Author: aznimi

Oluyimba 282: YESU NJIJA GY’OLI Lyrics

 

OLUYIMBA 352: KIGAMBO KYA MAGERO NNYO
1
KIGAMBO kya magero nnyo
Eky’Omwana wa Katonda;
Okuva mu ggulu n’akka
Alokole-abaana nga nze.

2
Kya mazima yayagala
Abaana n’abanyoomebwa;
Yayagala-abamukyawa
Yattibwa balokolebwe.

3
Okwagala kwe kungi nnyo
Okutayogerekeka,
Okwagala-omubi nga nze,
Nange kirungi mwagale.

4
Oluusi nfumiitiriza
Ne ndowooza-omusaalaba,
Emisumaali n’amaggwa
Yesu nga bw’afa ku lwange.

5
Singa nnaliwo ng’attibwa,
Sandiyinzizza kumanya
Okwagala kwe-okungi-ennyo
Kwe yalina mu mwoyo gwe.

6
Kaakano nnyinza-okumanya
Nga bw’anjagalira ddala,
Naye ekinkwasa-ensonyi
Ye-engeri nze gye mwagala.

7
Ggwe Mukama wange Yesu,
Ombeere mu mwoyo gwange
Nnyongere-ennyo-okukwagala
Emirembe n’emirembe.

Oluyimba 287: EKITIIBWA KYO KINENE Lyrics

 

OLUYIMBA 357: TULEETA EBIRABO
1
TULEETA ebirabo
N’essanyu lingi;
Tukutendereza,
Omulokozi.

2
Birabo bitono
Obikkirize;
Buli kye tuleeta
Ggwe tokigaana.

3
Yesu tukuwadde
N’essanyu lingi
Otuyigirize
Okugabanga.

Oluyimba 283: ONNUMIRIZE OLW’EBIBI Lyrics

 

OLUYIMBA 353: MUKAMA WANGE NKWEBAZA
1
MUKAMA wange nkwebaza
Okundabirira;
Emmere n’eby’okwambala
Byonna biva gy’oli.

2
ggwe wekka-onkuume mu kabi,
Era ne mu kufa;
Obulamu bwange bwonna
Buli mu galo zo.

3
Ontumire malayika
Ankuumire ddala;
Nneme-okuva mu maaso go
-Emisan n’ekiro.

4
Ggwe wampa bakadde bange
Ne baganda bange;
Wampa n’emikwano gyange,
Bonna baava gy’oli.

5
Sirina kya kusasula,
Naye kye nkusaba,
Nkwagale-era nkuwulire
Emirembe gyonna.

Oluyimba 288: ABAALUMWA-EMISOTA-ABAYISIRAYIRI Lyrics

 

OLUYIMBA 358: TULINA KABAKA WAFFE
1
TULINA Kbaka waffe
Eyava mu ggulu:
Kale fenna abaana be
Tumugoberere.

2
Okwagala kwe kungi nnyo
Eri-abantu bonna;
Naffe twagale bannaffe
Nga bwe kiyinzika.

3
Yesu tayagala kibi
Na kwerowoozaako;
Ye omulabe we y’ani,
Amulyamu-olukwe?
4
Ayagala tulongoose
Emibiri gyaffe;
Abatali batukuvu
Tebaliba naye.

5
Tuli kibiina kitono,
Naye tusaanidde
Okutwalira Katonda
-Emyoyo-emirongoofu.

Oluyimba 285: GGWE-OMANYI YESU OBUKOOWU BWAFFE Lyrics

 

OLUYIMBA 355: OMUTAMBUZE-OMUTO NZE
1
-OMUTAMBUZE-omuto nze
Natandise leero;
Nnumggamya okumala
-Olugendo lwo lwonna.

2
Mulwanyi wo-omuto nze,
Atalina maanyi;
Mbeeranga ggwe-ow’amaanyi
Nnwanenga n’ebibi.

3
Omwana wo-omto nze,
Nkweyabiza wekka;
Mulokozi,ompenga
-Ekisa kyo kye nsabye.

4
Mmanyi bwe ndi-omunafu
Naye ntunuulira;
Ompe-okukuweereza
Leero ne bulijjo.

Oluyimba 281: YESU,LEERO NKUKOOWOOLA Lyrics

 

OLUYIMBA 351: KATONDA WANJAGALA
1
KATONDA wanjagala
N’ompa-Omwana wo Yesu
Abe mukwano gwange
Annyambe mu bizibu.

