Author: aznimi

Oluyimba 144: GGWE KATONDA-ATAGGWAAWO Lyrics

 

OLUYIMBA 228: MU NSI Y’OMU GGULU
1
MU nsi y’omu ggulu
Tewabaawo kiro,
Emirimu tegikoya
Bakoza-okwagala.

2
Eri teri nnaku,
Essanyu lingi nnyo:
Katonda waffe-asangula
Amaziga gonna.
3
Eri teri kibi:
Abaliyo bonna
Bambadde-engoye-entukuvu,
Bayimbira Yesu.

4
Eri teri kufa:
Abaayingira-eyo,
Baamala bo okusikira
Obulamu-obutaggwaawo.

5
Yesu,musaale ggwe,
Otukulembere;
-Otuyise mu kabi konna
Otutuuse mu ggulu

Oluyimba 145: GGWE WEKKA-ATAGGWAAWO,OW’AMAGEZI Lyrics

 

OLUYIMBA 229: WALIWO-ENSI ESINGA-ENO
1
WALIWO-ensi esinga-eno,
Nga nnungi! nga nnungi!
Tetuukayo kibi kyonna,
Ensi-eyo,nga nnungi!
Tulikuba ennanga-empya,
Wamu ne bamalayika,
Ennanga zaabwe za zaabu:
Ensi-eyo,nga nnungi!

2
Mbu teri bire ku ggulu,
Ensi-eyo,nga nnungi!
Teri nnaku na kukaba,
Ensi-eyo,nga nnungi!
Banywa mu luzzi-olw’ekisa
Ne balaba-Omulokozi
Amaaso ge gwe musana;
Ensi eyo,nga nnungi!

3
Newankubadde nga fenna
Tujjudde ekibi,
Naye Yesu yakkiriza
Okufa,ku lwaffe!
Tulitukuzibwa fenna
Olw’omusaayi gwa Yesu,
Tulifuga wamu naye,
Mu nsi-eyo ennungi.

Oluyimba 146: KA TUMUSINZE,KATONDA WAFFE Lyrics

 

OLUYIMBA 23: KATONDA WANGE NKWEBAZA
1
KATONDA wange nkwebaza
Olw’ebirungi ebya leero;
Era nkusaba onkuume
Mu budde bwonna-obw’ekiro.

2
Onsonyiwe ebyonoono
Bye nsobezza olwa leero:
Ompe-emirembe mu mwoyo,
Nga ngenda-okwebaka otulo.

3
-Onjigirizenga bulijo
Ekkubo lye naakwatanga:
Bwe ntyo bwe ndituusa-okufa
Nneme-okutya-entiisa yonna.

4
Mpummulire mu maaso go
Mu nzikiza nkweyabiza,
Ne ndyoka ngolokoka-enkya
Okukuweereza nate.

Oluyimba 148: MUMUTENDE YE Lyrics

 

OLUYIMBA 231: AWAMU NE YESU,EMIREMBE GYONNA
1
AWAMU ne Yesu,emirembe gyonna
Bwe bulamu bwange nnyini,bwe yampa bwa buwa:
Wansi ndi muyise,Yesu nga taliiwo:
Buli lunaku lwe mmala,mba nsembedde gy’ali.

2
Gy’abeera Kitange,gye ndibeera nange:
Ne nfaanana-okulabayo,olw’okukkiriza:
Ne ndyoka nkaaba nnyo-okutuukayo mangu
Bwe busika bwabwe bonna abeesiga Yesu.

3
Ate nga wambuze; nga-ejjiba lya Nuuwa
Bwe lyaddimgana ku mazzi,nange bwe mba bwe ntyo:
Naye-oluvannyuma,omusana gwaka
Bwe ntyo bwe nsanyuka nnyini, nga ndabyeyo nate

4
Ennaku si nnyingi,kw’alijjira Yesu
Okututwala ewuwe gy’atulongooseza:
Kyevudde njaguza,essanyu linsize
Yesu! awamu ne Yesu emirembe gyonna.

Oluyimba 149: OKWOLESEBWA KULUNGI Lyrics

 

OLUYIMBA 232: OBULAMU BWAFFE BUNO
1
-OBULAMU bwaffe buno
Bujjudde nnyo-ennaku;
Naye obw’ensi eyo
Bwa ssanyu jjereere.

2
N’entalo-eza kaakano
Za ntiisa bulijjo,
-Omulabe waffe-ow’edda
Wa maanyi mangi nnyo.

3
Naye Omubeezi waffe
Asingira ddala;
Era-abamwesiga ye
Be baliwangula.

4
Fenna kyetunaavanga
Tunyiikira nnyini;
Kubanga tumanyi nti:
Ye-alituwummuza.

5
-Ekiseera si kinene
Ekirimu-akabi,
Ne tulyoka tutuuka
Awali Katonda.

