Author: aznimi

Oluyimba 271: KATONDA EYANTONDA NZE Lyrics

 

OLUYIMBA 342: KIKAKAFU NNYO,YESU WANGE
1
KIKAKAFU nnyo,Yesu wange;
Ekitiibwa kye akimpadde:
Omwoyo we Omutukuvu
Yannaazaako ebibi byange.

Ndi musika omununule
Ndi wa mu kika ky’abaana be;
Kino kinnyimbisa n’essanyu
Nga ntenderez(a) Omulokozi.

2
Lituukiridde-essanyu lyange;
Anjolesezza-eby’omu ggulu:
Bamalayika abatumye
Okutegeeza-okwgala kwe.

Ndi musika omununule
Ndi wa mu kika ky’abaana be;
Kino kinnyimbisa n’essanyu
Nga ntenderez(a) Omulokozi.

3
Sibuusabuusa,neewaddeo;
Bwe mba ne Yesu mba mirembe:
Nze nindiridde-eby’omu ggulu
Okwagala kwekube mu nze.

Ndi musika omununule
Ndi wa mu kika ky’abaana be;
Kino kinnyimbisa n’essanyu
Nga ntenderez(a) Omulokozi.

Oluyimba 281: YESU,LEERO NKUKOOWOOLA Lyrics

 

OLUYIMBA 351: KATONDA WANJAGALA
1
KATONDA wanjagala
N’ompa-Omwana wo Yesu
Abe mukwano gwange
Annyambe mu bizibu.

2
Yesu tolekangayo
-Okuba mukwano gwange;
Bulijjo beera nange
Era n’okunnumggamya.

3
Naakwagala ntya Yesu?
Nze naakutonera ki?
Siraba kye mba nkuwa
Anti byonna bintu byo.

4
Naye kye nnina kimu
Nkuwadde-omwoyo gwange;
Naakugobereranga,
Ondagirire-ekkubo.

Oluyimba 285: GGWE-OMANYI YESU OBUKOOWU BWAFFE Lyrics

 

OLUYIMBA 355: OMUTAMBUZE-OMUTO NZE
1
-OMUTAMBUZE-omuto nze
Natandise leero;
Nnumggamya okumala
-Olugendo lwo lwonna.

2
Mulwanyi wo-omuto nze,
Atalina maanyi;
Mbeeranga ggwe-ow’amaanyi
Nnwanenga n’ebibi.

3
Omwana wo-omto nze,
Nkweyabiza wekka;
Mulokozi,ompenga
-Ekisa kyo kye nsabye.

4
Mmanyi bwe ndi-omunafu
Naye ntunuulira;
Ompe-okukuweereza
Leero ne bulijjo.

Oluyimba 282: YESU NJIJA GY’OLI Lyrics

 

OLUYIMBA 352: KIGAMBO KYA MAGERO NNYO
1
KIGAMBO kya magero nnyo
Eky’Omwana wa Katonda;
Okuva mu ggulu n’akka
Alokole-abaana nga nze.

2
Kya mazima yayagala
Abaana n’abanyoomebwa;
Yayagala-abamukyawa
Yattibwa balokolebwe.

3
Okwagala kwe kungi nnyo
Okutayogerekeka,
Okwagala-omubi nga nze,
Nange kirungi mwagale.

4
Oluusi nfumiitiriza
Ne ndowooza-omusaalaba,
Emisumaali n’amaggwa
Yesu nga bw’afa ku lwange.

5
Singa nnaliwo ng’attibwa,
Sandiyinzizza kumanya
Okwagala kwe-okungi-ennyo
Kwe yalina mu mwoyo gwe.

6
Kaakano nnyinza-okumanya
Nga bw’anjagalira ddala,
Naye ekinkwasa-ensonyi
Ye-engeri nze gye mwagala.

7
Ggwe Mukama wange Yesu,
Ombeere mu mwoyo gwange
Nnyongere-ennyo-okukwagala
Emirembe n’emirembe.

Oluyimba 287: EKITIIBWA KYO KINENE Lyrics

 

OLUYIMBA 357: TULEETA EBIRABO
1
TULEETA ebirabo
N’essanyu lingi;
Tukutendereza,
Omulokozi.

2
Birabo bitono
Obikkirize;
Buli kye tuleeta
Ggwe tokigaana.

3
Yesu tukuwadde
N’essanyu lingi
Otuyigirize
Okugabanga.

Oluyimba 284: SIYINZA N’AKATONO Lyrics

 

OLUYIMBA 354: OMUTAMBUZE NZE
1
OMUTAMBUZE nze
Era-omugenyi;
Eby’omu nsi bingi
Bijja-okunnimba.

Yesu atwal(a) abato
Alibakulembera;
N’abatuusa ewuwe,
Mu maka ge ye.

2
Ensi eyo nnungi,
Temuli kabi,
N’ennaku temuli,
Tebituukayo.

Yesu atwal(a) abato
Alibakulembera;
N’abatuusa ewuwe,
Mu maka ge ye.

