Luganda Anglican Hymns COU lyrics
OLUYIMBA 208: OBWAKABAKA BWO
1
OBWAKABAKA bwo,
Yesu,bujje mu nsi;
Menya n’omuggo gwo,
Obuddu bw’ekibi.
2
Twetaaga-emirembe
N’obutuukirivu
-Okukyawagananga
-Otumalemu mangu.
3
Ebyasuubizibwa
Bye tulindirira;
Bituukirizibwe,
Ayi Yesu Mukama.
4
Tukwegayiridde,
Okutusaasira;
Tukemgentererwa,
Jjangu otubeere.
5
Enzikiza-ekutte
Ebuna-ensi zonna;
Musana gw’obulamu,
Yaka-obutaggwaawo.
OLUYIMBA 209: OBWAKABAKA BWO BUJJE
1
OBWAKABAKA bwo bujje
Kaakano tukyogedde:
Yesu onjigirize
-Okukisabira ddala.
2
Yesu,sooka oyigire
Muno mu mwoyo gwange:
Naakusembeza gye ndi,
Ongobemu ebibi.
3
Ombeerenga bulijjo
Mbuulire-ekigambo kyo;
Olyoke ojje nate,
Mu mwoyo gya bannange.
4
Ebiro bwe biriggwaawo-;
Kitaawo bye yalaga,
Olijja n’ettendo lyo,
N’olya-obwakabaka bwo
OLUYIMBA 21: AYI MUSUMBA OMUTEEFU
1
AYI Musumba omuteefu,
Yesu-,olw’obulungi bwo
Ekiro beeranga nange,
Nkuuma mu kizikiza.
2
Ggwe ampa entanda yange
N’amaka n’ebyambalo;
Ne mu b’emikwano bonna,
Otuwenga ekisa.
OLUYIMBA 210: BULI MUNTU YENNA AWULIRE
1
BULI muntu yenna awulire
Ebigambo by’Omulokozi w’ensi,
Bunya wonna wonna nti Akkiriza
Alirokoka mu ye.
Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.
2
Buli muntu yenna asembere
Oluggi lw’omu ggulu lugguddwaawo,
Yesu ge mazima,lye kkubo lyaffe;
Ekibalwisa kiki?
Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.
3
Buli muntu yenna amwagala
Kye kigambo kya Katonda-atalimba;
Kale bannange,tubunye-ettendo lye,
Atugabidde buwa.
Mujje nno gye ndi abakooy(e) ennyo
Mulyoke muwummulenga n’essanyu.
Buli muntu ajja naamwaniriza,
Siimugobere bweru.
OLUYIMBA 198: KA TUSUUTE KITAFFE
1
KA tusuute Kitaffe,
Ka tumugulumize,
Eyatonda ffe-abantu
N’atuyita-abaana be
2
Ka tusuute n’Omwana,
Omulokozi Yesu;
Eyafiira ku muti
Ku lwa-abalina-ebibi.
3
Ka tusuute bwe tutyo,
Omwoyo-Omutukuvu
Atukoza-ebyo byonna
Ebisiimibwa Yesu.
4
Tusuute mu Busatu,
Oyo eyatutonda,
N’oyo-eyatununula,
N’oyo atutukuza
OLUYIMBA 211: KATONDA WAFFE,WA KISA, WA MAANYI
1
KATONDA waffe,wa kisa ,wa maanyi
Kabaka-afuga amawamga gonna:
Ggwe-eyatumuliisa mu nzikiza ekutte,
Ggwe watusaasira mu nnaku ez’edda.
2
Twali tunyoomebwa,twali banaku;
Bangi ku lulwo n’okufa ne bafa;
Ggwe watubeera,n’atuwonnya mu kabi
Tuwe-emirembe gyo mu biro byaffe.
3
Tukutendereza;tukwebazizza,
Tukugulumiza,ne tukusaba:
Ggwe-eyatubeeranga mu nnaku ezayita;
Otuyambenga emirembe gyonna.
OLUYIMBA 199: TUKWEBAZA KITAFFE
1
TUKWEBAZA Kitaffe,
N’Omwana,n’Omwoyo!
Twebaza-Obusatu,
Tusinza ggwe omu!
Tuyingire ku ggye lyo
-Erya bamalayika
-Okukusuuta-obulungi
Nga bwe kisaanira.
2
Kitaffe ggwe watuwa
Byonna bye tulina.
