembe-egitabuulikika,
Byombi birirabika-eyo mu ggulu
Byateekerwawo abatukuvu bonna.
2
Mu bwakabaka bwonna-obw’ensi yonna
Teri kitiibwa-ekirifaanana ng’ekyo,
Katonda gy’ali eyatulokola ffe
Abatasaanira bulokozi obwo.
3
Abatuuka eyo singa bayinza
Okutegeeza-essanyu lyabwe bwe liri
Twandiyanguye-okusseekimu nabo,
Tetwandyesiimye na bigambo by’omu nsi
4
Yesu-Omugabe w’eggye lya Katonda,
Otusaanyize okuyitibwa kwaffe,
Otutuukirize,otuwe amaanyi,
Ffe-abakweyabiza ggwe Mukama waffe.
OLUYIMBA 155: YESU,TOTEGEEREKEKA
1
YESU,totegeerekeka,
Ogulumizibwa,
Ekitiibwa ky’amaaso go,
Kibuna-ensi zonna.
2
Katonda-ow’olubeerera,
-Ow’obuntu bwaffe-era,
Bonna bakutendereza,
-Emisana n’ekiro.
3
Okukulaba n’amaaso,
Kusinga-eby’omu nsi,
-Amagezi go n’ekisa kyo,
Tebikomezrka.
4
Katonda wange nga nkutya
Nga neewombeese nnyo:
Era nkusinza n’omwoyo,
Nga neetereereka.
5
Amaanyi go n’ekisa kyo,
Byombi bya tttendo nnyo:
Naye weefeebya-okunsaba
Okwagalanga ggwe.
6
Tewali akufaanana,
-Okuzibiikiriza,
-Obukyamu bwange n’obubi,
Ogumiikiriza.
7
Bw’olidda ggwe mu nsi muno
-Okusinzibwa bonna
Naakwebzanga-ekisa kyo
Emirembe gyonna.
OLUYIMBA 156: EWALA MU GGULU
1
EWALA mu ggulu
Bamalayika be
Bayimba n’essanyu
Nga batendereza-
Aleruuya!
Basanyuka okuyimba
Aleruuya!
2
Era mu nsi muno
Katonda-akkiriza
Ennyimba z’abato
Bonna-abamwagala.
Aleruuya!
Naffe ka tumuyimbire,
Aleruuya!
3
Yesu Mulokozi,
Tukwegayiridde
Otuyingirize
Amazima gonna.
Aleruuya!
Tulyoke tukuyimbire,
Aleruuya!
4
Ayi Yesu Mukama,
Bunya-ekigambo kyo;
Buli ggwanga-ery’ensi
Likyukire gy’oli.
Aleruuya!
-Ebika byonna biriyimba,
Aleruuya!
OLUYIMBA 158: MUKAMA WAFFE-OW’OBULAMU!
1
MUKAMA waffe-ow’obulamu!
Kigambo kya Katonda ggwe!
Kabaka Yesu Mukama!
Ensi n’eggulu bisuuta,
Biyimbira waggulu nti Ozaana!
2
Eggye lyonna-ery’omu ggulu
-Abatukuvu ab’omu nsi,
Abaatusooka-okwebaka,
Naffe-abakyaliwo leero,
Ffe tukutendereza nti Ozaana!
3
Mulokozi ggwe-atukuuma
Beera naffe nga tusinza,
Nga bwe wasuubiza-ababo
Nga tonnalinya mu ggulu:
-Otubeere nga tusinza nti Ozaana!
4
Omwoyo wo-Omutukuvu
Abeere mu myoyo gyaffe,
Gifaanane ga yeekaalu
Esaanidde-ekitiibwa kyo,
Mwe tunaasinzizanga nti Ozaana!
5
Bwe tutyo bwe tulituuka
N’essanyu lingi mu ggulu,
Ffe-endiga ze watukuza
Ng’omaze okutugula,
Ne tulyoka twebaza nti Ozaana!
OLUYIMBA 159: MU MAASO GA YESU ABALOKOLE
1
MU maaso ga Yesu abalokole,
-Ekibiina-ekinene,bayimiridde;
Bayimba nti Eyatunaaza yekka
-Aweebwe ekitiibwa ennaku zonna.
2
Kiki-ekyabanaaza-abalina-ebibi?
Yesu yatunaaza n’omusaayi bw’ati;
Tuyimba nti Eyatunaaza yekka,
Aweebwe-ekitiibwa ennaku nzonna.
3
Kyebava bafaanana-abatukuvu;
Kyebava bayimba abangi wamu;
Ggwe Yesu wekka eyatutukuza,
Oweebwe-ekitiibwa ennaku zonna.
4
Bo baali bajeemu,naye kaakano
Be baddu ba Yesu-abamuweeereza
Bayimba nti Eyatunaaza yekka
Aweebwe-ekitiibwa ennaku zonna
5
Yesu,ffe fenna twandifudde bufi;
Watwagala ne bwe twali ababi;
N’otusaasira ggwe n’otutukuza;
Oweebwe-ekitiibwa ennaku zonna.
6
Bannange, n’essanyu tumuyimbire,
-Abalala balyoke bayimbe nabo,
Ggwe Yesu wekka eyatutukuza,
Oweebwe-ekitiibwa ennaku zonna.
OLUYIMBA 16: GUWEDDEWO OMUSANA
1
GUWEDDEWO-omusana;
Yesu tweyanza ggwe;
Ekiro tukusaba
Tuleke ebibi;
Mu budde obw’enzikiza,
Ayi Yesu,otukuumenga.
2
Biweddewo kaakano
Bigambo bya leero;
-Omulokozi,tuwonye
Mu maayi g’ekibi.
Mu budde obw’enzikiza,
Ayi Yesu,otukuumenga.
3
Emirimu giwedde;
Tukwegayirira,
-Otuggyeko-akabi konna;
Otuzibirenga.
Mu budde obw’enzikiza,
Ayi Yesu,otukuumenga.
4
Tukuume-emyoyo gyaffe;
Katonda ggwe-omanyi,
Obubi bw’omu kkubo
Ffe lye tuyitamu.
Mu budde obw’enzikiza,
Ayi Yesu otukuumenga.
OLUYIMBA 160: YESU YE YAVA MU GGULU
1
YESU ye yava mu ggulu,
N’akka-okufiirira-abantu;
Era-ekitabp kyogera
Bw’asaasira ffe-aboonoonyi.
2
Yatambulanga bulijjo,
N’avumulanga-abalwala;
Yalongoosanga bangi nnyo,
N’azuukizanga abafu.
3
Yabuuliranga bulinjo
Enjiri-ey’obulokozi;
Era kubanga wa kisa,
N’asembezanga abaana.
4
Naye oyo-eyakolanga
-Obulungi bwonna-obw’ekisa
Yabonyaabonyezebwa nnyo,
N’awanikibwa ku muti.
5
Bw’atyo bwe yafa, yafuuka
Omuntu n’atufiirira:
Ffe tulyoke tusonyiyibwe
Ebyonoono byaffe byonna.