Luganda Anglican Hymns COU lyrics
OLUYIMBA 192: GGWE-EKKUBO LYAFFE,-ERA MU GGWE
1
GGWE-ekkubo lyaffe,-era mu ggwe
Mwe twekweka-okufa
Tuyita mu ggwe,Mukama
-Okulaba Kitaffe.
2
Ggwe ow’amazima ddala
Ggwe-ogaba-okumanya;
Omatiza-ebirowoozo
Onaaza emitima.
3
Ggwe bulamu ggwe-ow’amaanyi;
Wawangula-okufa;
Abo bonna-abakwesiga
Bawonye okufa.
4
Tuwe-okumanya,ggwe kkubo;
Era ggwe mazima.
-Obulamu bwo bwe twetaaga,
Obw’essanyu-eringi.
OLUYIMBA 193: MUGABI W’EBIRABO-EBIRUNGI
1
MUGABI w’ebirabo-ebirungi,
Ebiva-eri Katonda Kitaffe,
Otuwe ffe-abeetaaga okwagala;
Kye kirabo ekitenkanika.
2
Engabo yaffe kwe kukkiriza,
N’effumu kye Kigambo kya Yesu;
Ekyo ku kifuba butukuvu,
Tunaanika mu bigere-ekisa.
3
Naye-ekirabo kyo tukyetaaga,
Ekisinga-ebirala-obulungi,
Kwe kwagalana,nga bw’otwaga
Yesu,bwe tutyo twagalanenga
4
Okwagala kugumiikiriza,
Kulina ekisa so si buggya;
Tekunoonya byakwo,tekunyiiga
Tekwegulumiza,tekukoowa.
5
Mwoyo-Omutukuvu,otuwenga
Okwagala kwa Yesu yennyini
Alyoke atubale mu babe,
Eby’omu nsi-eno bwe biriggwaawo.
OLUYIMBA 18: BEERA NANGE,OBUDDE BUZIBYE
1
BEERA nange,obudde buzibye;
Enzikiza-ekwata,beera nange:
Sirina nze mubeezi mulala,
Ggwe-abeera-abanaku,nange mbeera.
2
Obudde bw’obulamu buziba,
Bwaka katono ne buwungeera;
Byonna eby’ensi bifuuka bidiba;
Ggwe-atadiba-,atafuuka,tondeka.
3
Nkwetaaga ggwe-emisana n’ekiro;
Kisa kyo kyokka Ssetaani ky’atya;
Katonda wange, bwe bijja-ebire;
-Omusana bwe gwaka,beera nange.
4
Siriiko kye ntya,Yesu nga wooli;
Beera nange ne mpangula-ebibi;
Owoomesa-amaziga n’ennaku:
Entaana nnafu,n’okufa kufu.
5
Nze bwe ndiba nga naatera-okufa:
Omasemasenga mu nzikiza:
Ondowoozese-essanyu n’engule:
Mu bulamu, mu kufa,tondeka
OLUYIMBA 194: YESU EKISA KYO-EKINGI
1
YESU ekisa kyo-ekingi
Kinjiike ku mwoyo,
Guleme-okukyama nate
Gunywerere ku ggwe.
2
Omuliro gwa Katonda
Gwake mu nze leero;
Gwokye-amasengere gonna,
Guntukuze-omwoyo.
3
Eyakka-edda ku baddu bo,
Omwoyo,kka ku nze;
Omwana wo nkukoowoola,
Ebyonoono-obyokye.
4
Omuliro-ogutukuza,
Gunjiike ku mwoyo:
Leeta-omnusana n’obulamu,
Byake bintukuze.
5
Ne ndyoka nfuna-amaayi go,
Obutasirika;
-Obugagga bwange,Mukama,
-Obulamu bwange-era.
OLUYIMBA 180: YESU EYAKUBIBWA-EDDA
1
YESU eyakubibwa-edda,
-Era eyafa ku lwaffe;
Laba-amaanyi n’ekitiibwa
Leero bwe bifaananye.
Ggwe mukulu,ggwe Kabaka,
Eyafiirira fenna.
2
Mulabe Yesu bw’ajja ng’ayambadde-
Ekitiibwa kye;
Ye ng’amaze okusinga
Abalabe be bonna.
Ggwe mukulu,ggwe Kabaka,
Eyafiirira fenna.
3
Eyalaba-ennaku-ennyingi,
Edda eyakaaba-ennyo;
Mulabe n’essanyu lingi
Bw’amasamasa leero.
Ggwe mukulu,ggwe Kabaka,
Eyafiirira fenna.
4
Kabaka wa bakabaka,
Alifuga-ensi zonna;
Abantu bonna-ab’oku nsi
Balimuvuunamira.
Ggwe mukulu,ggwe Kabaka,
Eyafiirira fenna.
5
Kale bulijjo enjiri,
Bonna tubabuulire;
Ayanguwe-ajje n’ebire,
Alye-obwakabaka bwe.
Ggwe mukulu,ggwe Kabaka,
Eyafiirira fenna.