-Obulamu n’amagezi
N’essanyu lingi nnyo.
Naye-okusinga byonna
Watuwa-Omwana wo,
Okujja nu nsi muno,
Okutulokola.
3
Okwagala kwo Yesu
Kwakwetoowazisa;
Era kwe kwakufuula
Omwana w’omuntu;
Kwe kwakuwaliriza
-Okugumiikiriza
-Okunyoomebwa abantu,
Era n’okutiibwa.
4
Era Katonda-Omwoyo
Naawe tukusuuta,
Eyajja olw’ekisa.
Okututukuza.
Otuwe,Ayi Katonda,
-Amagezi mangi nnyo,
Twatule Obusatu,
Tusinze ggwe omu.
OLUYIMBA 212: BULIJJO TUMUSUUTENGA
1
BULIJJO tumusuutenga
Mukama waffe Yesu,
Tumwebaze-olw’okukuuma
Kw’akuumye-Ekkanisa ye
Okuva mu nnaku ezo,
-Enjiri bwe yaleetebwa,
Mu nsi yaffe y’e Uganda
N’eyigganyizibwa nnyo.
2
Bulijjo tukitendenga,
Ekitiibwa kye kyokka
Bw’abawangudde-abalabe
Ab’amaanyi-,ab’entiisa;
Tugobererenga abo
Abaasooka-okutiibwa
Ne batamwegaana Yesu,
Mu nnimi z’omuliro.
3
Bulijjo ka twewengayo
Yesu-okumuweereza;
Okusooka-emyoyo gyaffe
Gifuuke nga ssaddaaka;
Ate tumutonerenga,
-Ebintu,n’abaana baffe
Atuggyemu obukodo,
Atuwe ku ssanyu lye.
4
Bulijjo twewombeekenga,
Tusabenga Mukama
Atuggyemu obunafu,
Agabenga-Omwoyo we;
Mu mawanga-agaliraana
-Ensi yaffe-enjuyi zonna,
Ebika bikkirizenga,
-Eddiini ebune mu-Africa.
5
Bulijjo tweyongerenga
Yesu-okumufaanana,
Tuyige-okutuukiriza
-Empisa z’obuwombeefu
Nga tusuubira-okujja kwe,
Nga tumwesiga yekka;
Nga tukola,nga tusuuta,
Nga tumulindirira
OLUYIMBA 2: YESU MUKAMA W’EGGULU
1
YESU Mukama w’eggulu,
Ggwe kitiibwa kya Kitaffe,
Ggwe musana gw’emirembe,
Ogumalawo-enzikiza.
2
Jjangu Njuba y’omu ggulu,
Tumulise n’ekisa kyo;
Omwoyo wo-Omutukuvu,
Atuule mu myoyo gyaffe.
3
Nyweza-okukkiriza mu ffe,
Ofuge-emibiri gyaffe,
Tuwe-emirembe n’essanyu,
Bukuusa bwonna buggweewo.
4
Otukuze-essanyu lyange,
Mu lunaku lwaffe luno;
Tuwe fenna-okukwebaza
Obudde nga buwungedde.
5
Tukusaba kino kyokka,
Otuwe-okukujjukira;
Buli nkya na buli kiro,
Tukusuute Mulokozi.
OLUYIMBA 213: MMWE-ENSOZI-EMPANVU-ENNYO
1
MMWE-ensozi-empanvu-ennyo,
Mujaguze mwenna!
-Ensenyi n’ebiwonvu,
Mumutendereze.
Muwulire-eddoboozi lye
Libuulira-eby’okujja kwe.
2
Kale mmwe-ebizinga
Ebiri mu nnyanja;
Empewo-ennyingi-ennyo
Zikuntira ku mmwe;
Zirongoosa ekkubo lye
Kabaka ow’ekitiibwa.
3
Mmwe-amawanga mwenna,
Muzuukuke mangu;
-Abantu bammwe bonna
Beefunire-eddembe
Ery’Omwana wa Katonda
Ly’abaleetera kaakano.
4
Amawanga gonna
Agali-ewala ennyo,
Agatamanyanga
Mulokozi w’ensi;
Kale,mwenna mujje gy’ali,
Oyo eyakomererwa.
5
Mwenna muyimbe nnyo,
Nga mugenda gy’ali;
Mwenna mukumgaane
-Okuva mu nsi zonna;
Tuyingire mu kibuga,
Ekyaffe,-eky’olubeerera.