Category: Luganda Anglican Hymns Lyrics

Oluyimba 379: KATONDA ABEERENGA NAAWE Lyrics

 

OLUYIMBA 67: ABANTU ABAABEERANGA
1
ABANTU abaabeeranga
Mu nzikiza y’ensi
Omusana gubaakidde
Okugoba-okufa.

2
Watutikkula-emigugu
N’omenya-omujoozi,
Nga bwe wakola-omulabe,
Ku lwa Midiyaani.

3
Anaayitibwanga-erinnya
Kabaka-ow’amaanyi,
Kabaka ow’emirembe,
Katonda-omwagalwa,

4
Jjangu Enjuba-Entukuvu
Mulisa-ensi zonna;
Bonna bajjule-essanyu lyo;
Mu mitima gyabwe.

5
Omwana atuzaaliddwa
-Omwana-atuweereddwa;
-Obuyinza bwe bulifuga,
Mu ggulu ne mu nsi.

6
Buyinza bwe bulibuna
Mu mawanga gonna;
N’ensala ze ez’ensonga,
Za mirembe gyonna.

7
Kale Yesu,jjangu leero
Wamu ne Kitaffe;
N’Omwoyo Omutukuvu
Tufugire ddala

Oluyimba 380: BEWAAYO-ABAANA BEEBAZIBWA Lyrics

 

OLUYIMBA 68: YESU MUKAMA WAFFE
1
YESU Mukama waffe,
Otugumiikirize,
Twetoowazizza leero.

2
Yesu ggwe-Omutukuvu
Otugonze ffe-emyoyo
Nga tukyalina-ebbanga.

3
Otujjuze ffe-Omwoyo
Omubeezi ow’ekisa,
Tukwatenga-amazima.

4
Ku lw’entuuyo ez’omusaayi,
N’amaziga go gonna;
Ge watonnyesa mu nsi.

5
Ku lw’okwagala-okungi
Okwakutufiiriza,
Yesu otuwulire

Oluyimba 381: AYI KATONDA OGIKUUME Lyrics

 

OLUYIMBA 69: KATONDA, BWE BAALUMWA-ENNYO
1
KATONDA, bwe baalumwa-ennyo
Ennyonta-Abayisirsyiri
Walagira Musa bw’oti:
-Okukuba-olwazi n’omuggo.

2
Mu lwazi olwakubibwa
Ne muvaamu-amazzi mangi;
Abaali balina-ennyonta,
Baaganywa ne basanyuka.

3
Bwe tuluba-olwazi olwo,
Tulaba Yesu mu ngero;
Gwe baakuba-edda ku lwaffe,
Ne muva omusaayi gwe.

4
Bwe tubeera mu nsi muno,
Tulumwa-ennyonta mu mwoyo;
Kale tegatugwanidde
Ffe amazzi g’obulamu?

Oluyimba 382: OBUDDE BUZIBYE;YESU Lyrics

 

OLUYIMBA 7: ZUUKUKA GGWE-OMWOYO GWANGE
1
ZUUKUKA ggwe-omwoyo gwange,
Busaasaanye-
-Era bukeeredde ddala;
Zuukuka ove mu tulo,
Waayo gy’ali
By’osobolera ddala.

2
Sanyukira-enjuba ye-eyo;
Evuddeyo,
Yambala amaanyi go;
-Obudde bw’ekiro bukedde:
Ye-akubedde,
Akuggye mu kabi-ako.

3
N’obulamu bwo enkeera,
Busanye.
-Okuyita mu kabi ako,
-Olw’olubeerwa-okuva gy’ali,
N’ojja-eri ye;
-Okusinza n’amaanyi go.

Oluyimba 383: WAALIWO EDDA OMUWALA:YALAGULWA BANNABBI Lyrics

 

OLUYIMBA 70: YESU FFE MU MAASO GO
1
YESU ffe mu maaso go
Tufukamidde leero:
Twatula-ebibi bingi
Amaziga ne gajja
Ku lw’okwagala-okungi
Okwakuleeta mu nsi,
Ng’oyima waggulu-ennyo
Yesu! otuwulire.

2
Ku lw’ekisa kyo-ekingi
Ekyakufuula-omwana,
N’obuzaaliranwa bwo
Bwe wafuuka omuntu:
Ku lw’okukemebwa kwo
Okw’entiisa mu ddungu,
Ng’oyima waggulu-ennyo,
Yesu! otuwulire.

3
Ku lw’okusaasira kwo
Bwe wanyolwa omwoyo
Ku ntaana ya Laazaalo,
Ne ku Yerusaalemi!
Ku lw’entuuyo-ez’omusaayi
N’Okusaba kwo-okungi,
Ngo’yima waggulu-ennyo,
Yesu! otuwulire.

4
Ku lw’okulumwa-okungi,
Ku lw’okusaba-okungi;
Ku lw’engule ya maggwa,
Era n’emisumaali,
N’effumu mu mbiriizi,
N’okukaaba-okw’entiisa,
Wawaayo-obulamu bwo;
Yesu! otuwulire.

Oluyimba 384: SIKUKULU EYASOKA YAJIRA ABASUMBA ABALUNDA Lyrics

 

OLUYIMBA 71: BINKOOYESA-EBIBI BYANGE
1
BINKOOYESA-ebibi byange
Ne njagala-okuwummula:
Ggw’oli kigo kyange,Yesu
Mwe neekwekanga bulijjo;
Ggwe muwolereza wange
Mukama wange ddala ggwe.

