Category: Luganda Anglican Hymns Lyrics

Oluyimba 139: BAMALAYIKA BAYIMBA Lyrics

 

OLUYIMBA 223: MMWE MWENNA-ABOOLUGANDA
1
MMWE mwenna-abooluganda
Mubeere n’essanyu;
Ensi zijjule-ettendo
Ery’omulokozi
-Abantu-abatabalika
Bamugulumiza;
Leero bafunye-eddembe
Lwa linnya lye-lyokka.

2
Mmwe mwenna-abooluganda
Mulwane n’amaanyi;
Eyeeraga-amasajja;
Empeera ye nnyingi.
Yesu Mugabe waffe,
Wa maanyi mangi nnyo:
Tufube nnyo bannaffe,
Tuwangule leero.

3
Mulokozi,ffe fenna
Tweyanze nnyo nnyini;
-Okuwangula si kwaffe,
Tumaanyi nga kukwo;
Wawangula Ssetaani,
-Omulabe waffe-oyo;
Naffe tetumutyenga,
Tujaguze leero

Oluyimba 140: EBINTU-EBIRUNGI N’EBINTU-EBIKULU Lyrics

 

OLUYIMBA 224: MWENNA MUYIMUKE
1
MWENNA muyimuke,
Ng’abasserikale;
Mwambale-eby’okulwanyisa
Byonna-ebya Katonda.

2
Mubeere ba maanyi,
Mumutunuulire;
Ye ge maanyi gaffe gonna,
Agatuwanguza.

3
Temutya mulabe,
Yesu yawangula;
Amaanyi gonna-ag’okufa
Tegakyasobola.

4
Mugende mu maaso;
Laba ebbendera;
Nga yo ebakulembera
-Omugabe ye Yesu

5
Mwesibe-amazima,
N’obutuukirivu;
Nga mutunuulira Yesu,
Omukulembeze.

Oluyimba 141: EGGULU LIKUSINZA Lyrics

 

OLUYIMBA 225: GGWE KIBUGA KYA KATONDA
1
GGWE kibuga kya Katonda
Ekitiibwa kyo kingi,
Yakukuba,so toyinza
Okusimbulwa nate.
Emisingi gyo gibeera
Ku lwazi lw’emirembe
Kuliko bbugwe wa maanyi,
Atalumbika babi.

2
Munda laba-emigga mingi
Egikulukuta-ennyo,
Mwe basena-obutayosa
Okunywesa-abaana bo;
Ago-amazzi g’obulamu
-Agatumalamu-ennyonta,
Agagaba ye Katonda;
Nga baweereddwa-ekisa!

3
Ababeera mu kibuga
Bambala entukuvu;
Bayoza engoye zaabwe
Mu musaayi gwa Yesu;
Bava mu mawanga gonna,
Ne bafuuka-abaana be;
Edda baali bamwonoona,
Kaakano balokole.

4
Ayi Yesu olw’ekisa kyo,
Eyo gye ndibeerera;
Abantu ab’ensi eno
Bannyoome,banduulire;
Naye-essanyu lyabwe lyonna
Teriyinza kulwawo;
Ery’abaana ba Katonda,
Lya mirembe-egitaggwaawo-.

Oluyimba 142: ENKYA BWE NZUUKUKA Lyrics

 

OLUYIMBA 226: BATUULA MU GGULU
1
BATUULA mu ggulu
Wamu naawe
Abatuukirivu;
Basanyuka.
Bayimba bulijjo,
Tweyanze ekisa kyo,
Ggwe-eyatwagala-ennyo,
Mulokozi.

2
-Omusaayi gwa Yesu
Gwanaaza nnyo;
Ebyambalo e’bya-
Batukuvu.
Kyebava batuula
Wamu naawe,Katonda;
Kyebava bayimba
Ettendo lyo.

3
Ani ayagala
-Okutuuka-eyo?
Jjangu Yesu gy’ali;
Yanguwako.
Anaakusonyiwa,
Taaleme kukkiriza,
Nga bwe yasuubiza,
Mukama wo.

4
Tasingika ddala
Ekisa kye:
Alibalokola
Abantu be.
Asangula-ebibi
N’omusaayi-ogw’amaanyi:
Asinga obubi
Taamuleme.

Oluyimba 143: ENSI ZOONA,WE ZIFA ZENKANA Lyrics

 

OLUYIMBA 227: BULIJJO TUTENDEREZA
1
BULLIJO tutendereza
Ekibuga kyaffe,
Ekyakubibwa mu ggulu,
Yesu kye yazimba.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

2
Era-ennyumba zaakyo zonna
Ziringa nga zaabu;
Ze zisinga zonna ddala
Ezizimbibwa abantu.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

3
Yesu mwali,ye Mukama,
Abafuga bonna;
Bamalayika beeyanza,
Nga bamuweereza.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

4
Mu ntebe ye mufuluma
-Amazzi g’obulamu
Agamasamasa ddala
Nga-effeeza-ennungi.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

5
Era gy’ali gye gumera
-Omuti gw’Obulamu
Amalagala kwe gali
Agawonya-abantu

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

6
Ffe tusiime ekibuga
Yesu Kristo waffe
Kye yatulongoosereza
Ekiri mu ggulu.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

7
Otuzibule amaaso,
Yesu tukulabe;
Tubiwulire-ebigambo
Bya Mukama waffe.

Singa mbadde n’ebiwawa
Nga bamalayika,
Nandibuuse,nandituuse
Eri mu Sayuuni

Oluyimba 144: GGWE KATONDA-ATAGGWAAWO Lyrics

 

OLUYIMBA 228: MU NSI Y’OMU GGULU
1
MU nsi y’omu ggulu
Tewabaawo kiro,
Emirimu tegikoya
Bakoza-okwagala.