3
Olugendo olwo
Alutambula
Asaba-eri Yesu
Obutalemwa.

Yesu atwal(a) abato
Alibakulembera;
N’abatuusa ewuwe,
Mu maka ge ye.

4
Yesu onnongoose,
Onjigirize;
Onnumggamye,nkwate,
Erijja gy’oli.

Yesu atwal(a) abato
Alibakulembera;
N’abatuusa ewuwe,
Mu maka ge ye.

Oluyimba 288: ABAALUMWA-EMISOTA-ABAYISIRAYIRI Lyrics

 

OLUYIMBA 358: TULINA KABAKA WAFFE
1
TULINA Kbaka waffe
Eyava mu ggulu:
Kale fenna abaana be
Tumugoberere.

2
Okwagala kwe kungi nnyo
Eri-abantu bonna;
Naffe twagale bannaffe
Nga bwe kiyinzika.

3
Yesu tayagala kibi
Na kwerowoozaako;
Ye omulabe we y’ani,
Amulyamu-olukwe?
4
Ayagala tulongoose
Emibiri gyaffe;
Abatali batukuvu
Tebaliba naye.

5
Tuli kibiina kitono,
Naye tusaanidde
Okutwalira Katonda
-Emyoyo-emirongoofu.

Oluyimba 289: YESU YAJJA ALOKOLE Lyrics

 

OLUYIMBA 359: WULIRA-OKUSABA KWANGE
1
WULIRA-okusaba kwange
Okw’omwana wo-omuto nze,
Ekisa kyo okimpenga,
Bulijjo,bulijjo.

2
Saasira-obunafu bwange
Obw’omwana wo-omuto nze;
Ekisa kyo okimpenga,
Bulijjo,bulijjo.

3
Sonyiwa-ebyonoono byange,
Ng’obinaaza n’omusaayi,
Ogw’Omulokozi Yesu,
Bulijjo,bulijjo.

4
Ne mu maanyi ga Ssetaani,
Lokolanga-omwoyo gwange;
Wulira-okusaba kwange,
Bulijjo,bulijjo.

5
Kkiriza omwoyo gwange
Ggwe nkuwadde-okugukuuma;
Nsanyusanga n’ekisa kyo,
Bulijjo,bulijjo.

6
Olw’obwesigwa bwo bwonna
Ayi-Katonda Onnyambenga;
Mbeefe gy’oli omwesigwa,
Bulijjo,bulijjo.

Oluyimba 279: MUKAMA GGWE NGABO YAFFE Lyrics

 

OLUYIMBA 35: ABAKRISTAAYO BOONA-AB’OMU NSI
1
ABAKRISTAAYO bonna-ab’omu nsi
Mugolokoke leero n’essanyu
Mutendereze Omulokozi
Eyazaalirwa-e Beesirekemu:
Bamalayika be be baasooka
Okutendereza Omwana oyo.

2
Bo baasooka okukibuulira
Abasumba-abo abawombeefu;
Nti temutya,kubanga-olwa leero
Azaaliddwa-Omulokozi wammwe:
Leero Katonda kye yasuubiza
Kituukiridde: Yesu ye azze.

3
Awo ekibiina ne kirabika
Eggye lyonna-erya bamalayika
Nga bayimba oluyimba-olugya,
Nga batendereza okwagal
Okwamuleeta okuzaalibwa
N’obuwombeefu obwenkanidde-awo.

4
Nabo bwe baamala-okuwulia
Amangu ago ne bagolokoka,
Ne bagendayo mbiro nnyingi nnyo
Balabe Katonda kye yakola;
Ne basanga Omwana we Yesu,
Ne bamusinza n’essanyu lingi.

5
Naffe twanguwe-okugulumiza
Ekisa-ekingi-eky’Omulokozi;
Tujjukirenga-ekisa kye kyonna
Ekyamuleeta-okutufiirira;
Bwotutyo bwe tunaamuyimbira
Kabaka waffe-ow’olubeerera

Oluyimba 283: ONNUMIRIZE OLW’EBIBI Lyrics

 

OLUYIMBA 353: MUKAMA WANGE NKWEBAZA
1
MUKAMA wange nkwebaza
Okundabirira;
Emmere n’eby’okwambala
Byonna biva gy’oli.

2
ggwe wekka-onkuume mu kabi,
Era ne mu kufa;
Obulamu bwange bwonna
Buli mu galo zo.

3
Ontumire malayika
Ankuumire ddala;
Nneme-okuva mu maaso go
-Emisan n’ekiro.

4
Ggwe wampa bakadde bange
Ne baganda bange;
Wampa n’emikwano gyange,
Bonna baava gy’oli.

5
Sirina kya kusasula,
Naye kye nkusaba,
Nkwagale-era nkuwulire
Emirembe gyonna.