Category: Luganda Anglican Hymns Lyrics

Oluyimba 68: YESU MUKAMA WAFFE Lyrics

 

OLUYIMBA 16: GUWEDDEWO OMUSANA
1
GUWEDDEWO-omusana;
Yesu tweyanza ggwe;
Ekiro tukusaba
Tuleke ebibi;

Mu budde obw’enzikiza,
Ayi Yesu,otukuumenga.

2
Biweddewo kaakano
Bigambo bya leero;
-Omulokozi,tuwonye
Mu maayi g’ekibi.

Mu budde obw’enzikiza,
Ayi Yesu,otukuumenga.

3
Emirimu giwedde;
Tukwegayirira,
-Otuggyeko-akabi konna;
Otuzibirenga.

Mu budde obw’enzikiza,
Ayi Yesu,otukuumenga.

4
Tukuume-emyoyo gyaffe;
Katonda ggwe-omanyi,
Obubi bw’omu kkubo
Ffe lye tuyitamu.

Mu budde obw’enzikiza,
Ayi Yesu otukuumenga.

Oluyimba 53: YESU OMWANA OW’EKISA Lyrics

 

OLUYIMBA 146: KA TUMUSINZE,KATONDA WAFFE
1
KA tumusinze,Katonda waffe
Tumuyimmbire-eby’okwagala kwe,
Akuuma,ayamba,Mukulu wa dda,
Ekitiibwa kyonna kimwetooloola.

2
Obuyinza bwe neby’ekisa kye
Tubibuulire mu nsangi zonna,
Eggulu n’eraddu-era n’omuyaga
Byonna be baddu be abaweereza.

3
Wansi w’eggulu,Kabaka waffe,
Waateekebwa dda enkuluze yo
Y’ensi gye wasimba,n’ogyetoolooza
Ennyanja zonna nga ensalo zaayo.

4
Ani ayinza okunnyonnyola
Eby’Omugabi waffe by’agaba;
Ensozi n’ensenyi,-enkuba n’olume,
Empewo, n’omusana bimusuuta.

5
Ffe-abaana-abato banafu ddala
Tukwesiga ggwe atatulimba,
Eby’ekisa kyo bye by’okwewuunyisa,
Ggwe-atonda,ggwe akuuma,ggwe-akwana,Yesu.

6
Ayi ow’amaayi, ow,okwagala;
Bamalayika bakutenda nnyo
Emigigi egy’abanunule bo
Basinza, basuuta,baleeta-eteendo.

Oluyimba 69: KATONDA, BWE BAALUMWA-ENNYO Lyrics

 

OLUYIMBA 160: YESU YE YAVA MU GGULU
1
YESU ye yava mu ggulu,
N’akka-okufiirira-abantu;
Era-ekitabp kyogera
Bw’asaasira ffe-aboonoonyi.

2
Yatambulanga bulijjo,
N’avumulanga-abalwala;
Yalongoosanga bangi nnyo,
N’azuukizanga abafu.

3
Yabuuliranga bulinjo
Enjiri-ey’obulokozi;
Era kubanga wa kisa,
N’asembezanga abaana.

4
Naye oyo-eyakolanga
-Obulungi bwonna-obw’ekisa
Yabonyaabonyezebwa nnyo,
N’awanikibwa ku muti.

5
Bw’atyo bwe yafa, yafuuka
Omuntu n’atufiirira:
Ffe tulyoke tusonyiyibwe
Ebyonoono byaffe byonna.

Oluyimba 54: NSANYUKIRA OLUYIMBA Lyrics

 

OLUYIMBA 147: MUKAMA OMUYINZA WA BYONNA,OMUTONZI
1
MUKAMA Omuyinza wa byonna,Omutonzi;
Ka mmutenderezenga Omulokozi wange:
Musembere
Abooluganda bonna,
Mujje tusinze n’essanyu.

2
Obufuzi bwe butenderezebwenga wonna:
Obw’oyo-akuuma n’ekisa,ayamba-obulungi:
Tolabanga?
Bw’anaakugabiranga,
Omwoyo gwo bye gwegomba.

3
Omwoyo gwange gwonna gumutende n’amaanyi
Abantu ne bamalayika bonna basuute:
Tuwulire,
Abantu bwe bayimba
Ennyimba ez’amatendo.

Oluyimba 55: LABA -OMWANA AZAALIDWA Lyrics

 

OLUYIMBA 148: MUMUTENDE YE
1
MUMUTENDE ye
Mmwe eb’omu bbanga
Ne bakkerubi
-Olw’obutonzi bwe.
Mmwe-eggulu musuute
Eyabatonda;
Mumuvuunamire
Mu bukulu bwe.

2
Mumutende ye
Mmwe ab’oku nsi,
Mukube-ennanga
Mmwe abalonde be.
Mumutende-olwa byonna
Eby’ekisa kye;
Musuute-eyabawa
Okuyimbanga.

3
Mumutende ye
Mmwe ebivuga
-Eby’engeri zonna
-Ez’amaloboozi.
Mukube nnyo-ennanga
Lw’ekitiibwa kye,
Mmwe-ebitaasa mwenna
Mumuwe-ettendo.