6
Obudde bwe bulikya
Enzikiza n’eggwa,
Yesu Musana gwaffe
Aliba-atwakidde

Oluyimba 141: EGGULU LIKUSINZA Lyrics

 

OLUYIMBA 225: GGWE KIBUGA KYA KATONDA
1
GGWE kibuga kya Katonda
Ekitiibwa kyo kingi,
Yakukuba,so toyinza
Okusimbulwa nate.
Emisingi gyo gibeera
Ku lwazi lw’emirembe
Kuliko bbugwe wa maanyi,
Atalumbika babi.

2
Munda laba-emigga mingi
Egikulukuta-ennyo,
Mwe basena-obutayosa
Okunywesa-abaana bo;
Ago-amazzi g’obulamu
-Agatumalamu-ennyonta,
Agagaba ye Katonda;
Nga baweereddwa-ekisa!

3
Ababeera mu kibuga
Bambala entukuvu;
Bayoza engoye zaabwe
Mu musaayi gwa Yesu;
Bava mu mawanga gonna,
Ne bafuuka-abaana be;
Edda baali bamwonoona,
Kaakano balokole.

4
Ayi Yesu olw’ekisa kyo,
Eyo gye ndibeerera;
Abantu ab’ensi eno
Bannyoome,banduulire;
Naye-essanyu lyabwe lyonna
Teriyinza kulwawo;
Ery’abaana ba Katonda,
Lya mirembe-egitaggwaawo-.

Oluyimba 140: EBINTU-EBIRUNGI N’EBINTU-EBIKULU Lyrics

 

OLUYIMBA 224: MWENNA MUYIMUKE
1
MWENNA muyimuke,
Ng’abasserikale;
Mwambale-eby’okulwanyisa
Byonna-ebya Katonda.

2
Mubeere ba maanyi,
Mumutunuulire;
Ye ge maanyi gaffe gonna,
Agatuwanguza.

3
Temutya mulabe,
Yesu yawangula;
Amaanyi gonna-ag’okufa
Tegakyasobola.

4
Mugende mu maaso;
Laba ebbendera;
Nga yo ebakulembera
-Omugabe ye Yesu

5
Mwesibe-amazima,
N’obutuukirivu;
Nga mutunuulira Yesu,
Omukulembeze.

Oluyimba 139: BAMALAYIKA BAYIMBA Lyrics

 

OLUYIMBA 223: MMWE MWENNA-ABOOLUGANDA
1
MMWE mwenna-abooluganda
Mubeere n’essanyu;
Ensi zijjule-ettendo
Ery’omulokozi
-Abantu-abatabalika
Bamugulumiza;
Leero bafunye-eddembe
Lwa linnya lye-lyokka.

2
Mmwe mwenna-abooluganda
Mulwane n’amaanyi;
Eyeeraga-amasajja;
Empeera ye nnyingi.
Yesu Mugabe waffe,
Wa maanyi mangi nnyo:
Tufube nnyo bannaffe,
Tuwangule leero.

3
Mulokozi,ffe fenna
Tweyanze nnyo nnyini;
-Okuwangula si kwaffe,
Tumaanyi nga kukwo;
Wawangula Ssetaani,
-Omulabe waffe-oyo;
Naffe tetumutyenga,
Tujaguze leero

Oluyimba 138: AYI KATONDA BWE NDOWOOZA Lyrics

 

OLUYIMBA 222: MULWANYI WA YESU OLINA-ENNAKU
1
MULWANYI wa Yesu olina-ennaku,
Abalabe bangi bakutaayiza,
Zuukuka-obakube,oliwangula.
Yesu ali naawe,omweyabize.

2
Mulwanyi wa Yesu,laba-emitego,
Ssetaani wa maanyi okukusuula;
Totya,guma-omwoyo,tolwana wekka,
Olina-Omubeezi,-erinnya lye Yesu.

3
Mulwanyi wa Yesu,obawulira,
Ebigambo byabwe bikuwoomera?
Byonna bya bulimba,tobikkiriza;
Obukuusa bwabwe bulirabika.

4
Yesu agamba nti Mbimanyi byonna,
Okooye-,olemeddwa,tokyasuubira,
Teweekanga n’akamu-,ddamu amaanyi,
Mu ggulu entalo zonna ziriggwa.

Oluyimba 131: GGWE-AKAMWA KANGE, TENDANGA Lyrics

 

OLUYIMBA 216: LWANANGA MU LUTALO LWO
1
LWANANGA mu lutalo lwo,
Okulwana okulungi,
Nyweza ggwe obulamu bwo,
Yesu atuwa empeera.

2
Wakana ggwe-omuwakanyi,
Leeta amaanyi go gonna,
Gumira-olugendo lwo,
Yesu atuwa empeera.

3
Leka-okweraliikirira,
Tulina-Omusaale waffe;
Mwesige ye,oliraba
Yesu bw’atuwa-ebirungi.

4
Tozirika,ali kumpi,
Tajjulula kwagala kwe,
Kkiriza ggwe,oliraba
Yesu bw’ali-Omulokozi