2
Eri teri nnaku,
Essanyu lingi nnyo:
Katonda waffe-asangula
Amaziga gonna.
3
Eri teri kibi:
Abaliyo bonna
Bambadde-engoye-entukuvu,
Bayimbira Yesu.

4
Eri teri kufa:
Abaayingira-eyo,
Baamala bo okusikira
Obulamu-obutaggwaawo.

5
Yesu,musaale ggwe,
Otukulembere;
-Otuyise mu kabi konna
Otutuuse mu ggulu

Oluyimba 145: GGWE WEKKA-ATAGGWAAWO,OW’AMAGEZI Lyrics

 

OLUYIMBA 229: WALIWO-ENSI ESINGA-ENO
1
WALIWO-ensi esinga-eno,
Nga nnungi! nga nnungi!
Tetuukayo kibi kyonna,
Ensi-eyo,nga nnungi!
Tulikuba ennanga-empya,
Wamu ne bamalayika,
Ennanga zaabwe za zaabu:
Ensi-eyo,nga nnungi!

2
Mbu teri bire ku ggulu,
Ensi-eyo,nga nnungi!
Teri nnaku na kukaba,
Ensi-eyo,nga nnungi!
Banywa mu luzzi-olw’ekisa
Ne balaba-Omulokozi
Amaaso ge gwe musana;
Ensi eyo,nga nnungi!

3
Newankubadde nga fenna
Tujjudde ekibi,
Naye Yesu yakkiriza
Okufa,ku lwaffe!
Tulitukuzibwa fenna
Olw’omusaayi gwa Yesu,
Tulifuga wamu naye,
Mu nsi-eyo ennungi.

Oluyimba 130: YESU WAKATI MU FFE Lyrics

 

OLUYIMBA 215: OLWAZI KWE YAZIMBA KATONDA-EKKANISA
1
OLWAZI kwe yazimba Katonda-Ekkanisa,
Ye Mulokozi waffe eyagitukuza,
-Olwamazzi n’ekigambo-,okuba-omugole we;
N’ava mu ggulu,n’akka ku nsi,erokoke.

2
Abantu bonna-ab’ensi bayingira omwo,
Kyebava bagiyita yokka-Ebuna wonna;
Eyatula Mukama omu n’ekkiriza,
-Ekigambo kye, n’etoola emmere-emu yokka.

3
Leero newankubadde enyoomebwa-abantu,
Olw’obukyamu bwamu,n’olw’okwesalamu;
-Abatukuvu beekuuma nga bakukaabira,
Olijja ddi Mukama? tukulindirira.

4
Mu mitawaana gyayo, mu ntalo n’obwowe,
-Emirembe gya Katonda gyo gy’erindiridde;
Terirema kuweebwa bye yagisuubiza,
Ekkanisa erwana n’eryoka-ewummula.

5
Yagattibwa-era ku nsi ne Katonda waffe,
N’esseekimu mu mwoyo n’abo abeebaka,
Baweereddwa n’essanyu;Yesu otuwe ffe,
-Okubeeranga mu ggulu nga bo-awamu naawe.

Oluyimba 146: KA TUMUSINZE,KATONDA WAFFE Lyrics

 

OLUYIMBA 23: KATONDA WANGE NKWEBAZA
1
KATONDA wange nkwebaza
Olw’ebirungi ebya leero;
Era nkusaba onkuume
Mu budde bwonna-obw’ekiro.

2
Onsonyiwe ebyonoono
Bye nsobezza olwa leero:
Ompe-emirembe mu mwoyo,
Nga ngenda-okwebaka otulo.

3
-Onjigirizenga bulijo
Ekkubo lye naakwatanga:
Bwe ntyo bwe ndituusa-okufa
Nneme-okutya-entiisa yonna.

4
Mpummulire mu maaso go
Mu nzikiza nkweyabiza,
Ne ndyoka ngolokoka-enkya
Okukuweereza nate.

Oluyimba 131: GGWE-AKAMWA KANGE, TENDANGA Lyrics

 

OLUYIMBA 216: LWANANGA MU LUTALO LWO
1
LWANANGA mu lutalo lwo,
Okulwana okulungi,
Nyweza ggwe obulamu bwo,
Yesu atuwa empeera.

2
Wakana ggwe-omuwakanyi,
Leeta amaanyi go gonna,
Gumira-olugendo lwo,
Yesu atuwa empeera.

3
Leka-okweraliikirira,
Tulina-Omusaale waffe;
Mwesige ye,oliraba
Yesu bw’atuwa-ebirungi.

4
Tozirika,ali kumpi,
Tajjulula kwagala kwe,
Kkiriza ggwe,oliraba
Yesu bw’ali-Omulokozi