2
Yesu tolekangayo
-Okuba mukwano gwange;
Bulijjo beera nange
Era n’okunnumggamya.

3
Naakwagala ntya Yesu?
Nze naakutonera ki?
Siraba kye mba nkuwa
Anti byonna bintu byo.

4
Naye kye nnina kimu
Nkuwadde-omwoyo gwange;
Naakugobereranga,
Ondagirire-ekkubo.

Oluyimba 278: MUKAMA GGWE-OMUFUZI WA BYONNA Lyrics

 

OLUYIMBA 349: GGWE MUSUMBA-OMULUNGI
1
GGWE Musumba-omulungi
Ggwe-okuuma endiga zo;
Tewali-ekiriyinza
Kuzikusikulako.

2
-Omulokozi wawaayo
-Obulamu bwo ku lwaffe;
Mu ngalo zo mulimu
-Enkovu z’emisumaali.

3
Naakutenderezanga
Nga mpulira by’omggamba;
Ndyoke nfaanane ng’abo
B’oli nabo mu ggulu.

4
Ayi-Musumba-omulungi
Beeranga kumpi nange,
Njige eddoboozi lyo,
Nkwatenga ekkubo lyo.

5
Naakugobereranga
Buli wonna w’oyita;
Olintuusa mu ggulu
Mu maaso ga Kitaffe.

Oluyimba 286: GGWE-ASUUTIBWA BULI MUNTU Lyrics

 

OLUYIMBA 356: TEMUYONOONANGA
1
TEMUYONOONANGA,
Temuyombanga;
Muli ba Mukama,
Muli ba Yesu.

2
Kristo muwombeefu,
Alina-ekisa;
Era n’abaana be
Bamufaanane.

3
Waliwo Ssetaani
Abateganya;
Abasendasenda
Mulokle-ebibi.

4
Mumujeemerenga,
Ne bw’abakema;
Musabe Mukama
Mube balungi.

5
Edda mwasuubiza
Nga muli bato;
-Okugaana Ssetaani,
N’amakubo ge.

6
Muli Bakristaayo
Mulwanyise nnyo
Buli kibi kyonna,
Mube balungi.

7
Kristo abafuga,
Ye wa mazima;
Era n’abaana be
Bamufaanane.

Oluyimba 280: AYI KATONDA WAFFE Lyrics

 

OLUYIMBA 350: KATONDA TUSIIBULE NNO
1
KATONDA tusiibule nno:
Kkiriza-ettendo lyaffe
Sonyiwa bonna-abeenenya,
Abakweka ttalanta;
Tulemenga
Okunyiiza-Omwoyo wo

2
Otubeere tulemenga
Okwesanyusa fekka;
Tukuza essanyu lyaffe
Mu kuwummula kwaffe:
Naawe beera
Ssanyu lingi gye tuli.

3
Byonna bye tuyize wano,
Bituukirze mu ffe;
Naye byonna-ebitasaana,
Otwerabize mangu:
tunoonyenga
Amagezi-amalungi.

4
Ayi Kitaffe-obukuume
Abatalidda nate;
-Ebiro byabwe-eby’okusiga
Bireete-okukungula,
Abalidda
Bakolenga n’amaanyi.

Oluyimba 277: OTUKULEMBERE,MUSUMBA WAFFE Lyrics

 

OLUYIMBA 348: EKIRO NGA NEEBASE
1
EKIRO nga neebase,
Malayika ankuumye;
Nkwebaza,Ayi-Mukama,
Okumpisa mu kiro.

2
Mu njuyi zonna-ez’ensi
-Erinnya lyo lyebazibwe;
Bye bakola mu ggulu
Bikolebwe ne mu nsi.

3
Ompe-emmere-eya leero,
Nsonyiwa-ebibi byange;
Onkuume nze-omwana wo
Olunaku lwa leero.