Luganda Anglican Hymns COU lyrics
OLUYIMBA 10: OMPULIRE KITAFFE
1
OMPULIRE Kitaffe
Ggwe Mukuumi wange:
Beera kumpi nange;
Onjijanjabenga.
2
Ayi Mukaama Yesu,
Atuwa-obulamu,
Ka nziruke-embiro
Okutuuka gy’oli.
3
Ggwe Mubeezi waffe,
Mwoyo wa Katonda,
Laba bwe nkwetaaga
Nsembeza, nnongoosa.
4
Jjangu, Ayi Katonda;
Tondekanga wano,
Okuva kaakano,
Tuula mu nda yange.
OLUYIMBA 100: MUMUYIMBIRE MUKAMA
1
MUMUYIMBIRE Mukama
Mmwe-abantu bonna mu nsi,
Olw’obuwanguzi-obungi
Yesu bwe yazuukira:
Nammwe mwenna-ab’omu ggulu
Muyimbe nga mumulinda;
Ajja n’obuwanguzi.
2
Ku lwaffe yabonaabona,
Era eyo mu ntaana
Omulabe yawangulwa;
Naffe twasumululwa,
Tetukyali baddu nate:
Erinnya lye lyebazibwe,
Olw’obuwanguzi bwe.
3
Otenderezebwenga ggwe
Olw’obulokozi bwo;
Era naawe.Ayi Kitaffe,
Ogwanidde-ekitiibwa;
Era naawe,Ayi Omwoyo,
Ka tukutenderezenga,
Katonda omu wekka
OLUYIMBA 101: YESU NG’ADDAYO GYE YAVA
1
YESU ng’addayo gye yava
Mu buwanguzi-obungi
Mumulabe ye Kabaka
Afuga bakabaka.
Bamalayika be bomma
Bakuba nnyo ennanga,
Eggye lyonna ery’omu ggulu
Baaniriza Kabaka.
2
Ani ajja mu kitiibwa
N’obuwanguzi-obungi?
Oyo-ow’amaanyi mu ntalo
Awangudde-omulabe.
Bwe yafa ku musaalaba
Era n’ava mu ntaana,
N’aweebwa-erinnya-erisinga
Bonna bamusinzenga
3
Atuzuukizizza naffe,
Tufuge wamu naye
Eyo mu kitiibwa-ekingi
Ne bamalayika be:
Omulokozi afuga
Katonda-era omuntu
Erinnya lye wa kitalo
Katonda ataggwaawo.
4
Ekitiibwa-eri Kitaffe,
N’eri-Omwana we Yesu;
N’eri-Omwoyo-Omutukuvu
Era-omu mu Busatu;
Ekitiibwa kibe gy’ali,
Ensi zimuyimbire;
Ettendo libe mu ggulu,
-Era n’emirembe ku nsi
OLUYIMBA 102: OMWOYO OMUTUKUVU JJANGU
1
OMWOYO Omutukuvu jjangu,
Otusemberere fenna
Oyakire mu mitima gyaffe
Otuwe ebirabo byo byonna
2
Tufukeeko-okuva mu ggulu
Omuliro ogw’okwagala.
Tuzzemu obulamu mu nda yaffe;
Ggwe wekka-Omusanyusa.
3
Jjangu ozibulire ddala
Amaaso gaffe agatalaba,
Otukuze ffe aboonoonefu
N’ekisa kyo ekitakoma.
4
Owangule abalabe baffe,
Otuwe ffe emirembe gyo,
Bw’oba otukulembera
Teri kibi kitutuukako.
5
Tulage Kitaffe n’Omwana
Wamu naawe Katonda omu;
Tutendereze obulungi bwo
Tutendereze obuluni bwo
Leero n’emirembe gyonna
OLUYIMBA 103: EDDA KATONDA BWE YAKKA
1
EDDA Katonda bwe yakka
Ne wabaawo-entiisa;
Eggulu ne libwatuka,
Ne gwaka-omuliro.
2
Naye-Omwoyo-Omtukuvu
Bwe yakka-olulala,
Yava mu ggulu ng’empewo
Ewuuma n’amaanyi.
