Category: Luganda Anglican Hymns Lyrics

Oluyimba 116: YESU NAAWE WALI Lyrics

 

OLUYIMBA 202: MUKAMA TWAGALA
1
MUKAMA twagala,
Ekifo mw’obeera,
Kye kitusanyusa
Okukijjukira.

2
Ye nnyumba yo ddala
Mwe tukumgaanira,
-Otusembeze gy’oli
Abazze-okusaba

3
Gye babatiriza
Abava mu kibi;
Wonna watukuvu,
Kye kifo-ekirungi.

4
We wali-emmeeza yo,
Gye tulira naawe
N’owa-abakwagala
-Emmere y’obulamu.

5
Bwe batubuulira
Ebyawandiikibwa;
Ennaku ziggwaawo,
Tubeera n’essanyu.

6
Ennyimba-entukuvu
ziwoomesa-ennaku;
Ziyimusa-emyoyo,
Tubeera n’amaanyi.

7
Otuwe-ekisa kyo
-Okukwagala mu nsi,
Era ne mu ggulu
Okukusuutanga

Oluyimba 117: TUSANYUSE-OKUJJA MU MAASO GO Lyrics

 

OLUYIMBA 203: ENDAGAANO-ENTUKUVU
1
ENDAGAANO-entukuvu,
Gye njagalira ddala,
Byonna bye neetaaga nze,
Birabikira mu yo.

2
Omwoyo-Omutukuvu,
Yagiwandiisa edda;
Teyagunjibwa bantu,
Kyenaavanga ngyesiga.

3
Bwe nkyama enkomyawo,
Bwemba ngwa ennyimusa,
Bwe siraba mu kkubo,
Eba gye ndi-omusana.

4
Mu nnaku ensanyusa
Yesu ng’anjigiriza,
Era-ewoomesa gye ndi
Obulamu,n’okufa.

Oluyimba 118: TWALA-OBULAMU BWANGE Lyrics

 

OLUYIMBA 204: JJANGU! KOLA
1
JJANGU! Kola.
Ayinza-ani leero okugayaala,
Ebikungulwa bingi byengedde;
Wulira Yesu ng’akuyita nti:
Jjangu1 Kola

2
Jjangu! Kola.
Kino kitiibwa kyaffe ky’atuwa:
Bamalayika tabakkiriza
-Okubuulira nti-Obwakabaka bwe
Busembedde.

3
Jjangu! Kola.
Mu nnimiro eno-eya Katonda
Mulimu-ebbanga ddene mwebali
Abantu bangi abatamanyi
Mulokozi.

4
Jjangu! Kola.
Omulabe waffe anyiikira
Okuggyamu-esingo-ennungi bulijjo
N’okusigamu ez’omu nsiko,
Nga twebase.

5
Jjangu! Kola
Situla-ekikoligo kye-ekyangu;
Bw’ogumiikiriza alikuwa
Empeera-ennungi n’essanyu lingi,
Mukama wo

Oluyimba 119: TWATEEKEBWAKO OMUSAALABA Lyrics

 

OLUYIMBA 205: AYI YESU NKWEGAYIRIDDE
1
AYI Yesu nkwegayyiridde,
Okunjigiriza wekka;
Kaakano mbuulire-abantu
Abali mu kizikiza.

2
Bwe nnali nkyali mu bibi,
Wampita okujja gy’oli
N’osasula-ebbanja lyange
N’ompa-obulamu bwa buwa.

3
Ku lw’ekisa kyo ekingi
Ombeere leero-omuddu wo;
Nkole by’oyagala byonna,
Mgende gy’ondagira yonna.

4
Ayi Yesu,nkwegayiridde,
Okunnongoosa-eby’omunda,
Mbeere-ekibya-ekisaanira
Mukama-okumuweereza.

5
Onjijuze Omwoyo wo,
N’essanyu eriva gy’oli
Abantu bakuwulire,
Ne balyoka bakwesiga.

6
Onnyweze ,nneme-okwekuba
Ku nkonge-ennyingi-eziriwo;
Bannange ndyoke mboolese
-Obuyinza bwo nga bwe buli.

7
Ompummuzenga bulijjo,
Nneme-okweraliikirira;
Bannange mbategeezenga
Bw’owummuza abakooye.

8
Bwe ntyo ka nkugulumize
Mu maaso g’abantu bonna;
Bo balyoke bajje gy’oli,
Nga bafuuse abaana bo

Oluyimba 120: KATONDA WANGE NKUWADDE Lyrics

 

OLUYIMBA 206: KU LWANGE NE KU LW’ENJIRI
1
KU lwange ne ku lw’enjiri,

Mugende baana bange:
Ne baddamu Ka tugende;

-Ekitiibwa kibe gy’oli,
Yajja-okufiirira abantu,
Kitaawe ng’amutuma:
N’amalawo-ebibi byaffe,
Ggwe-okufa tokyaluma.