2
Okwagala kwo kusinga
Amaayi ebibi byange
Nzize gy’oli, gunsinze nnyo,
Ogolola-emikono gyo:
Omwonoonyi-omusembeze
-Omunaaze mu musaayi gwo.

3
Ontambuze mu kkubo lyo,
Ka nzire mu bigere byo,
-Olw’ekisa mpa ku maanyi go,
Obutayonoona nate,
Ebyagwa mu mwoyo gwange,
Obirongooseze ddala.

4
Omwoyo ogukutya ggwe,
Ogwagala-amateeka go,
Ogumpe nze,omuddu wo
Nneme-okuva mu maaso go,
Yesu Mukama wange,nze
Neeweeyo mu mikono gyo

Oluyimba 385: OJE,OMWOYO,OMUTUKUVU OMULISE EMITIMA GYAFFE Lyrics

 

OLUYIMBA 72: TULI BOONOONYI DDALA
1
TULI boonoonyi ddala,
Abasibiddwa-ebibi;
Ggwe abeera-abanaku,
Otusaasire,Yesu

2
Tetulina bulungi
Mu byonna bye tukola,
Ggwe-otegeera bwe tuli,
Otusaasire,Yesu

3
Tetwanganga kugenda
Gy’oli mu kitiibwa kyo;
Eyamanyiira-ennaku;
Otusaasire,Yesu.

4
Ssetaani yatusiba
Mu kkomera ly’ebibi ;
Otufuule ba ddembe,
Otusaasire,Yesu.

5
Ali omu mu ggulu
Atulokola yekka,
Tatuggalira bweru;
Otusaasire,Yesu.

6
Ye atuwolereza,
Mu maaso ga Katonda,
Ku bw’oyo tuwangula,
Tulituuka mu ggulu

Oluyimba 370: MU BUYINIKE-OBUNGI Lyrics

 

OLUYIMBA 59: EGGYE LYONNA ERY’OMU GGULU
1
EGGYE lyonna ery’omu ggulu,
Mwetooloole-ensi yonna;
Mumuyimbire Kabaka
Azaaliddwa-olwa leero.

Katusuute
Katwebaze
Kabaka
Azaliddwa

2
Kalr abagezigezi
Mwanguwe okugenda,
Nga munoonya Kristo waffe
Kabaka w’ensi zonna.

Katusuute
Katwebaze
Kabaka
Azaliddwa

3
Abasumba nga bakuuma
Ndiga zaabwe ekiro,
Naye eri mu kiraalo
Omusana nga gwaka.

Katusuute
Katwebaze
Kabaka
Azaliddwa

4
Laba azze mu yeekaali
Naye nga tetumanyi;
Simulaba naye ye-oyo
Essuubi ly’ensi zonna.

Katusuute
Katwebaze
Kabaka
Azaliddwa

5
Kino kya kitalo ddala;
Omwana oyo-omuto
Alifuga ensi zonna
Emirembe-egitaggwaawo-

Katusuute
Katwebaze
Kabaka
Azaliddwa

Oluyimba 386: OMUTUKUVU OMUTUKUVU Lyrics

 

OLUYIMBA 73: MU KWETAAGA KWAFFE-OKUNGI
1
MU kwetaaga kwaffe-okungi
Tukoowoola,AyiKatonda,
Tusaasire,tega-okutu,
Tuwulire-olw’ekisa kyo!
Mukama bw’onoolabanga
-Ebibi n’ensonyi-eby’abantu
Aliyimirira-aluwa?

2
Naye kino kye tumanyi
Nga waliwo-okusonyiwa.
Eri ggwe Katonda waffe,
Awulira n’asaasira!
-Ekigambo kyo,Ayi Mukama
Kya nsuubira -ennaku zonna,
Nindirira ggwe Mukama.

3
-Abakuumi baalindirira
Obudde okukya,naye
Emmeeme yange-esinga nnyo
-Okuyaayaanira Katonda,
Kubanga-awali Mukama
Wewali okusaasira,
Mwenna mumusuubirenga.

Oluyimba 371: KABAKA W’EGGULU N’ENSI Lyrics

 

OLUYIMBA 6: ENKYA BW’ONOOZUUKUKANGA
1
ENKYA bw’onoozuukukanga,
Nga tosoose mirimu,
Sooka-osome mu kitabo
Yesu kye yawandiisa,
N’ofukamira mu maaso
Ga Katonda-Omulamu-,
Anaakuwanga-omukisa,
Bwomubuulira byonna.

2
Oba ssanyu,oba nnaku
Bwe bijja gy’oli leero;
Tebiireme kukusanga
Nga weeteeseteese nnyo.
Totya maayi ga mulabe,
Ssetaani muwangule,
Onoomukubanga-enfuka;
Bw’onokkiriza Yesu.

3
Ebigambo bya Katonda
Bikuliisa-omwoyo gwo,
Nga bw’obyekkaanya-era bw’otyo
Bw’olaba-emirembe gye.
Mu kusaba mw’onooweerwa,
Amagezi n’amaanyi;
Okugoba abalabe
Bwe bakulumba-obubi.

4
Obukoowu n’obunafu,
Era n’obuyinike,
N’emitego gya Ssetani
Onoosobola byonna.
Saba Yesu-okukubeera
Buli lw’olaba-ennaku;
Bw’otyo bw’onoofuna-amaanyi,
Bw’omubuulira byonna.