Category: Luganda Anglican Hymns Lyrics

Oluyimba 20: OLUNAKU LWAFE LUNO Lyrics

 

OLUYIMBA 116: YESU NAAWE WALI
1
YESU naawe wali
Omuto ngaffe,
So tewali muto
Gw’otoyagadde;
Naffe twakusenga
Ku Bbatirizo,
Otujjukizenga
Endagaano eyo.

2
Mu kiseera ekyo
Baatuyingiza
Munda mu kisibo
Eky’Ekkanisa.
Bwe tuneesiganga
Ebigambo byo,
Onootukwatanga
Mu mikono gyo.

3
Tetukyakulaba
Yesu,n’amaaso,
Naye tukusaba
Otukuume nnyo.
Edda tulituuka
Mu ggulu gy’oli,
Okufa kufuuka
Otulo w’oli
4
Ennyonta n’enjala
Tebiriruma
Ndiga zo z’otwala
Ggwe-olizikuuma.
Okufa ku bwaffe
Wakuwangula,
Amaziga gaffe
N’ogasangula.

5
Ayi Musumba waffe
Obulamu bwo
Wabuwa ku lwaffe
Abagule bo.
Otujjukizenga
Emikisa gyo,
Ka tukwesigenga
Wonna,bulijjo.

Oluyimba 21: AYI MUSUMBA OMUTEEFU Lyrics

 

OLUYIMBA 117: TUSANYUSE-OKUJJA MU MAASO GO
1
TUSANYUSE-okujja mu maaso go,
Tusuubiza leero mu maaso go;
Tubeere-abaana bo-ennaku zonna,
Okukuweereza n’obwesigwa.

2
Naye tumanyidde ddala kino
Nti tetuyinza awatali ggwe;
Naye ggwe watusuubiza kino
Okubeeranga naffe bulijjo.

3
Tumanyi nti ggwe oli mwesigwa,
Toyinza kutuleka mu kkubo;
Kale-essubi eryo litugumye
Liryoke litutuuse mu ggulu.

4
Otuyise okukuweereza
Tuwaayo-obulamu bwaffe bwonna;
Tukuweereze nga bw’osaanira
Olyoke-oweebwe-ekitiibwa mu nsi

Oluyimba 22: AYI KITAFFE OMUTONZI Lyrics

 

OLUYIMBA 118: TWALA-OBULAMU BWANGE
1
TWALA-obulamu bwange
Obufugire ddala,
Ebiro bye ndimala
Bibe bya kukusinza.

2
Twala-emikono gyange
Okukuweerezanga;
Twala-ebigere byangge
Ntambulirenga mu ggwe.

3
Twala-eddoboozi lyange
Nkutendereze Yesu;
Twala n’emimwa gyange
Gibuulirenga-Enjiri.

4
Twala ne bye ndowooza,
Ndowoozenga by’osiima;
Twala-omutima gwange
Bulijjo-ogukuumenga

5
Twala bye nnina byonna,
Byonna bibyo si byange;
Twala-amagezi gange
Gakozese by’osiima.

6
Twala-okwagala kwange,
Ntwala nzenna nga bwe ndi;
Yesu-ontwalire ddala,
-Emirembe ne’mirembe

Oluyimba 23: KATONDA WANGE NKWEBAZA Lyrics

 

OLUYIMBA 119: TWATEEKEBWAKO OMUSAALABA
1
TWATEEKEBWAKO omusaalaba,
Tugoberere-Omugabe_waffe
Omwoyo-o’wamaanyi gwe tuweereza,
Balwanyi ba Yesu,tetudda nnyuma

2
Bye tulwanyiisa biva mu ggulu,
Ekitabo kye ye-engabo yaffe;
Okwagala-, Ekisa n’Obutukuvu,
Twambalenga byonna bye tulwanyisa.

3
-Obulwa bunene naye tugume,e,
Tuliwummula nga tuwangudde;
Ekiwummulo eky’obuwanguzi
Omugabe waffe alitwebaza.

4
Tulwanyise-ensi n’eby’omubiri,
Tudde mu maaso,tetudda nnyuma;
Otuwadde Omwoyo-ow’amagezi
Tugende mu maaso wamu ne Yesu.

Oluyimba 24: OMUKISA GWA KITAFFE Lyrics

 

OLUYIMBA 12: ENJUBA Y’OMWOYO GWANGE
1
ENJUBA y’omoyo gwange,
-Omulokozi gwe njagala;
Bw’abanga-anjakira-,obudde
Tebujja kunzibirira.

2
Emitawaana egy’ensi
Gireme-okusiikiriza
Omusana gw’amaaso go,
Ne siyinza kukulaba.

3
Bwe ngenda-okwebaka-ekiro
Onteeke mu mikono gyo,
Onkuume mu kabi konna,
Oneebase mu mirembe.

4
Enkya,mu ttuntu, n’ekiro,
Era ne me bifo byonna,
Ggwe-ayagala abaana bo,
Beeranga nange,tondeka.

5
Oba nga-omu gwe watonda
Anyoomye-ekisa kyo leero
Kaakano-omutaase oyo,
Mu buyinza-obw’omulabe.

6
Ojjanjabe-abalumwa-ennyo,
N’abatayinza kwebaka,
Obawonye-endwadde zaabwe;
Obaggyeko-obubi bwonna.

7
Era bwe tunaazuukuka
Ojje otuwe-ekisa kyo;
Nga tetunnaba kukola
Emirimu-egya bulijjo

Oluyimba 25: KITAFFE TWEWAAYO Lyrics

 

OLUYIMBA 120: KATONDA WANGE NKUWADDE
1
KATONDA wange nkuwadde
-Omwoyo gwange gwonna;
Nnemenga okukuvaako
emirembe gyonna.

