Category: Luganda Anglican Hymns Lyrics

Oluyimba 4: MUKAMA WAFFE BULIJJO Lyrics

 

OLUYIMBA 101: YESU NG’ADDAYO GYE YAVA
1
YESU ng’addayo gye yava
Mu buwanguzi-obungi
Mumulabe ye Kabaka
Afuga bakabaka.
Bamalayika be bomma
Bakuba nnyo ennanga,
Eggye lyonna ery’omu ggulu
Baaniriza Kabaka.

2
Ani ajja mu kitiibwa
N’obuwanguzi-obungi?
Oyo-ow’amaanyi mu ntalo
Awangudde-omulabe.
Bwe yafa ku musaalaba
Era n’ava mu ntaana,
N’aweebwa-erinnya-erisinga
Bonna bamusinzenga

3
Atuzuukizizza naffe,
Tufuge wamu naye
Eyo mu kitiibwa-ekingi
Ne bamalayika be:
Omulokozi afuga
Katonda-era omuntu
Erinnya lye wa kitalo
Katonda ataggwaawo.

4
Ekitiibwa-eri Kitaffe,
N’eri-Omwana we Yesu;
N’eri-Omwoyo-Omutukuvu
Era-omu mu Busatu;
Ekitiibwa kibe gy’ali,
Ensi zimuyimbire;
Ettendo libe mu ggulu,
-Era n’emirembe ku nsi

Oluyimba 5: JJANGU GYE NDI BWE NZUUKUKA Lyrics

 

OLUYIMBA 102: OMWOYO OMUTUKUVU JJANGU
1
OMWOYO Omutukuvu jjangu,
Otusemberere fenna
Oyakire mu mitima gyaffe
Otuwe ebirabo byo byonna

2
Tufukeeko-okuva mu ggulu
Omuliro ogw’okwagala.
Tuzzemu obulamu mu nda yaffe;
Ggwe wekka-Omusanyusa.

3
Jjangu ozibulire ddala
Amaaso gaffe agatalaba,
Otukuze ffe aboonoonefu
N’ekisa kyo ekitakoma.

4
Owangule abalabe baffe,
Otuwe ffe emirembe gyo,
Bw’oba otukulembera
Teri kibi kitutuukako.

5
Tulage Kitaffe n’Omwana
Wamu naawe Katonda omu;
Tutendereze obulungi bwo
Tutendereze obuluni bwo
Leero n’emirembe gyonna

Oluyimba 6: ENKYA BW’ONOOZUUKUKANGA Lyrics

 

OLUYIMBA 103: EDDA KATONDA BWE YAKKA
1
EDDA Katonda bwe yakka
Ne wabaawo-entiisa;
Eggulu ne libwatuka,
Ne gwaka-omuliro.

2
Naye-Omwoyo-Omtukuvu
Bwe yakka-olulala,
Yava mu ggulu ng’empewo
Ewuuma n’amaanyi.

3
Omuliro-ogw’entisa-ogwo
-Ogwayokya Sinaayi,
Ne gukka mpola ku mitwe
Egy’abatukuvu.

4
Kale,tukwegayiridde,
Jjangu okke ku ffe:
-Omugabi w’obulamu,kka,
Jjangu,Musanyusa.

5
Tuwe-ebirabo,-okwagala,
-Emirembe n’essanyu.
Okgumiikiriza-ekisa;
-Obutrrfu,-okwesiga.

6
Tunaasuutanga bwe tutyo
Erinnya lye-ekkulu,
Kaonda Ayinza byonna,
Atukuza fenna.

Oluyimba Ekisa Lyrics

 

EkISA kya Mukama wafe yesu kristo,
nokwagala kwa Katonda,
nokusekimu Kwomwoyo Omutukuvu,
bibere nafe fena na’boluganda bonna,
emirembe egitagwawo,
Amina.

Oluyimba 7: ZUUKUKA GGWE-OMWOYO GWANGE Lyrics

 

OLUYIMBA 104: JJANGU MWOYO WA YESU
1
JJANGU Mwoyo wa Yesu,
Mu nzikiza otuwe
Omusana gw’obulamu-
Sembera, Musanyusa,
Tuula mu myoyo gyaffe,
Otufugire ddala.

2
Ggwe Kiwummulo kyaffe,
Mu byonna bye tukola
Otuwummuze gy’oli
Otumalemu-ebibi,
Merusa mu ffe-ekisa,
Tulyoke tukwagale.

3
Longoosa-ebyonoonese
Wonya-ebiwundu byaffe,
Tonnyesa-emikisa gyo.
Emyoyo gy’abajeemu,
Era-abalina-ebibi
Ogikyusize ddala.

