Category: Luganda Anglican Hymns Lyrics

Oluyimba 97: TUSINZA NNYO ERINNYA LYO Lyrics

 

OLUYIMBA 186: OMUSAAYI-OGW’ENSOLO
1
-OMUSAAYI-ogw’ensolo
Gwe baayiwa-ab’edda;
Gwonna tegwayinza bibi
Kubibanaazaako.

2
Yesu Mulpkozi
Omwana gw’endiga;
Ggwe-oyinza okutugyako
ebyonoono byonna.

3
Ssaddaaka yo ntuufu,
Emalamu-ebibi;
-Omusayi gunaaza byonna,
Bye twonoona ku nsi.

4
Ntunuulidde gy’oli,
Ggwe Mukama wange,
Nga njatula-ebibi byange,
Nga mboneredde nnyo.

5
Yesu yeebazibwe;
Ebyonoono byange;
Byakomererwa ku muti,
Kwe yafiirira nze

Oluyimba 98: AYI YESU GGWE ATUDDE Lyrics

 

OLUYIMBA 187: MUMUTENDE YESU-OMUNUNUZI WAFFE
1
MUMUTENDE Yesu-Omununuzi waffe
Ab’omu nsi mwatule-ekisa kye;
Mumwebaze bamalayika-abakulu
Erinnya lye-eddungi lyebazibwe.
Ng’omusumba,anaakuumanga-ababe
Alibatwala mu mikono gye.

Mumutende,olw’ekitiibwa ky(e) ekingi,
Mumwebaze n’ennyimb(a) ez’essanyu.

2
Mumutende Yesu-Omununuzi waffe
Yatufiirira-olw’ebibi byaffe,
Ye lwe lwazi lwaffe-omuva-obulokozi,
Mumwebzae eyakomererwa;
Ye yatwala ennaku zaffe zonna,
Ye wa maanyi era wa kwagala.

Mumutende,olw’ekitiibwa ky(e) ekingi,
Mumwebaze n’ennyimb(a) ez’essanyu.

3
Mumutende YEsu-Omununuzi waffe
Ab’omu ggulu mumuyimbire;
Yesu afuga-emirembe n’emirembe;
Nga Kabaka; mumusseeko-engule.
Ye alidda okugoba-abalabe,
Obuyinza n’ekitiibwa bibye.

Mumutende,olw’ekitiibwa ky(e) ekingi,
Mumwebaze n’ennyimb(a) ez’essanyu.

Oluyimba 99: MUMUSSEEKO-ENGULE Lyrics

 

OLUYIMBA 188: BW’ALIJJA MUKAMA WAFFE
1
BW’ALIJJA Mukama waffe
Okuyita gy’ali
Abeesigwa be bonna
Abamwagala

Ng’emmunyeenye mu bbanga
Bwe zaaka waggulu
Nabo bwe balibeera
Abaagalwa be.

2
Alikungaanyiza w’ali
Abaana be bonna;
abanyiikira ennyo
-Okumufaanana.

Mumutende,olw’ekitiibwa ky(e) ekingi,
Mumwebaze n’ennyimb(a) ez’essanyu.

3
Abakulu-era- n’abato;
Abaagala Yesu
Talibaawulamu ye
Bw’alikomawo.

Mumutende,olw’ekitiibwa ky(e) ekingi,
Mumwebaze n’ennyimb(a) ez’essanyu.

Oluyimba 100: MUMUYIMBIRE MUKAMA Lyrics

 

OLUYIMBA 189: OMUKULU W’EKKANISA
1
-OMUKULU w’Ekkanisa
Ffe tukutendereza;
Nga tonnaba kulabika,
Tukulindirire ggwe.
Tuyimuse-eddoboozi
Ery’okwebaza kwaffe,
Tujaguza nga twewaayo
Gyoli Katonda waffe.

2
Nga tukyalumwa-ennaku,
Omuliro bwe gwaka;
Tusanyukira-okwagala
Yesu kwe watulaga.
Edda twali basibe
Mu kkomera-ery’amaanyi
Watujjira,n’enjegere
Zaakutuka mangwago.

3
Abantu bo bayita
Mu migga si mitnde,
Egy’okukemebwa, naye
Tebatya ng’obatwala;
Amaanyi ga Ssetaani,
N’ag’ekibi,n’ag’ensi,
Galemeddwa,tuwangula,
Ku bwa Mukama waffe.

4
tunyooma-eby’ensi byonna,
Tunoonya-eby’onu ggulu,
Engule etawotoka,
Etutegekeddwa-eri.
Mu nsi tulaba-ennaku,
Naye gyoli mu ggulu,
Essanyu lituukirira
Mirembe n’emirembe.

Oluyimba 101: YESU NG’ADDAYO GYE YAVA Lyrics

 

OLUYIMBA 19: MULOKOZI WAFFE GWE TWAGALA
1
MULOKOZI waffe gwe twagala,
Tuyimiridde okusuuta ggwe:
Tukwegayiridde tusiibule,
N’emirembe,nga tufukamidde.

