Category: Luganda Anglican Hymns Lyrics

Oluyimba 153: ALERUUYA! MUMWEBAZE Lyrics

 

OLUYIMBA 236: OMUZIBE W’AMAASO EDDA
1
-OMUZIBE w’amaaso edda
Eyali ng’asabiriza
N’awulira-abantu bangi
N’ababuuza nti Ekyo ki?
Bonna ne bamubuulira,
Yesu Omunazaaleesi.

2
Kiki ekimuyinzisa
Okubavumula bonna?
Si ye mugenyi bugenyi?
Ekibamwagaza kiki?
Laba bwe bayogerera
Waggulu: Yesu ayita.

3
Yesu ye wuuyo eyava
Mu ggulu,okulokola
Abalina-ebibi,n’abo
Abazitoowereddwa-ennyo.
Bali kyebava boogera
Yesu Omunazaaleesi.

4
Bannange mu nnaku zino
Yesu atuyita fenna,
Ng’abuulira abantu be
-Ebirabo by’abaleetedde.
Tewali n’omu-amwenkana
Yesu Omunazaaleesi.

5
Naye bwe muba munyooma
Ekisa-ekitenkanika
Ennaku ziribasanga
Yesu bw’alibagamba nti:
Muve we ndi aboonoonyi,
-Ekiseera kyammwe kyayita

Oluyimba 169: NEEGOMBA NNYO-OKUWULIRA Lyrics

 

OLUYIMBA 250: TEWALI MU NSI MUNO MULONGOOFU
1
TEWALI mu nsi muno mulongoofu
So nga tewaliba mu ggulu,
Wabula abantu be yalongoosa
N’omusaayi-ogwa Yesu yekka.

Munaabe mu musaa(yi),ogunaaza mmwe buli kibi;
Mmwe temulitukul(a) awatali ye;
Munaabe mu musaa(yi) gwa Yesu.

2
Omusaayi-gwe Yesu gubanaaze nnyo
Abagwagwa ab’omu mwoyo:
Kale temulwa,naye muyanguwe
Okunaaza emyoyo gyammwe.

Munaabe mu musaa(yi),ogunaaza mmwe buli kibi;
Mmwe temulitukul(a) awatali ye;
Munaabe mu musaa(yi) gwa Yesu.

3
Bw’alikomawo nate-Omulokozi
N’amaanyi n’ekitiibwa kingi,
Abatannanaaba baliyingira
Mu mbaga y’obugole batya?

Munaabe mu musaa(yi),ogunaaza mmwe buli kibi;
Mmwe temulitukul(a) awatali ye;
Munaabe mu musaa(yi) gwa Yesu.

4
Balitya-okulabika mu maaso ge
Okutya kuliba kwereere:
Naye leero muyinza-okulokoka
Mu busungu bwe obulijja.

Munaabe mu musaa(yi),ogunaaza mmwe buli kibi;
Mmwe temulitukul(a) awatali ye;
Munaabe mu musaa(yi) gwa Yesu.

Oluyimba 154: ESSANYU-ERINGI-ERITAKOMEZEKA Lyrics

 

OLUYIMBA 237: LABA NNYIMIRIDDE W’OLI
1
LABA nnyimiridde w’oli,
Neeyanjula ku luggi lwo,
-Ebibi tebikukooyesa?
Onnyingize,onnyingize.

Laba nnyimiridde w’oli
Neeyanjula ku luggi lwo,
Ebibi tebikukooyesa?
Onnyingize,onnyingize.

2
Ku lulwo nnakomererwa,
Tojjukira kufa kwange?
Essanyu lyo liddirira;
Oyingire,oyingire.

Laba nnyimiridde w’oli
Neeyanjula ku luggi lwo,
Ebibi tebikukooyesa?
Onnyingize,onnyingize.

