Author: aznimi

Oluyimba 209: OBWAKABAKA BWO BUJJE Lyrics

 

OLUYIMBA 287: EKITIIBWA KYO KINENE
1
EKITIIBWA kyo kinene,
-Omununuzi waffe;
Emimwa gy’abantu bonna
Giyimba-ettendo lyo!

2
Erinnya lya Yesu ddungi
Limalawo-okutya;
Lituleetera-obulamu
N’emirembe mu nda.

3
Amaanyi g’ekibi gonna
Yesu yagamenya;
Ffe abaali abasibe
Twafuuka ba ddembe!

4
Buli akkiriza Yesu
Alirokolebwa;
N’abo abaafiira mu ye
Kaakano balamu!

5
Muwulire mmwe-abanaku
Nammwe bakasiru,
Bwe munaasembera gy’ali
Munaawonyezebwa!

6
Mukama waffe-ow’ekisa
Tukwegayirira,
Otuyigirize fenna
Okukusuutanga.

Oluyimba 196: KABAKA W’EGGULU Lyrics

 

OLUYIMBA 275: WULIRA-OKUSABA KWANGE
1
WULIRA-okusaba kwange,
Okw’omwana wo-omuto nze,
Fuka ebirabo byo,
Fuka ku nze bulijjo:
Ssasira-omunafu bwange
Obw’omwana wo-omuto nze
Saasira-omunafu nze;
Nsaasiranga bulijjo.

2
Sonyiwa-ebyonoono byange
Ng’obinaaza n’omussayi-
-Ogw’Omulokozi Yesu;
Nsonyiwanga bulijjo,
Ne mu maanyi ga Ssetaani;
Lokola omwoyo gwange;
Lokla omwaoyo nga nsaba ggwe,
Ndokolanga bulijjo.

3
Kkiriza omwoyo gwange
Gwe nkuwadde-okugukuuma;
Nsanyuse n’ekisa kyo,
Nsanyusanga bulijjo:
Plw’obwesigwa bwo bwonna,
Ayi Katonda,onnyambenga;
Mbeere gy’oli omwesigwa.
Onnyambenga bulijjo.

Oluyimba 195: OMWOYO OMUTUKUVU Lyrics

 

OLUYIMBA 274: SIYINZA,AYI-OMULOKOZI
1
SIYINZA,Ayi-Omulokozi
Ow’ekitiibwa-ennyo
Siyinza,nze-omuntu-omubi
Kusuuta-erinnya lyo:
Mu ggulu bamalayika
N’abaanunulibwa
Basinza bulijjo,naye
Simanyi,nsirika.

2
Jjangu,-Omwoyo-Omutukuvu,
Onjigirize nze
Ekitibwa kyo n’okutya,
N’obutuukirivu;
Bwe ntyo bwe nsaanira ddala
-Okuyimba-ettendo lyo
Awamu n’abatukuvu
Ne bamalayika.

Oluyimba 204: JJANGU! KOLA Lyrics

 

OLUYIMBA 282: YESU NJIJA GY’OLI
1
YESU njija gy’oli,
Nga nsuubira,
Nkufukaamirira,
Nga nkwesiga;
Njijudde nnyo-ebibi,
Naye kye mpoza nti:
Wanfiirira.

2
Mukama njatula
Ebyonoono;
Ne nkubikkulira
-Ebibi byange.
Jjangu onnongoose
Onnalize ddala,
Ontukuze.

3
Yesu-otusonyiwe
Ggwe-omwesigwa
Laba,nfukamidde
Mu maaso go.
Onnaze mu musaayi-,
Ggwe-Omwana gw’endiga
Wa Katonda.

4
Ne nyoka nsanyuka
Nga ndokose,
Nze ne ntambulira
Wamu naawe.
Ne bwe ndizirika,
Ggwe-olimpanirira
Nneme-okugwa.

Oluyimba 203: ENDAGAANO-ENTUKUVU Lyrics

 

OLUYIMBA 281: YESU,LEERO NKUKOOWOOLA
1
YESU,leero nkukoowoola
Ombeere nkwegayirira,
Obulokozi bwo ndaga;

Mala gasenza nze:
Mala gasenza nze:
Omusaa(yi) gwokka gwe neesiga:
Mala gasenza.nze

2
-Obujeemu bwange n’obubi,
Ggwe-omanyi ddala bwe biri:
Ka nkwesige ggwe bwesizi;

Mala gasenza nze:
Mala gasenza nze:
Omusaa(yi) gwokka gwe neesiga:
Mala gasenza.nze

3
Siyinza kweteekateeka,
Siyinza kwegendereza;
Olw’erinnya lyo ndokola:

Mala gasenza nze:
Mala gasenza nze:
Omusaa(yi) gwokka gwe neesiga:
Mala gasenza.nze

4
Nze nkuvuunamidde leero
Neewaayo mu mikono gyo:
Mukama,nze ndi muddu wo:

Yesu nkusenze ggwe:
Yesu nkusenze ggwe:
(O)musaa(yi) gwo gwe gundokodde:
Yesu nkusenze ggwe.

