Luganda Anglican Hymns COU lyrics
OLUYIMBA 125: YESU-OMUBIRI GWO Y’EMMERE
1
YESU-omubiri gwo y’emmere
Eriisa-ab’omu nsi zonna,
Ggwe-obulamu bw’abantu bonna,
Wafa ku bwaffe-,otuwonye.
2
Tunuulira-okusinda kwaffe
N’okukaaba kwaffe kwonna;
Embaga-eno-etutegeezenga
Nga bw’otukkusa mu njala
OLUYIMBA 14: KAAKANO BULI KINTU
1
KAAKANO buli kinyu,
Ensolo n’ebimuli,
N’abantu byebaka:
Otulo tubikutte,
Naye ggwe mwoyo gwange,
Ofumiitirize bino.
2
Eggulu litangaala
Obudde nga buzibye,
-Emmunyeenye ne zaaka;
Katonda bw’alimpita,
Ndigenda mangu gy’ali
Ne ndeka obuyinike.
3
Bitundu byaffe byonna
Byesiima-okuwummula
-Emirimu giwedde;
Bwe gutyo-omwoyo gwange
Edda bwe guliteebwa
Gulijjula emirembe.
4
Bwe twebaka,amaaso
Gabeera nga gazibye,
Nga tetuwulira;
Naye Yesu akuuma
Bonna abamwesiga,
N’abo-abeebakira mu ye.
OLUYIMBA 126: LABA-EMMEZA YANGE
1
LABA-emmeeza yange
Nga-ejjudde ebya ssava;
Mujje ku mbaga-eno
Mulye-emmere y’obulamu.
2
Alina ennyonta
N’enjala ng’emuluma;
Ajje mangu gye ndi
Nange naamuliisanga.
3
Nze mmere ennungi
Kitange gye yabawa;
Ereetera ensi
Obulamu-obutaggwaawo.
OLUYIMBA 140: EBINTU-EBIRUNGI N’EBINTU-EBIKULU
1
-EBINTU-ebirungi n’bintu-ebikulu
Eby’amagezi,n’ebituukirivu;
-Ebintu ebinene n’ebintu-ebitono
Byonna byakolerwa ddala Katonda.
2
Nate-ebigambo ebiri mu kyama,
Bye tulowooza-era ne bye twogera
Bwe tubikisa mu mwoyo-abimanyi
Ebyo-ebikweke,byonna abiraba.
3
-Abantu ba wano n’abantu b’ewala,
-Abantu abasiru n’abantu-abagezi;
-Abaana ba Adanu bonna-abalamu,
Bonna bakuumibwa Yesu Mukama.
4
-Abantu-abgaga n’abantu abanaku,
-Abantu ba wano n’abava-e Bulaaya;
-Abaana b’abaddu n’abaana b’Abaami
Bonna benkana mu maaso ga Yesu.
5
Mu nsi tewali na mwana wa muntu,
Atayagalwa Katonda-Omuyinza;
Bonna abalina-omwoyo-omuwombeefu,
Ogumuwulira,abakkiriza.
6
Kale,tweyanze Katonda-ow’ekisa;
Ffe abanaku twakyama twabula:
Tumweyanze,alokolera ddala
Bonna-abakkiriza Yesu Mukama.
OLUYIMBA 127: GGWE-OMWOYO GWANGE,WEEYONJE
1
GGWE-omwoyo gwange,weeyonje
Ggwe weeyonjenga n’essanyu;
Va mu nzikiza y’ennaku,
Laba omusana gw’ensi;
Jaguzanga nnyo namaanyi,
Tenderezanga omwami
Ateekawo-embaga eno
Okuliisa abalonde.
2
Yesu-emmere-ey’omu ggulu,
Yesu agaba-obulamu;
-Onsembeze ku mmeeza leero;
-Onsembez-omubi-omwereere.
Owa,ku lw’embaga eno
-Okutegeera-okwagala kwo,
Onsembeze-omuddu wo nze
Mu lubiri ng’omugenyi.
OLUYIMBA 141: EGGULU LIKUSINZA
1
EGGULU likusinza
Mukama,Mutonzi!
Ebbanga likusuuta
N’ebirimu byonna.