OLUYIMBA 195: OMWOYO OMUTUKUVU
1
OMWOYO Omutukuvu,
Omugabi w’obulamu;
Jjangu,tukwegayiridde,
Jjangu-,okke mu myoyo gyaffe.
2
Tutegeeze ffe bwe tuli,
Tunakuwalire-ebibi:
Tutegeeze Yesu bw’ali,
Tumwebaze-obulokozi.
3
Twewadde mu mikono gyo;
Twesiga amagezi go.
Tumaleemu-ebibi byaffe;
Twewaddeyo-,otulokole.
4
Eddagala bwe likaawa,
akmbe ko bwe kasala,
Twesiga-,Omusawo waffe;
Endwadde yaffe-etuyinze.
5
Kale,omuliro gujje,
Gummalemu-amasengere,
-Amalala,-ettima,ne byonna
Ebitasiimibwa Yesu.
6
Tujjuze-amaanyi n’ekisa,
-Emirembe n’okusanyuka
N’okwewombeeka,twagale
Bannaffe okukira ffe.
OLUYIMBA 181: GGWE EYATONDA-OLW’A-OKWAGALA KWO
1
GGWE eyantnda-olw’a-okwagala kwo
Leka nze ntwale ku kifaananyi kyo;
Ggwe era-eyannonya ku lwa-ekisa
Newankubadde nga nkyamye-ewala;
Ggw(e) ayitiibwa wekka nti kwagala;
Leka neeweeyo mbeeren(ga) owuwo.
2
Ggwe-eyazaalibwa,n’ofuuka-omuntu
Mu ngeri yaffe,awatali kibi;
N’olyoka-otulokola ffe-abantu,
Ng’ofumitibwa, n’otufiirira.
Ggw(e) ayitiibwa wekka nti kwagala;
Leka neeweeyo mbeeren(ga) owuwo.
3
Ggwe-eyakkiriza,nga weewombeese,
Okunkwanira ddala-obutandeka,
Ggwe-alina wekka-obuyinza bwonna,
Okuumire ddala-omunafu wo.
Ggw(e) ayitiibwa wekka nti kwagala;
Leka neeweeyo mbeeren(ga) owuwo.
4
Ggwe-eyansuubiza olw’obwesigwa,
Nti ng’omaze-okufa ndikuzuukiza;
Ggwe-afuga wekka ebintu byonna,
-Eby’omu nsi muno, n’eby’omu ggulu.
Ggw(e) ayitiibwa wekka nti kwagala;
Leka neeweeyo mbeeren(ga) owuwo.
OLUYIMBA 196: KABAKA W’EGGULU
1
KABAKA w’eggulu,
Jjangu-Omusanyusa,
Omwoyo abeere naffe
Atubeere.
2
Ggwe-ensalo y’obulamu-
Otugaggawaze,
Otuwe emirembe gyo
-Ennaku zonna.
3
Kka-okuva mu ggulu
Obeerenga naffe;
Otwetoolooze-okwagala
-Ennaku zonna.
OLUYIMBA 182: YESU,MWANA W’OMUNTU!
1
YESU,Mwana w’omuntu!
Ggwe-,eyajja mu nsi muno
N’ofuuka-omwana-omuto,
Ku lw’okwagala-okungi.
Kka,-Omulokozi wange!
Tuula mu mwoyo gwange.
2
Yesu,Omwana gw’endiga!
Ggwe-eyagumiikiriza,
-Ennaku ezitalabwa
N’obulumi n’okufa.
Kka,-Omulokozi wange!
Tuula mu mwoyo gwange.
3
Ggwe Mukama w’obulamu!
Ggwe-eyawangula-okufa,
Ggwe-eyalinnya muggulu
-Olw’obuyinza bwo bwokka,
Kka,-Omulokozi wange!
Tuula mu mwoyo gwange.
4
Katonda-era Omuntu!
Ggwe Mukama-ow’eggulu
Tukuza-omwoyo gwange,
-Olw’ekisa-onjigirize.
Ndyoke mpeebwe-omukisa
Ntuule naawe mu ggulu.
OLUYIMBA 197: GGWE-OLI MUTUKUVU,MUKAMA KATONDA
1
GGWE-oli Mutukuvu,Mukama Katonda;
Enkya tukusuuta,tuyimbaa-ettendo lyo.
Ggwe-oli Mutukuvu,wa kisa,wa maanyi;
Katonda omu,mu Busatu.
2
Ggwe-oli Mutukuvu,bakusinza bonna,
Abali mu ggulu bakuvuunamira;
Kkerubi ne Sseraafi bakutendereza,
Eyali,aliwo-,alibeerawo.
3
Mutukuvu wekka,tewali mulala;
Ffe-ab’omu kizikiza,tetukulaba;
Ggwe-oli Mutukuvu,obasinga bonna,
-Amaanyi,-amagezi,era n’ekisa.
4
Ggwe-oli Mutukuvu,Mukama Katonda;
Byonna bye watonda biraga-ettendo lyo.
Ggwe-oli Mutukuvu,wa kisa,wa maanyi,
Katonda omu,mu Busatu.