Oluyimba 201: GGWE MUKULU WEKKA Lyrics

 

OLUYIMBA 28: YESU ALIJJA N’EBIRE
1
YESU alijja n’ebire
Eyafiirira-abanyu;
Abatukuvu be bangi
Wamu naye bayimba,
Aleruuya!
Ajja wansi-okufuga.

2
Bonna baliraba Yesu
Ng’ali mu kitiibwa kye:
N’abo-abaamuyigganya
N’abo-abaamufumita
Balikaaba,
Yesu bw’alirabika.

3
Wansi ne waggulu wonna
N’ebirimu biriggwaawo-:
Abaamulyamu olukwe
Baliwulira Yesu
Bw’alisala,
Gubasinze,muveewo.

4
Abeegendereza bonna
Abamulindirira
Balitwalibwa mu bbanga,
Balisangayo Yesu.
Eyeewayo,
Okuleeta-obulamu.

5 Bonna bonna bakusinza
Yesu, mu kitiibwa kyo;
Jjangu,Mulokozi waffe
Olye-Obwakabaka bwo
Tukusuute;
Jjangu,Mukama waffe.

Oluyimba 200: NZE NZIKIRIZA DDALA Lyrics

 

OLUYIMBA 279: MUKAMA GGWE NGABO YAFFE
1
MUKAMA ggwe ngabo yaffe,
Ggwe musana gw’ensi;
Ggwe wekka okeesa-obudde
Era ggwe-obuzibya.

2
Tuwaayo gy’oli ssadddaaka-,
Ey’okwebaza kwaffe;
Era tusaba-otukuume
Okuzibya obudde.

3
Tusonyiwe bye tusobya,
ffe-abaana b’abantu;
Tuma Omwoyo-ow’ekisa
Ajje mu nda zaffe.

Oluyimba 199: TUKWEBAZA KITAFFE Lyrics

 

OLUYIMBA 278: MUKAMA GGWE-OMUFUZI WA BYONNA
1
MUKAMA ggwe-Omufuzi wa byonna,
Bye wakola bikusuuta byonna.
Ggwe-Omukuumi w’amawanga gonna,
Ogamulisizza-omusana gwo.
Fuga-emyoyo gyaffe,Ayi Mukama,
Tukuume-era-otuwe amaanyi go.

2
Ffe-abaana bo b’oyagala ennyo,
B’ogaase awamu n’Omwana wo,
Naawe-Omwoyo-Omutukuvu jjangu
Tugatte fenna mu mwoyo gyaffe
Tubeerenga mu ggwe omu wekka;
Fenna twagalanenga bulijjo.

3
Tuwe tukyawe obubi bwonna,
Twagalenga-ebyo ebisaanira.
Essanyu lyaffe lituukirire,
-Obuyinike bwaffe-obumalewo.
Gabira-abaana bo amaanyi go
Tukugoberere n’amazima.

4
Ayi Mukama,-otwambaze amaanyi go
Tube-abasserikale bo leero.
Tujjuze-amaanyi g’ekigambo kyo
Tuwangule mu lutalo lwaffe
Wanirira obuzibu bwaffe.
Tuleme oktya entiisa yonna.

Oluyimba 198: KA TUSUUTE KITAFFE Lyrics

 

OLUYIMBA 277: OTUKULEMBERE,MUSUMBA WAFFE
1
-OTUKULEMBERE,Musumba waffe
Tukwetaaga bulijjo;
-Otugalamize mu ddundiro lyo
Ery’omuddo omuto.
Watugula n’omusaayi-gwo
Otukuume mu kabi;
Watugula n’omusaayi-gwo
Otukuume mu kabi.

2
Tuli baana bo-otuzibirenga
Mu balabe ab’-amaanyi
Otuyingize mu kisibo kyo
Mwe tubeera-obulungi.
Nga bwe tukaabirira ggwe
Otuwulire mangu.

3
Ajja gye ndi;bwe wagamba bw’otyo
Siimugobere bweru,
Okomyewo emitima gyaffe
Otunaaze mu bibi.
-Otulumgaamye mu makubo
Ag’obutuukirivu;
-Otulumgamye mu makubo
Ag’obutuukirivu.

Oluyimba 197: GGWE-OLI MUTUKUVU,MUKAMA KATONDA Lyrics

 

OLUYIMBA 276: AYI KITAFFE-OW’OMU GGULU
1
AYI Kitaffe-ow’omu ggulu
Leero twewaayo gy’oli;
Mu nsi eno-ejjudde-ennaku
Kuuma-obulamu bwaffe
Tewali mubeezi yenna
Wabula ggwe Kitaffe.

2
Ayi Mukama waffe Yesu,
Tusaba-otusonyiwe
Kubanga-obunafu bwaffe
Gggwe-obumanyidde ddala;
Omanyi bwe buli-obungi
Otusnyiwe Yesu.

3
Naawe-Omwoyo-Omutukuvu
Kka leero mu nda zaffe
Tujjuze okwagala kwo
Okw’enkalakkalira,
Tunaabeera n’emirembe,
Ng’otusonyiwa-ebibi.