3
Tomggaana,laba nkwolesa,
Mu maaso go enkovu zange:
Nneemale omutima ggwo?
Onsembeze,onsembeze.

Laba nnyimiridde w’oli
Neeyanjula ku luggi lwo,
Ebibi tebikukooyesa?
Onnyingize,onnyingize.

4
Nkuleetedde-ebirabo byo
-Emirembe,-essanyu,n’obulamu
Ka nkulokolere ddala,
Ayi mwana wange-,onnyingize

Laba nnyimiridde w’oli
Neeyanjula ku luggi lwo,
Ebibi tebikukooyesa?
Onnyingize,onnyingize.

Oluyimba 155: YESU,TOTEGEEREKEKA Lyrics

 

OLUYIMBA 238: JJANGU MUNNANGE OWULIRE-ENJIRI
1
JJANGU munnange owulire-enjiri
Y’okwagala kwa Yesu,
Bwe yaleka ennyumba y’ekitiibwa
N’ebintu byonna eby’essanyu,
Yesu yafa,Yesu yatufiirira.

2
Ffe fenna tulina ebibi,
Katonda atunuulira,
Ebyonoono byaffe abimanyi byonna,
Ye wa kisa yatutumira Yesu.

3
Ababi abaamukyawa Yesu,
Baamuwanika ku muti,
Naye okufa kwe kutuwa eddembe,
Okuva mu musango-omubi.

4
Kale omulenzi,ne mwannyina,
Mukkirize kaakano Yesu;
Tewali bulokozi mu mulala,
Mu nsi zonna oba mu ggulu

Oluyimba 156: EWALA MU GGULU Lyrics

 

OLUYIMBA 239: MWOYO GWANGE, WULIRA
1
MWOYO gwange,wulira,
Yesu Mulokozi wo;
Akubuuza ggwe bw’ati:
Mwana wange-onjagala?

2
Nze nakuggya mu nvuba;
Ne nnyiga-ebiwundu byo;
Ne nkuzuula ng’obuze;
Ne nzibula-amaaso go.

3
Nnyina ki-atajjukira
Bulijjo omwana we?
Ye yeerabira-omwana:
Naye siirekenga ggwe.

4
Bulijjo nze nkwagala;
Naabeeranga naawe nze;
Mu bulamu, mu kufa,
Mu magombe,mu ggulu.

5
Bwe ndiba nkuwonyezza
Oliraba-ettendo-eryo;
Oliba wamu nange;
Mwana wange-,onjagala?

6
Mulokozi,gunsinze;
Nnali nga sikwagala:
Naye leero mpa ekisa,
Nnyongere kukwagala.

Oluyimba 157: MUJJE MWEBAZE MUKAMA Lyrics

 

OLUYIMBA 24: OMUKISA GWA KITAFFE
1
OMUKISA gwa Kitaffe,
N’ogw’Omwana we Yesu
N’ogw’Omwoyo-Omutukuvu.
Gukke ku myoyo gyaffe.

2
Ffe tubeere fenna wamu,
Nga tujjudde-okwagala,
Bwe tusseekimu n’essanyu
N’emirembe bulijjo.

Oluyimba 158: MUKAMA WAFFE-OW’OBULAMU! Lyrics

 

OLUYIMBA 240: WULIRA MU LUYOOGAANO
1
WULIRA mu luyoogaano
Eddoboozi lya Yesu,
Bw’akuyita omunaku
Okumugoberera.

2
Nga basuula obutimba
Mu nnyanja-abatume be,
Yabayita ng’abagamba
Bw’ati:Muyite nange.

3
Bo ne balekawo mangu
Obutimba,ne bajja,
Bwe baawulira-eddoboozi
Erya Yesu ntiMujje.

4
Bw’atyo Yesu bw’atuyita
Okuleka-ebyonoono,
Era n’okutambulanga
Mu makubo g’obulamu-.

5
Mu ssanyu era mu nnaku,
Mu ndwadde ne mu bulamu-;
Tukyawulira-eddoboozi
Ly’Omulokozi waffe.

6
Mwana wange tosuulanga
Bye nkugabira buwa,
Laba bwe nnafiirira ggwe,
Mpa-omutima gwo gwonna

Oluyimba 159: MU MAASO GA YESU ABALOKOLE Lyrics

 

OLUYIMBA 241: YESU ABAKKIRIZA
1
YESU abakkiriza,
Bonna-abalina-ebibi:
Bwe bamusemberera,
Abakkiriza-ababi.