Tebikoowa kutenda
-Emisana n’ekiro
-Amagezi go,n’amaanyi
-Ekitiibwa n’ekisa.
2
Enjuba-ey’ekitiibwa,
Etenda-amaanyi go;
Omwezi n’emmunyeenye
Bisinza-erinnya lyo;
Bibuulira-amawanga
Agatannalaba,
Bulungi bwa Mukama
Bibuulira-amawanga
Agatannalaba,
Bulungi bwa Mukama
Eyatonda byonna.
3
Kigambo kya mazima
Kye watuweereza,
Ktukuvu,kirungi,
Kisanyusa ddala.
-Amateeka ge watuwa
Malungi,ga kisa;
Gagaggawaza-abaavu,
Galeeta-amagezi.
4
Tewali n’omu-ayinza
Kwekuumira ddala,
N’okutuusa-amateeka,
N’obutayonoona.
Katonda,ombeerenga!
Nneme-okwerabira,
N’okukunakuwaza
Nga nkyamu bulijjo.
5
Eggye er’omu ggulu
-Ebitonde-eby’omu nsi,
Byonna bitendereza
Erinnya lyo-eddungi:
Nange Mukama wange
Ka neeweeyo gy’oli;
Omwoyo n’omubiri,
Okukuweereza.
OLUYIMBA 128: GGWE-EMMERE Y’OBUGENYI
1
GGWE-emmere y’obugenyi,
Ggwe maanu y’abalonde,
Eriisa-abeesigwa:
Abatambuze-abakoowu
Tulumibwa enjala
Olw’obulungi bwo.
2
Ggwe-oluzzi olutaggwaawo
Era-olukulukuta
N’essanyu n’ekisa,
-Oluwummuza-ab’ennyonta
-Okutuusa lwe bawona
N’amazzi g’obulamu.
3
Tulabira kaakano
Kyokka mu ndabirwamu;
Ebitalabika:
Naye mu biro biri
Tunaatunuuliranga
Amaaso ge ddala
OLUYIMBA 142: ENKYA BWE NZUUKUKA
1
ENKYA bwe nzuukuka,
Bwe mba ngolokose;
Nnasuutanga Katonda
Ng’amaaso galaba
Enjuba evuddeyo
Nnaasuutanga Katonda.
2
Ng’engoma-entukuvu
Ez’akawungeezi
Bwe ziyita-okusaba,
Kyenva njijukira
Obulungi bwe bwonna
Ne nsuutanga Katonda.
3
Bwe nkola-omulimu
Ogundagirirwa,
Nnaasuutanga Katonda;
Nga ntoowolokoka,
Nga nzannya-,oba nga ndya,
Nnaasuutanga Katonda.
4
Mmwe-abantu b’omu nsi,
Mmwe mwenna, bulijjo
Musuutenga Katonda
Bw’asaanidde yekka
-Okutenderezebwa;
Katonda-Ayinza byonna.
OLUYIMBA 129: KRISTO,BW’ATYO,BWE YEEWAYO
1
KRISTO,bw’atyo,bwe yeewayo
Ku lwaffe, ku muti;
Bwe tutyo naffe tweweeyo,
Okulokolebwa.
2
Omubiri gwe ye mmere
Eriisa-abeetaaga
Kigambo kye tekiggwaawo
Emirembe gyonna.
3
Otuliise-omubiri gwo
Tunywe-omusaayi gwo;
Nga bwe tusembera gy’oli
Tufune-obulamu.
4
Kitiibwa eri Kitaffe
Era neri-Omwana.
N’eri-Omwoyo-Omutukuvu
Emirembe gyonna.
OLUYIMBA 13: MUSANA MULUNGI
1
MUSANA mulungi
Oli ne Kitaffe;
Ow’ekitiibwa,-ekingi,
Wakka ku lwa -ababi;
Mulokozi Yesu,
Twesiimye-okukulaba.
2
Nga tebunnaziba,
N’enzikiza ng’ejja,
N’ennyimba z’olw’eggulo,
Tusuute Kitaffe,
N’Omwana we Yesu
N’Omwoyo Omutukuvu.
3
Ggw’oli Mutukuvu,
Tukutendereza.
Yesu bulamu bwaffe
Wansi ne mu ggulu;
Ensi-ekusuuta
Teekomyenga ttendo lyo.