Category: Luganda Anglican Hymns Lyrics

Oluyimba 373: OMWANA WO NKUKOOWOOLA Lyrics

 

OLUYIMBA 61: AYI KITANGE,NKWESIGA
1
AYI Kitange,nkwesiga
Okumbeeranga
Mu-ebyo-ebinambangako
Mu mwaka guno:
Sisaba kuggyibwako
Bizibu byonna,
Kyokka nsaba-erinnya lyo
Lyebazibwenga.

2
Mwana ki-eyeerondera
Ye by’ayagala?
Ebirungi kitaawe
Tabimugaana.
Bulijjo-otuweereza
Emikisa gyo;
Kyenvu nsaba-erinnya lyo
Lyebazibwenga

3
Bw’onompa mu bulamu
Ebisanyusa,
-Essanyu lyange lye nnina
Lineeyongera:
Ka nnyimbenga bulijjo
Amatendo do,
Mu byonna erinnya lyo
Lyebazibwenga

4
Bw’onompita-okwetikka
-Omusaalaba gwo;
Ne gundeetera-ennaku
N’obuyinike;
Kandowooze ku Yesu
Mu kitiibwa kye.
Bulijjo,erinnya lyo
Lyebazibwenga.

Oluyimba 389: KATONDA BYASIMA YE BIRIKOLERWA DALA Lyrics

 

OLUYIMBA 76: OWEEBWE NNYO-EKITIBWA
1
OWEEBWE nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

2
Kabaka-agaba-obuwa,
Omwana wa Dawudi,
Mu linnya lya Mukama,
Eyajja gye tuli.

Oweebwe,nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

3
Bamalayika nabo
Baasuuta-erinnya lyo;
Abantu n’enitonde
Mu nsi ne baddamu

Oweebwe,nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

4
Abayudaaya-ensansa
Baakukulembeza;
Naffe tuyimba-ennyimba
Nga tutendereza.

Oweebwe,nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

5
Bo baakutendereza
Eyafa ku mit:
Ffe tusinza n’ennyimba
Kabaka-afuga-ensi.

Oweebwe,nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

6
Ennyimba ez’abaana
Ggwe wazikkiriza
Naffe-era totugaana
Byonna bye tusaba.

Oweebwe,nny(o) ekitiibwa,
Ggw(e) eyatununula;
Eyagulumizibwa
N’emimwa gy’abaana.

Oluyimba 374: TUTENDE NNYO MUKAMA Lyrics

 

OLUYIMBA 62: TWEYANZIZA-EKISA KYO
1
TWEYANZIZA-ekisa kyo
Okututuusa fenna,
Mu mwaka guno-omuggya
Ayi Kitaffe, wulira.

2
Mu bunafu n’ennaku,
Ka tuddukire gy’oli
Ng’ekkubo litubula;
Yesu-otukulembere.

3
Bwe tulisemberera
Ekiwonvu-eky’okufa,
-Omuggo gwo n’oluga lwo
Bye biritusanyusa.

4
Bulijjo tubeerenga
Beesigwa,balongoofu;
Ka tugumiikirize,
Otusaayize-engule.

5
Mu nsi ey’omu ggulu,
Tulikuba-ennanga-empya
Nga tukusuuta wekka,
Ggwe-afuga-abantu bonna

Oluyimba 375: TUSIGA-ENSIGO-ENNUNGI Lyrics

 

OLUYIMBA 63: ABAGEZIGEZI-EDDA
1
ABAGEZIGEZI-edda
Bwe baalaba-emmunyeenye
Baagiraba n’essanyu
Ne bagigoberera;
Naffe Yesu Mukama,
Twagala-okukulaba

2
Bo baagenda mangu nnyo
Okunoonya-Omwana-oyo;
Eyafuga-ensi zonna
N’akka ku lwaffe-ababi;
Bwe tutyo twanguweko
Tunoonye-Omulokozi.

3
Bo baawaayo-ebirabo
Eby’omuwendo-omungi
Ne babimutonera
Asinga bonna-ab’ensi;
Bwe tutyo naffe leero
Tweweeyo Yesu gy’oli.

4
Yesu ggwe-ennaku zonna
-Otukuumenga-olw’ekisa;
N’eby’ensi bwe biriggwaawo;
-Otutwalenga n’essanyu
Etabeera nzikiza,
Gy’olabikira ddala.

5
Mu nsi ey’omu ggulu
Tebeetaaga ttabaaza;
Ggwe musana n’essanyu,
Ggwe njuba eteggwaawo,
Yesu otutuuseeyo;
Tusuutenga-erinnya lyo

Oluyimba 376: KATONDA LWE LWAZI LWAFFE Lyrics

 

OLUYIMBA 64: MMUNYEENYE- EYAKIRA BONNA
1
MMUNYEENYE-eyakira bonna
-Abatambula-ekiro!
Otwakire otuwonye
Mu nzikiza yaffe.