2
Tuwerekere n’emirembe gyo,
Tubeere naawe,nga bwe twakedde;
Tukuumenga,tuleme-okwonoona,
Ffe abasabidde mu nnyumba yo.

3
Tuwe-emirembe,Mukama waffe
Mu budde bw’ekiro-otumulise:
Tukuume lwa kisa ffe-abaana bo:
Enzikiza gwe musana gy’oli.

4
Tuwe-emirembe buli lunaku
Lwe tuteganyizibwa eby’ensi;
Gitujjuze,era bwe tulifa
Tuwe-emirembe egitakoma.

Oluyimba 102: OMWOYO OMUTUKUVU JJANGU Lyrics

 

OLUYIMBA 190: KATONDA-EYANNONDA NZE
1
KATONDA-eyannonda nze
Si lwa bulungi bwange,
Eyannonda-obulonzi
N’anzigyako ebibi.
Nnyinza ntya-okumalayo
-Ebbanja lyange-eryenkanaawo-?

2
Yanzigya mu balabe,
N’anfuula omwana we;
Yanzigya mu bujeemu
N’anfuula-omutukuvu;
Nnyinza ntya-okumalayo
-Ebbanja lyange-eryenkanaawo-?

3
Bwe ndituuka mu ggulu
Olw’obutuukirivu;
Obwa Yesu,si bwange,
Bwe ndiraba-amaaso ge;
Ne ndyoka ntegeereraawo-
-Ebbanja bwe litaggwaayo.

Oluyimba 103: EDDA KATONDA BWE YAKKA Lyrics

 

OLUYIMBA 191: MWENNA MUSANYUKE
1
MWENNA musanyuke
Yesu ye Kabaka;
Ebitonde byonna,
Biyimbe n’essanyu:
Muyimuse emitiima,
Musanyuke,mujaguze.

2
Yesu-Omulokozi,
Ye-afuga n’ekisa;
Eyatufiirira
Ye-atudde ku ntebe;
Muyimuse emitiima,
Musanyuke,mujaguze.

3
Obwakabaka bwe
Bwe butaliggwaawo;
Alina-obuyinza,
Mu nsi ne mu ggulu.
Muyimuse emitiima,
Musanyuke,mujaguze.

4
Ali ku mukono
Gwa ddyo gwa Katonda;
-Abalabe be bonna
Balikungubaga.
Muyimuse emitiima,
Musanyuke,mujaguze.

Oluyimba 104: JJANGU MWOYO WA YESU Lyrics

 

OLUYIMBA 192: GGWE-EKKUBO LYAFFE,-ERA MU GGWE
1
GGWE-ekkubo lyaffe,-era mu ggwe
Mwe twekweka-okufa
Tuyita mu ggwe,Mukama
-Okulaba Kitaffe.

2
Ggwe ow’amazima ddala
Ggwe-ogaba-okumanya;
Omatiza-ebirowoozo
Onaaza emitima.

3
Ggwe bulamu ggwe-ow’amaanyi;
Wawangula-okufa;
Abo bonna-abakwesiga
Bawonye okufa.

4
Tuwe-okumanya,ggwe kkubo;
Era ggwe mazima.
-Obulamu bwo bwe twetaaga,
Obw’essanyu-eringi.

Oluyimba 105: OMWOYO OMUTUKUVU Lyrics

 

OLUYIMBA 193: MUGABI W’EBIRABO-EBIRUNGI
1
MUGABI w’ebirabo-ebirungi,
Ebiva-eri Katonda Kitaffe,
Otuwe ffe-abeetaaga okwagala;
Kye kirabo ekitenkanika.

2
Engabo yaffe kwe kukkiriza,
N’effumu kye Kigambo kya Yesu;
Ekyo ku kifuba butukuvu,
Tunaanika mu bigere-ekisa.

3
Naye-ekirabo kyo tukyetaaga,
Ekisinga-ebirala-obulungi,
Kwe kwagalana,nga bw’otwaga
Yesu,bwe tutyo twagalanenga

4
Okwagala kugumiikiriza,
Kulina ekisa so si buggya;
Tekunoonya byakwo,tekunyiiga
Tekwegulumiza,tekukoowa.

5
Mwoyo-Omutukuvu,otuwenga
Okwagala kwa Yesu yennyini
Alyoke atubale mu babe,
Eby’omu nsi-eno bwe biriggwaawo.

Oluyimba 90: YASULA MU NTAANA, MUKAMA WAFFE Lyrics

 

OLUYIMBA 18: BEERA NANGE,OBUDDE BUZIBYE
1
BEERA nange,obudde buzibye;
Enzikiza-ekwata,beera nange:
Sirina nze mubeezi mulala,
Ggwe-abeera-abanaku,nange mbeera.

2
Obudde bw’obulamu buziba,
Bwaka katono ne buwungeera;
Byonna eby’ensi bifuuka bidiba;
Ggwe-atadiba-,atafuuka,tondeka.

3
Nkwetaaga ggwe-emisana n’ekiro;
Kisa kyo kyokka Ssetaani ky’atya;
Katonda wange, bwe bijja-ebire;
-Omusana bwe gwaka,beera nange.

4
Siriiko kye ntya,Yesu nga wooli;
Beera nange ne mpangula-ebibi;
Owoomesa-amaziga n’ennaku:
Entaana nnafu,n’okufa kufu.

5
Nze bwe ndiba nga naatera-okufa:
Omasemasenga mu nzikiza:
Ondowoozese-essanyu n’engule:
Mu bulamu, mu kufa,tondeka