4
Abeesigira ddala
Obuyinza bwo bwonna
Bulijjo-obakuumenga
Mu nsi-otwe-ekisa kyo,
Era ku lw’amaanyi go,
Otutuuse mu ggulu.

Oluyimba Essala esaba ekisa Lyrics

 

ayi mukama,kitaffe ow’omuggulu;
katonda ayinza byonna atagwaawo;
gwe atutuusizza nga tuli balamu ku lunaku luno we lusookera,
otuzibire n’amanyi go,
otubeere tuleme okwonoona leero
newankubadde okuyingira mukabi konna,
naye buli kye tukola ,
okilungamye mu kufuga kwo,
tukole bulijjo ebiri mu maaso go eby’obutuukirivu,
kubwa yesu kristo
mukama waffe,amiina.

Oluyimba 8: GGWE MUSANA GW’OBULAMU Lyrics

 

OLUYIMBA 105: OMWOYO OMUTUKUVU
1
-OMWOYO-Omutukuvu
Oyingire mu ffe;
Emitima gyaffe
Gijjule-okwagala;
Mubeezi waffe yakira
Mu bulamu bwaffe bwonna.

2
-Omwoyo-Omutukuvu
-Otumalemu mu ffe
Okwegomba kwonna
Okutasaanira;
-Omusana-ogwakaayakana
Omulise-emyoyo gyaffe.

3
-Omwoyo-Omutukuvu
Tuwe-Okwagalana;
Tutuukirizenga
Etteeka lya Yesu:
Twesibenga-obuwombeefu
Tunakuwalire-ebibi.

4
-Omwoyo-Omutukuvu
Otusobozese
Okutuukiriza
Yesu by’ayagala;
Tuyaayaanire Katonda,
Bye yategekera fenna.

Oluyimba ENZIKIRIZA YA’BATUME Lyrics

 

Nzikiriza Katonda Kitafe Omuinza webintu byona,
Omutonzi wegulu Nensi;
Ne Yesu Kristo Omwanawe omu yeka Mukama wafe,
Eyazalibwa omuwala atamanyi musajja Malyamu,
eyali olubuto Olwomwoyo Omutukuvu.
Nabonyabonyezebwa ku mirembe gya Pontio Pirato;
Nakomererwa ku musalaba; Nafa; Nazikibwa;
Naka Emagombe mu bafu;
Olunaku olwokusatu nazukira mu bafu,
Nagenda mu gulu;
Atude ku mukono ogwadyo ogwa Katonda Kitafe Omuinza webintu byona;
Naye alivayo okukomawo okusala omusango gwabalamu nabafu.
Nzikiriza Omwoyo Omutukuvu;
Nekanisa entukuvu Eyabantu bonna ela ebuna wona;
Nokusekimu okwabatukuvu;
Nokusonyibwa ebibi;
Nokuzukira kwomubiri;
Nobulamu obutagwawo.
Amina.

Oluyimba 9: GY’OLI YESU TUWAAYO Lyrics

 

OLUYIMBA 106: OLWA LEERO MBAGA:OLUNAKU LUNO LUKULU!
1
OLWA leero mbaga: Olunaku luno lukulu!
Bwe tulwaniriza,ka tulukwatenga.

2
Leero-Omutonzi w’eggulu,olunaku n’ennyanja byonna,
Yatandika-omulimu gwe,olw’amagezi ge.

Olwa leero mbaga: Olunaku luno lukulu!
Bwe tulwaniriza,ka tulukwatenga.

3
Leero Mukama yazikiriza okufa mu kufa kwe,
Bw’atyo n’alyoka atuwa-essanyu n’essuubi lingi.

Olwa leero mbaga: Olunaku luno lukulu!
Bwe tulwaniriza,ka tulukwatenga.

4
Leero Katonda yajjuza-abatume amaanyi g’Omwoyo
Okuyigirizanga era n’okulunggamyanga.

Olwa leero mbaga: Olunaku luno lukulu!
Bwe tulwaniriza,ka tulukwatenga.

5
Leero mwenna abakkiriza mu nsi yonna mumutende
Omununuzi wammwe namaloboozi gonna.

Olwa leero mbaga: Olunaku luno lukulu!
Bwe tulwaniriza,ka tulukwatenga.

6
Leero abali ewala mu nzikiza balitegeera
Ekitiibwa kye-ekingi n’obutuukirivu bwe.

Olwa leero mbaga: Olunaku luno lukulu!
Bwe tulwaniriza,ka tulukwatenga.

7
Tukusaba, bulijjo-obeerenga mu myoyo gy’abantu bo,
Ggwe Mulokozi Yesu,era Mukama waffe.

Olwa leero mbaga: Olunaku luno lukulu!
Bwe tulwaniriza,ka tulukwatenga.