2
Jjangu! Muwanguzi waffe,
Yolesa-amaanyi go,
Ensi zonna zikusuute,
Zikugulumize.

3
Leero-ebitonde byo byonna
Bikaaba bisinda,
Awamu n’emyoyo gyaffe
Nga tukusuubira.

4
Ggwe-eyeetikka-omusaalaba
Otuwonye-okufa.
Musuutwa waffe, labika,
Jjangu:tukwetaaga.

5
Labika n’ekitiibwa kyo,
Weetikkira-engule,
Naffe ne bamalayika
Tusinzize wamu

Oluyimba 377: KATONDA OW’OKWAGALA Lyrics

 

OLUYIMBA 65: OTUBEERE MMUNYEENYE ENNUNGI
1
OTUBEERE Mmunyeenye ennungi,
Laga-ekifo Mukama gy’ali;
Oyakire mu nzikiza yaffe,
Tukwate-ekkubo-eridda gy’ali:
-Omununuzi ow’abantu bonna,
Kabaka,Omutonzi wa byonna,
Yeewombeeka ng’omwana-omuto.

2
Kale tumuwe eby’obugagga,
-Akaloosa-ak’omuwendo-omungi?
Oba kumuwa zaabu n’eruulu,
-Obuyinja obumasamasa?
-Obugagga tumuweere bwereere,
Asinga-okwagala emitima
Gy’abantu n’okusaba kwabwe.

3
Otubeere Mmunyeenye ennungi,
Laga-ekifo Mukama gy’ali:
Oyakire mu nzikiza yaffe
Tukwate-ekkubo-eridda gy’ali;
Twewombeeke nga Ye bwe Yakola,
Tweweeyo-olw’okubeera-abalala,
Tufubenga-okumufaanana

Oluyimba 378: MUKAMA TUFUKAMIDDE Lyrics

 

OLUYIMBA 66: LABA-EMMUNYEENYE-ENNUNGI-ENNYO
1
LABA-emmunyeenye_ennungi_ennyo
Ey’ekisa n’amazima
Emasamasa leero!
Omwana wa Dawudi ggwe,
Kannoonyenga amaaso go,
Omuva omusana.
Yesu wange,
Gw’oli-okumpi,ayi Kabaka ow’ekitiibwa,
Omuwanguzi wa byonna.

2
Emmeeme yange essanyuka
Kubanga amaaso ga Yesu
Galaba omuddu we.
Yesu gw’oli-omulungi enyo,
-Omutima gwange n’obulamu,
Era-amagezigange,
Beera nange
Emirembe n’emirembe ,Ozaana!
Ggwe-obulamu-obutaggwawo.

3
Kale kaakano njaguza,
Kubanga mmanyi nga Yesu
Muganzi-anjagala nze;
Ankwata mu mikono gye,
Ankuuma mu kifuba kye,
Tunaagendanga wamu,
Jjangu mangu
Engule ey’omuwendo,-era tolwawo;
Omugole akulinze.

Oluyimba 379: KATONDA ABEERENGA NAAWE Lyrics

 

OLUYIMBA 67: ABANTU ABAABEERANGA
1
ABANTU abaabeeranga
Mu nzikiza y’ensi
Omusana gubaakidde
Okugoba-okufa.

2
Watutikkula-emigugu
N’omenya-omujoozi,
Nga bwe wakola-omulabe,
Ku lwa Midiyaani.

3
Anaayitibwanga-erinnya
Kabaka-ow’amaanyi,
Kabaka ow’emirembe,
Katonda-omwagalwa,

4
Jjangu Enjuba-Entukuvu
Mulisa-ensi zonna;
Bonna bajjule-essanyu lyo;
Mu mitima gyabwe.

5
Omwana atuzaaliddwa
-Omwana-atuweereddwa;
-Obuyinza bwe bulifuga,
Mu ggulu ne mu nsi.

6
Buyinza bwe bulibuna
Mu mawanga gonna;
N’ensala ze ez’ensonga,
Za mirembe gyonna.

7
Kale Yesu,jjangu leero
Wamu ne Kitaffe;
N’Omwoyo Omutukuvu
Tufugire ddala

Oluyimba 380: BEWAAYO-ABAANA BEEBAZIBWA Lyrics

 

OLUYIMBA 68: YESU MUKAMA WAFFE
1
YESU Mukama waffe,
Otugumiikirize,
Twetoowazizza leero.

2
Yesu ggwe-Omutukuvu
Otugonze ffe-emyoyo
Nga tukyalina-ebbanga.

3
Otujjuze ffe-Omwoyo
Omubeezi ow’ekisa,
Tukwatenga-amazima.

4
Ku lw’entuuyo ez’omusaayi,
N’amaziga go gonna;
Ge watonnyesa mu nsi.

5
Ku lw’okwagala-okungi
Okwakutufiiriza,
Yesu otuwulire

Oluyimba 381: AYI KATONDA OGIKUUME Lyrics

 

OLUYIMBA 69: KATONDA, BWE BAALUMWA-ENNYO
1
KATONDA, bwe baalumwa-ennyo
Ennyonta-Abayisirsyiri
Walagira Musa bw’oti:
-Okukuba-olwazi n’omuggo.

2
Mu lwazi olwakubibwa
Ne muvaamu-amazzi mangi;
Abaali balina-ennyonta,
Baaganywa ne basanyuka.

3
Bwe tuluba-olwazi olwo,
Tulaba Yesu mu ngero;
Gwe baakuba-edda ku lwaffe,
Ne muva omusaayi gwe.

4
Bwe tubeera mu nsi muno,
Tulumwa-ennyonta mu mwoyo;
Kale tegatugwanidde
Ffe amazzi g’obulamu?