2
-Amakondere ga Jjubiri,
Gavuga mu nsi zonna:
Gategeeza-obulokozi
Eri-amawanga gonna.
Ssetaani n’obuyinza bwe,
Binaatera-okuggwaawo:
Obwakabaka bwa Yesu,
Bujja,obutavaawo.

3
Kale bannange,twesibe,
Tulwane nnyo masajja:
Tuleme okugayaala,
Mukama waffe ajja.
Laba emmambya esaze,
-Ekizikiza kidduka;
Kusembedde-okuwummula,
Tunaatera-okunnyuka.

4
Naye wakyasigaddeyo
Okulwana-ekiseera,
Tulyoke tugende gy’ali
Tugabirwe empeera.
Weewaawo,nze njija mangu,

Okufuga-ensi zonna.
Amiina tuddamu Jjangu,

Mukama waffe Yesu.

Oluyimba 121: ALIJJA:ESSUBI ERYO Lyrics

 

OLUYIMBA 207: MUGENDE MU NSI ZONNA
1
MUGENDE mu nsi zonna,

Mubuulire-Enjiri
Eri-amawanga gonna
Agabeera mu nsi,
Balyoke bategeere
Yesu gwe tusinza
Bw’ali Katonda ddala,
Bw’alokola bonna.

2
Mukama waffe Yesu
-Otunyiikize fenna
Tukolerenga ddala
Ebitusaanira;
Tweweeyo gy’oli leero
-Emibiri n’emyoyo
Tuleetenga-ebirabo
N’essanyu lingi nnyo

3
Okugaba kwa mukisa

-Okusinga-Okutoola
Byonna bye tuli nabyo
Biva-eri Katonda;
Otukkirizise-ebyo,
Tukwegayiridde
Tuleme okugamba nti
Bye byaffe ku bwaffe.

4
Ayi Katonda Kitaffe,
Oyimuse mu ffe
Abakunguzi-abangi,
Balyoke bagende
Banyiikirenga wonna
-Okubunya-Enjiri yo,
Babuulirenga bonna,
-Abakulu n’abato

5
Yesu Mukama waffe,
-Otuwe ku maanyi go,
Tukwatirenga ddala
Empisa-ennungi-ennyo
Tuleme-okugayaala,
Naye tufube nnyo
Mu mirimu gyo gyonna
Olw’omukisa gwo.

Oluyimba 122: ENJALA N’ENNYONTA Lyrics

 

OLUYIMBA 208: OBWAKABAKA BWO
1
OBWAKABAKA bwo,
Yesu,bujje mu nsi;
Menya n’omuggo gwo,
Obuddu bw’ekibi.

2
Twetaaga-emirembe
N’obutuukirivu
-Okukyawagananga
-Otumalemu mangu.

3
Ebyasuubizibwa
Bye tulindirira;
Bituukirizibwe,
Ayi Yesu Mukama.

4
Tukwegayiridde,
Okutusaasira;
Tukemgentererwa,
Jjangu otubeere.

5
Enzikiza-ekutte
Ebuna-ensi zonna;
Musana gw’obulamu,
Yaka-obutaggwaawo.

Oluyimba 123: MUJJE MUWEEBWE EKIJUKIZO Lyrics

 

OLUYIMBA 209: OBWAKABAKA BWO BUJJE
1
OBWAKABAKA bwo bujje
Kaakano tukyogedde:
Yesu onjigirize
-Okukisabira ddala.

2
Yesu,sooka oyigire
Muno mu mwoyo gwange:
Naakusembeza gye ndi,
Ongobemu ebibi.

3
Ombeerenga bulijjo
Mbuulire-ekigambo kyo;
Olyoke ojje nate,
Mu mwoyo gya bannange.

4
Ebiro bwe biriggwaawo-;
Kitaawo bye yalaga,
Olijja n’ettendo lyo,
N’olya-obwakabaka bwo

Oluyimba 124: KABAKA-OW’EKISA,TUNUULIRA Lyrics

 

OLUYIMBA 21: AYI MUSUMBA OMUTEEFU
1
AYI Musumba omuteefu,
Yesu-,olw’obulungi bwo
Ekiro beeranga nange,
Nkuuma mu kizikiza.

2
Ggwe ampa entanda yange
N’amaka n’ebyambalo;
Ne mu b’emikwano bonna,
Otuwenga ekisa.

Oluyimba 125: YESU-OMUBIRI GWO Y’EMMERE Lyrics

 

OLUYIMBA 210: BULI MUNTU YENNA AWULIRE
1
BULI muntu yenna awulire
Ebigambo by’Omulokozi w’ensi,
Bunya wonna wonna nti Akkiriza
Alirokoka mu ye.

Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.

2
Buli muntu yenna asembere
Oluggi lw’omu ggulu lugguddwaawo,
Yesu ge mazima,lye kkubo lyaffe;
Ekibalwisa kiki?

Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.

3
Buli muntu yenna amwagala
Kye kigambo kya Katonda-atalimba;
Kale bannange,tubunye-ettendo lye,
Atugabidde buwa.

Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.