Category: Luganda Anglican Hymns Lyrics

Oluyimba 51: GGWE KIBUGA BEESIREKEMU Lyrics

 

OLUYIMBA 144: GGWE KATONDA-ATAGGWAAWO
1
GGWE Katonda-ataggwaawo
Afuga-amawanga
Naffe fenna abantu
Tukugulumize;
Tuyimuse-eddoboozi
Nga twewaayo gy’oli;
Ka tujje gy’oli leero
-Emibiri n’emyoyo.

2
Tukoowoola mmwe mwenna
Ku lunaku luno
Abakristaayo mwenna
Mumutendereze.
Tuyimbe nnyo n’essanyu
Olw’emikisa gyo
Kale ka tusanyuke,
Ne bwe waba-ennaku.

3
Twegatte fenna bumu
Okukuweereza;
Yesu yatusabira
Tubeerenga bumu
Fenna ng’Ekkanisa ye
Ng’abaana-abaagalwa;
Kale twagalanenga
Nga ye bw’atwagala.

4
Tuyimuke tuyimbe
Tusuute Kitaffe:
Era nga tusanyuka
N’essanyu lingi nnyo;
Tumuyimbire Yesu
Eyatulokola.
Ka tubeere n’essuubi
-Okutuuka mu ggulu.

Oluyimba 67: ABANTU ABAABEERANGA Lyrics

 

OLUYIMBA 159: MU MAASO GA YESU ABALOKOLE
1
MU maaso ga Yesu abalokole,
-Ekibiina-ekinene,bayimiridde;
Bayimba nti Eyatunaaza yekka
-Aweebwe ekitiibwa ennaku zonna.

2
Kiki-ekyabanaaza-abalina-ebibi?
Yesu yatunaaza n’omusaayi bw’ati;
Tuyimba nti Eyatunaaza yekka,
Aweebwe-ekitiibwa ennaku nzonna.

3
Kyebava bafaanana-abatukuvu;
Kyebava bayimba abangi wamu;
Ggwe Yesu wekka eyatutukuza,
Oweebwe-ekitiibwa ennaku zonna.

4
Bo baali bajeemu,naye kaakano
Be baddu ba Yesu-abamuweeereza
Bayimba nti Eyatunaaza yekka
Aweebwe-ekitiibwa ennaku zonna

5
Yesu,ffe fenna twandifudde bufi;
Watwagala ne bwe twali ababi;
N’otusaasira ggwe n’otutukuza;
Oweebwe-ekitiibwa ennaku zonna.

6
Bannange, n’essanyu tumuyimbire,
-Abalala balyoke bayimbe nabo,
Ggwe Yesu wekka eyatutukuza,
Oweebwe-ekitiibwa ennaku zonna.

Oluyimba 52: MU KISIBO KY’ENTE-E BEESIREKEMU Lyrics

 

OLUYIMBA 145: GGWE WEKKA-ATAGGWAAWO,OW’AMAGEZI
1
GGWE wekka-ataggwaawo,ow’amagezi
Ggwe-amasamasa-ennyo tetukulaba;
Oweebwe-ekitiibwa,ggwe Ayi Katonda;
Ggwe Ayinza-byonna tukusinza nnyo.

2
Bulijjo tokoowa,so towummula,
-Obuyinza bwo bwokka bufuga byonna:
Oli wa mazima,tokyukakyuka,
Olw’okwagala kwo tuli ba ddembe.

3
Ggwe-agaba-obulamu mu bintu byonna,
Byonna bibeerawo ku lulwo wekka;
Tugejja ne twanya ng’omuddo gw’ensi;
Mangwago gukala; ggwe tokyukako.

4
Kitaffe-ow’ettendo,Omutukuvu
Tuyambe-okulaba ekitiibwa kyo;
Bamalayika bo awamu naffe,
Tusuute, tusinze, tutndereze.

Oluyimba 68: YESU MUKAMA WAFFE Lyrics

 

OLUYIMBA 16: GUWEDDEWO OMUSANA
1
GUWEDDEWO-omusana;
Yesu tweyanza ggwe;
Ekiro tukusaba
Tuleke ebibi;

Mu budde obw’enzikiza,
Ayi Yesu,otukuumenga.

2
Biweddewo kaakano
Bigambo bya leero;
-Omulokozi,tuwonye
Mu maayi g’ekibi.

Mu budde obw’enzikiza,
Ayi Yesu,otukuumenga.

3
Emirimu giwedde;
Tukwegayirira,
-Otuggyeko-akabi konna;
Otuzibirenga.

Mu budde obw’enzikiza,
Ayi Yesu,otukuumenga.

4
Tukuume-emyoyo gyaffe;
Katonda ggwe-omanyi,
Obubi bw’omu kkubo
Ffe lye tuyitamu.

Mu budde obw’enzikiza,
Ayi Yesu otukuumenga.

Oluyimba 53: YESU OMWANA OW’EKISA Lyrics

 

OLUYIMBA 146: KA TUMUSINZE,KATONDA WAFFE
1
KA tumusinze,Katonda waffe
Tumuyimmbire-eby’okwagala kwe,
Akuuma,ayamba,Mukulu wa dda,
Ekitiibwa kyonna kimwetooloola.

2
Obuyinza bwe neby’ekisa kye
Tubibuulire mu nsangi zonna,
Eggulu n’eraddu-era n’omuyaga
Byonna be baddu be abaweereza.

3
Wansi w’eggulu,Kabaka waffe,
Waateekebwa dda enkuluze yo
Y’ensi gye wasimba,n’ogyetoolooza
Ennyanja zonna nga ensalo zaayo.