2
Neesudde ku bigere byo,
Ggwe-eyakomererwa:
Komerera-ebibi byange,
Nkuweereze wekka.

3
Olw’ekisa kyo-ontukuze ,
Onfuule owuwo,
Ndyoke ndabe amaaso go
Nkutenderezenga.

4
Nkuwadde byonna bye nkola
N’ebyo bye ndowooza,
Nkuweereze mu bulamu,
Mu kufa nbe naawe.

5
Eddungu weeriri,
Lye mpitamu,naye
Ka nnyanguwe gy’oli
Ennyonta yange-eggwe.

Oluyimba 10: OMPULIRE KITAFFE Lyrics

 

OLUYIMBA 107:- ABATUKUVU BA KATONDA
1
-ABATUKUVU ba Katonda
Entalo zaabwe zaggwaawo,
Tebakyetaaga mafumu,
Tebakyewoma mu ngabo.
Baweereddwa-omukisa bo,
Bajjudde-essanyu lya Yesu.

2
-Abatukuvu ba Katonda
Batuuka mu kiwumulo,
Tebeesittala kaakano
So tebazirika nate.
Baweereddwa-omukisa bo,
Balaba-amaaso ga Yesu.

3
-Abatukuvu ba Katonda
Edda baafuba n’amaanyi;
Mu nnyanja y’ennaku zaabwe,
-Amayengo nga gabakuba.
Baweereddwa-omukisa bo,
Bagobye mu mwalo gwabwe.

4
-Abatukuvu ba Katonda
-Emibiri gyabwe givunda,
Bw’aliijja balizuukira,
Ne basanyusibwa Yesu.
Baweereddwa omukisa-bo,
Kabaka waabwe-ajja mangu.

5
Katonda w’abatukuvu
Yesu, -Omulokozi waffe
Omwoyo eyatukuuma,
Katonda-omu mu Busatu;
Otuwe-abakukkiriza,
-Otutuuka mu mirembe gyo

Oluyimba 26: JJANGU GGWE OMUNUNUZI WAFFE Lyrics

 

OLUYIMBA 121: ALIJJA:ESSUBI ERYO
1
ALIJJA:essubi eryo
Lye litugumya-emyoyo
Ekiseera kitono
Okutuusa lw’alidda;
Naffe tulijaguza
Fenna Yesu bw’alijja.

2
Be twayagalanga ffe
Bwe baba nga beebase
Ne tweraliikirira
Ne tubeera mu nnaku;
Ka tuleke-okukaaba;
Tuliwona,bw’alijja.

3
Bwe tulaba ennaku,
Tetunyiiga n’akamu;
Okufiirwa bannaffe
N’ennaku ze tulaba;
Tubigumiikirize,
Okutuusa lw’alijja.

4
Ka tulye ku mbaga ye
Ey’enviinyo n’emmere;
Bino bye bijjukizo,
Okutuusa ku biro
Lw’alituliisa fenna
Be yayita, bw’alijja.

Oluyimba 11: KABAKA WANGE Lyrics

 

OLUYIMBA 108: ABALOKOLE BA YESU,BE YATUUSA MU GGULU
1
ABALOKOLE ba Yesu, be yatuusa mu ggulu,
Bonna baana baKatonda, bonna batuukirivu;
Aleruuya,Aleruuya,bwe bayimba bwe batyo:
Ne bakuba-ennanga zaabwe,olw’essanyu lingi nnyo.

2
N’abawonya-ennaku zaabwe,n’abawa-obulamu bwe,
Ne baweebwa-obutuukirivu ku lw’omusaayi gwe;
Era-engoye zaabwe zonna ne zimasamasa nnyo;
Yesu n’abafuula-abaana,n’abasanyukirako

3
Omukadde,era nabbi,abamugoberera,
Omulenzi n’omuwala,era n’omuvubuka,
Abaayagala Katonda,era-abaamwuweereza;
Baali baddu ba Ssetaani,kaakano balokose.

4
Bwe baabeera mu nsi muno,bo baalwana n’amaanyi;
Ne balaba-ennaku nnyingi,ne bakolwa obubi;
Ne bakubibwa-amayinja,ne bajoogebwa-ababi;
Ne baduulirwa-ab’ettima,bwe baalumwa bwe batyo

5
Yesu kiki-ekyabawanguza Ssetaani bulijjo?
Ku lw’amaanyi go baawangula,era ku lwekisa kyo:
Ne bayoza-engoye zaabwe mu musaayi gwa Yesu;
Bo baakemebwa Ssetaani,ne banywerera ddala.

6
Katonda wa bakatonda,ggwe-eyazaalibwa wekka,
Ggwe-omusana omulungi, olw’abo tusanyuka:
Ka tukwate-empisa zaabwe,nga tukwesiga wekka
Yesu Mulokozi waffe,ggwe eyatufiirira

Oluyimba 27: MUZUUKUKE! MMWE-ABEEBASE Lyrics

 

OLUYIMBA 122: ENJALA N’ENNYONTA
1
ENJALA n’ennyonta
Binnuma-:ompeereze
Amazzi g’obulamu-
N’emmere-eva gy’oli.

2
Ggwe-eyabetentebwa,
Ku bwange,Mukama;
-Omugaati gw’obulamu
Gumpe, nneme-okufa.

3
Ggwe,Ayi Muzabibbu
Oguleeta-obulamu
Onnywese-enviinyo yo,
Envumule-omwoyo,

4
Nkooye n’okukoowa,
-Olugemdo lunnyinze;
-Ondiise ku mmere yo,
-Ombeere,Mulokozi.

5
Eddungu weeriri,
Lye mpitamu,naye
Ka nnyanguwe gy’oli
Ennyonta yange-eggwe.