4
Mumutende ye
Era mwebaze,
Mu biro byonna
Mumusuutenga;
Eyatwagala-ennyo
N’atununula
Atenderezebwe
-Emirenbe gyonna

Oluyimba 56: EKISEERA KYE KITUUSE Lyrics

 

OLUYIMBA 149: OKWOLESEBWA KULUNGI
1
OKWOLESEBWA kulungi,
Nabbi kwe yalaba-edda;
Maloboozi ga kitalo
Olwo ge yawulira.

2
Mu yeekaalu ya Katonda,
Ng’atudde ku ntebe ye;
Bakkeerubi,Basseraafi;
Bayimba-Antifoona-eno:

3
Ekitiibwa kyo kinene,
Mu nsi-era ne mu ggulu;
Oweebwe-ekitiibwa kyonna,
Mukama Mutukuvu.

4
Mu ggulu bakyamusuuta,
Ne mu nsi ne baddamu
Nga bayimba:Mutukuvu
Mukama-ow’eggye lyonna.

5
Wamu ne Bamalayika,
Wamu n’Ekkanisa ye,
Naffe tumutendereze,
Naffe tumuyimbire.

6
Ekitiibwa kyo kinene,
Mu nsi-era ne mu ggulu;
Oweebwe-ekitiibwa kyonna,
Mukama Mutukuvu.

Oluyimba 57: OMWANA-E BEESIREKEMU Lyrics

 

OLUYIMBA 15: OBUDDE BUZIBYE
1
OBUDDE buzibye
Enjuba-egenze
Enzikiza-ekwata
Mu bbanga ly’ensi.

2
Buli nsolo yonna,
Era n’ennyonyi,
Byonna biwummula
Byebaka-otulo.

3
Ayi Mukama waffe,
Ontunuulire,
Kaakano nkusaba,
Ompe-ekisa kyo.

4
Ebyonoono byange,
Binkwasa-ensonyi;
Naye-olw’ekisa kyo,
Tongoba w’oli.

5
Bwe neebaka-otulo,
Mu kiro kino;
Bamalayika bo
Bajje bankuume.

6
Ate bwe bunaakya,
Nga ngolokose,
Mbeere mu maaso go
Omulongoofu.

7
Nsabira-abalwadde,
Ne bannamwandu;
Obawe-omutima
Ogukwesiga.

8
Oweebwe-ekitiibwa
Gwe-eyatonda-ensi;
Ogulumizibwe,
Gwe-eyazuukira.

Oluyimba 58: ESSANYU LINGI MU GGULU Lyrics

 

OLUYIMBA 150: TUKWEYANZA KITAFFE
1
TUKWEYANZA Kitaffe
Ggwe-atukumye-olw’ekisa
Mu budde-obw’emisana,
Ne mu mirimu gyaffe;
Tukuume,Ayi Mutonzi,
Mu nzikiza ya leero.

2
Tukusinza ggwe wekka,
Nga tusuuta-erinnya lyo;
Emikisa gyo-emingi,
Gy’otuwa mu kisa kyo.
Ffe abatasaanira;
Kyetuva tweyanza-ennyo.

3
Naye-okusinga byonna
Tweyanza-okwagala kwo,
Olw’Omwana wo Yesu,
Eyafiira ku muti,
Ku lwaffe aboonoonyi;
Tweyanza nnyo Kitaffe!

Oluyimba 59: EGGYE LYONNA ERY’OMU GGULU Lyrics

 

OLUYIMBA 151: TUMUYIMBIRE MUKAMA
1
TUMUYIMBIRE Mukama,
Tuyimbe n’essanyu;
Mujje,mujje nno tuyimbe,
Tumuyimbire n’essanyu
Nnyimba ne Zabbuli.

2
Kabaka waffe Mukama
Ye Katonda yekka;
Entikko z’ensonzi zize,
N’ennyanja ye yagikola,
Mulokozi waffe.

3
Ffe fenna tuli zzadde lye,
Omutonzi waffe;
Mujje, mujje nno tuyimbe,
Tumuyimbire Katonda
-Omulokozi waffe

Oluyimba 60: YESU NGA BWE YAZAALIBWA Lyrics

 

OLUYIMBA 152: WEEBAZE GGWE EMMEEME YANGE
1
WEEBAZE ggwe-emmeeme yange,
Weebaze mwoyo gwange;
-Olw’ekitiibwa kye ekingi-ennyo,
Leeta-ettndo lyo lyonna;
Aleruuya,Aleruuya!
Weebaze Katonda wo.

2
Weebaze-ekisa kye kingi
Eri bajjajja-ab’edda.
-Olw’ekisa kye-ekitakoma,
Eyaliwo edda n’edda.
Aleruuya,Aleruuya!
Weebaze Katonda wo.

3
Ye Kitaffe,atukuuma,
Atuliisa bulijjo
Amanyi-obunafu bwaffe,
Amanyi-obunafu bwaffe,
Atuwonya mu kabi.
Aleruuya,Aleruuya!
Weebaze Katonda wo.

4
Bamalayika be bonna
Bayimba ettendo lye,
Oyanguwe-ojje n’ebire

Olye-obwakabaka bwo.
Aleruuya,Aleruuya!
Weebaze Katonda wo.