4
Ani ayinza okunnyonnyola
Eby’Omugabi waffe by’agaba;
Ensozi n’ensenyi,-enkuba n’olume,
Empewo, n’omusana bimusuuta.

5
Ffe-abaana-abato banafu ddala
Tukwesiga ggwe atatulimba,
Eby’ekisa kyo bye by’okwewuunyisa,
Ggwe-atonda,ggwe akuuma,ggwe-akwana,Yesu.

6
Ayi ow’amaayi, ow,okwagala;
Bamalayika bakutenda nnyo
Emigigi egy’abanunule bo
Basinza, basuuta,baleeta-eteendo.

Oluyimba 69: KATONDA, BWE BAALUMWA-ENNYO Lyrics

 

OLUYIMBA 160: YESU YE YAVA MU GGULU
1
YESU ye yava mu ggulu,
N’akka-okufiirira-abantu;
Era-ekitabp kyogera
Bw’asaasira ffe-aboonoonyi.

2
Yatambulanga bulijjo,
N’avumulanga-abalwala;
Yalongoosanga bangi nnyo,
N’azuukizanga abafu.

3
Yabuuliranga bulinjo
Enjiri-ey’obulokozi;
Era kubanga wa kisa,
N’asembezanga abaana.

4
Naye oyo-eyakolanga
-Obulungi bwonna-obw’ekisa
Yabonyaabonyezebwa nnyo,
N’awanikibwa ku muti.

5
Bw’atyo bwe yafa, yafuuka
Omuntu n’atufiirira:
Ffe tulyoke tusonyiyibwe
Ebyonoono byaffe byonna.

Oluyimba 54: NSANYUKIRA OLUYIMBA Lyrics

 

OLUYIMBA 147: MUKAMA OMUYINZA WA BYONNA,OMUTONZI
1
MUKAMA Omuyinza wa byonna,Omutonzi;
Ka mmutenderezenga Omulokozi wange:
Musembere
Abooluganda bonna,
Mujje tusinze n’essanyu.

2
Obufuzi bwe butenderezebwenga wonna:
Obw’oyo-akuuma n’ekisa,ayamba-obulungi:
Tolabanga?
Bw’anaakugabiranga,
Omwoyo gwo bye gwegomba.

3
Omwoyo gwange gwonna gumutende n’amaanyi
Abantu ne bamalayika bonna basuute:
Tuwulire,
Abantu bwe bayimba
Ennyimba ez’amatendo.

Oluyimba 55: LABA -OMWANA AZAALIDWA Lyrics

 

OLUYIMBA 148: MUMUTENDE YE
1
MUMUTENDE ye
Mmwe eb’omu bbanga
Ne bakkerubi
-Olw’obutonzi bwe.
Mmwe-eggulu musuute
Eyabatonda;
Mumuvuunamire
Mu bukulu bwe.

2
Mumutende ye
Mmwe ab’oku nsi,
Mukube-ennanga
Mmwe abalonde be.
Mumutende-olwa byonna
Eby’ekisa kye;
Musuute-eyabawa
Okuyimbanga.

3
Mumutende ye
Mmwe ebivuga
-Eby’engeri zonna
-Ez’amaloboozi.
Mukube nnyo-ennanga
Lw’ekitiibwa kye,
Mmwe-ebitaasa mwenna
Mumuwe-ettendo.

4
Mumutende ye
Era mwebaze,
Mu biro byonna
Mumusuutenga;
Eyatwagala-ennyo
N’atununula
Atenderezebwe
-Emirenbe gyonna

Oluyimba 56: EKISEERA KYE KITUUSE Lyrics

 

OLUYIMBA 149: OKWOLESEBWA KULUNGI
1
OKWOLESEBWA kulungi,
Nabbi kwe yalaba-edda;
Maloboozi ga kitalo
Olwo ge yawulira.

2
Mu yeekaalu ya Katonda,
Ng’atudde ku ntebe ye;
Bakkeerubi,Basseraafi;
Bayimba-Antifoona-eno:

3
Ekitiibwa kyo kinene,
Mu nsi-era ne mu ggulu;
Oweebwe-ekitiibwa kyonna,
Mukama Mutukuvu.

4
Mu ggulu bakyamusuuta,
Ne mu nsi ne baddamu
Nga bayimba:Mutukuvu
Mukama-ow’eggye lyonna.

5
Wamu ne Bamalayika,
Wamu n’Ekkanisa ye,
Naffe tumutendereze,
Naffe tumuyimbire.

6
Ekitiibwa kyo kinene,
Mu nsi-era ne mu ggulu;
Oweebwe-ekitiibwa kyonna,
Mukama Mutukuvu.

Oluyimba 57: OMWANA-E BEESIREKEMU Lyrics

 

OLUYIMBA 15: OBUDDE BUZIBYE
1
OBUDDE buzibye
Enjuba-egenze
Enzikiza-ekwata
Mu bbanga ly’ensi.

2
Buli nsolo yonna,
Era n’ennyonyi,
Byonna biwummula
Byebaka-otulo.

3
Ayi Mukama waffe,
Ontunuulire,
Kaakano nkusaba,
Ompe-ekisa kyo.

4
Ebyonoono byange,
Binkwasa-ensonyi;
Naye-olw’ekisa kyo,
Tongoba w’oli.

5
Bwe neebaka-otulo,
Mu kiro kino;
Bamalayika bo
Bajje bankuume.

6
Ate bwe bunaakya,
Nga ngolokose,
Mbeere mu maaso go
Omulongoofu.

7
Nsabira-abalwadde,
Ne bannamwandu;
Obawe-omutima
Ogukwesiga.

8
Oweebwe-ekitiibwa
Gwe-eyatonda-ensi;
Ogulumizibwe,
Gwe-eyazuukira.