Yesu abakkiriza,
Bonn(a) abalin(a) ebibi:
Bwe bamusemberera,
Abakkiriz(a) ababi.

2
Jjangu,nnaakuwummuza:
Kkiriza-ekigambo kye:
Eyasinga-okwonoona.
Mukama toomugobe

Yesu abakkiriza,
Bonn(a) abalin(a) ebibi:
Bwe bamusemberera,
Abakkiriz(a) ababi.

3
Neeraba mu maaso go,
Bwe ndi-omwonoonyi ddala;
Naye bwe njija gy’oli
Sitya,ku lw’erinnya lyo.

Yesu abakkiriza,
Bonn(a) abalin(a) ebibi:
Bwe bamusemberera,
Abakkiriz(a) ababi.

4
Ka nkweyanze,Mukama,
Eyannyaniriza nze.
Nange-eyakujeemera
Gw’onaaza-omusaayi gwo.

Yesu abakkiriza,
Bonn(a) abalin(a) ebibi:
Bwe bamusemberera,
Abakkiriz(a) ababi.

Oluyimba 160: YESU YE YAVA MU GGULU Lyrics

 

OLUYIMBA 242: MUJJE-ERI YESU, TEMULWAWO
1
MUJJE-eri Yesu,temulwawo,
Atudde mu ffe wano leero,
Fenna-atuyita-okusembera;
AyogeraMujje.

Ye atwagala,atwagala;
Ye atwagala aboonoonyi;
Era yajj(a) okutufiirira,
Ffe tutuuke gy’oli.

2
Mujje abazitoowereddwa,
Mwenna abakooye n’ebibi:
Mujje mwenna naabawummuza
Mujje mwenna gye ndi.

Ye atwagala,atwagala;
Ye atwagala aboonoonyi;
Era yajj(a) okutufiirira,
Ffe tutuuke gy’oli.

3
Abantu bonna kiyinzika
Leero-okusonyiyrwa ddala;
Kuba-ebibi by’abakkiriza
Byatwalibwa Yesu.

Ye atwagala,atwagala;
Ye atwagala aboonoonyi;
Era yajj(a) okutufiirira,
Ffe tutuuke gy’oli.

Oluyimba 161: LABA OMWANA-OMUTO Lyrics

 

OLUYIMBA 243: MUJJE MWENNA-ABAKOOYE
1
MUJJE mwenna-abakooye
Nze naabawummuza:
-Eddoboozi nga lya kisa
Ery’Omulokozi:
Litutegeeza bw’ali
Ow’ekisa kyonna,
Bw’ayagala-okuwonya
Emyoyo gy’abantu

2
Mujje mwenna-abakyamye
Nze naabamulisa:
-Eddoboozi nga lya ssanyu
Mu nzikiza-ekutte.
Mu nsiko ey’omu nsi
Twali tuwabye nnyo,
Mu kkubo lye yatuzza,
Ffe ne tusanyuka

3
Mujje mwenna-abafudde
Naabawa obulamu-:
-Eddoboozi lye lya manyi,
Lituzzaamu-omwoyo.
Entalo zaffe nzibu;
-Omulabe mukambwe;
Amaanyi g’okulwana
Gava eri Yesu.

4
Era-anajjanga gye ndi
Nze siimugobenga:
-Eddoboozi lya Mukama
Lye litugumya-ennyo:
Ekisa-ekyenkanaawo
Tewali-asaanidde,
Ye ye-atusembezezza
Kale tumwebaze