3
Omuliro-ogw’entisa-ogwo
-Ogwayokya Sinaayi,
Ne gukka mpola ku mitwe
Egy’abatukuvu.
4
Kale,tukwegayiridde,
Jjangu okke ku ffe:
-Omugabi w’obulamu,kka,
Jjangu,Musanyusa.
5
Tuwe-ebirabo,-okwagala,
-Emirembe n’essanyu.
Okgumiikiriza-ekisa;
-Obutrrfu,-okwesiga.
6
Tunaasuutanga bwe tutyo
Erinnya lye-ekkulu,
Kaonda Ayinza byonna,
Atukuza fenna.
EkISA kya Mukama wafe yesu kristo,
nokwagala kwa Katonda,
nokusekimu Kwomwoyo Omutukuvu,
bibere nafe fena na’boluganda bonna,
emirembe egitagwawo,
Amina.
OLUYIMBA 104: JJANGU MWOYO WA YESU
1
JJANGU Mwoyo wa Yesu,
Mu nzikiza otuwe
Omusana gw’obulamu-
Sembera, Musanyusa,
Tuula mu myoyo gyaffe,
Otufugire ddala.
2
Ggwe Kiwummulo kyaffe,
Mu byonna bye tukola
Otuwummuze gy’oli
Otumalemu-ebibi,
Merusa mu ffe-ekisa,
Tulyoke tukwagale.
3
Longoosa-ebyonoonese
Wonya-ebiwundu byaffe,
Tonnyesa-emikisa gyo.
Emyoyo gy’abajeemu,
Era-abalina-ebibi
Ogikyusize ddala.
4
Abeesigira ddala
Obuyinza bwo bwonna
Bulijjo-obakuumenga
Mu nsi-otwe-ekisa kyo,
Era ku lw’amaanyi go,
Otutuuse mu ggulu.
ayi mukama,kitaffe ow’omuggulu;
katonda ayinza byonna atagwaawo;
gwe atutuusizza nga tuli balamu ku lunaku luno we lusookera,
otuzibire n’amanyi go,
otubeere tuleme okwonoona leero
newankubadde okuyingira mukabi konna,
naye buli kye tukola ,
okilungamye mu kufuga kwo,
tukole bulijjo ebiri mu maaso go eby’obutuukirivu,
kubwa yesu kristo
mukama waffe,amiina.
OLUYIMBA 105: OMWOYO OMUTUKUVU
1
-OMWOYO-Omutukuvu
Oyingire mu ffe;
Emitima gyaffe
Gijjule-okwagala;
Mubeezi waffe yakira
Mu bulamu bwaffe bwonna.
2
-Omwoyo-Omutukuvu
-Otumalemu mu ffe
Okwegomba kwonna
Okutasaanira;
-Omusana-ogwakaayakana
Omulise-emyoyo gyaffe.
3
-Omwoyo-Omutukuvu
Tuwe-Okwagalana;
Tutuukirizenga
Etteeka lya Yesu:
Twesibenga-obuwombeefu
Tunakuwalire-ebibi.
4
-Omwoyo-Omutukuvu
Otusobozese
Okutuukiriza
Yesu by’ayagala;
Tuyaayaanire Katonda,
Bye yategekera fenna.
Nzikiriza Katonda Kitafe Omuinza webintu byona,
Omutonzi wegulu Nensi;
Ne Yesu Kristo Omwanawe omu yeka Mukama wafe,
Eyazalibwa omuwala atamanyi musajja Malyamu,
eyali olubuto Olwomwoyo Omutukuvu.
Nabonyabonyezebwa ku mirembe gya Pontio Pirato;
Nakomererwa ku musalaba; Nafa; Nazikibwa;
Naka Emagombe mu bafu;
Olunaku olwokusatu nazukira mu bafu,
Nagenda mu gulu;
Atude ku mukono ogwadyo ogwa Katonda Kitafe Omuinza webintu byona;
Naye alivayo okukomawo okusala omusango gwabalamu nabafu.
Nzikiriza Omwoyo Omutukuvu;
Nekanisa entukuvu Eyabantu bonna ela ebuna wona;
Nokusekimu okwabatukuvu;
Nokusonyibwa ebibi;
Nokuzukira kwomubiri;
Nobulamu obutagwawo.
Amina.