Category: Luganda Anglican Hymns Lyrics

Oluyimba 204: JJANGU! KOLA Lyrics

 

OLUYIMBA 282: YESU NJIJA GY’OLI
1
YESU njija gy’oli,
Nga nsuubira,
Nkufukaamirira,
Nga nkwesiga;
Njijudde nnyo-ebibi,
Naye kye mpoza nti:
Wanfiirira.

2
Mukama njatula
Ebyonoono;
Ne nkubikkulira
-Ebibi byange.
Jjangu onnongoose
Onnalize ddala,
Ontukuze.

3
Yesu-otusonyiwe
Ggwe-omwesigwa
Laba,nfukamidde
Mu maaso go.
Onnaze mu musaayi-,
Ggwe-Omwana gw’endiga
Wa Katonda.

4
Ne nyoka nsanyuka
Nga ndokose,
Nze ne ntambulira
Wamu naawe.
Ne bwe ndizirika,
Ggwe-olimpanirira
Nneme-okugwa.

Oluyimba 205: AYI YESU NKWEGAYIRIDDE Lyrics

 

OLUYIMBA 283: ONNUMIRIZE OLW’EBIBI
1
-ONNUMIRIZE olw’ebibi
Mwoyo Mutukuvu;
Eby’omu bulamu bwange
Byerulibwe mangu.

2
Yesu amaanyi ebyama,
N’esulo-ez’omu nda
Ez’ebirowoozo bynge,
Ozimbikkulire.

3
Onjakize-omusana gwo,
Ommulise mu nda,
Ommanyise-ebibi byange
Byonna-ebikisibwa.

4
Naweerezanga Ssetaani,
Mu nnaku ez’edda;
Ekisa kyo kye kyansenza;
Yesu anjagla.

5
Bwe ntyo bwe ndifukamira
Mu maaso ga Yesu,
Naakwebalizanga ddala,
Nga neewombeese nnyo

Oluyimba 190: KATONDA-EYANNONDA NZE Lyrics

 

OLUYIMBA 27: MUZUUKUKE! MMWE-ABEEBASE
1
MUZUUKUKE! mmwe-abeebase
Omukuumi atukoowoola
Suukuka Yerusaalemi
Kaakano obudde ttumbi,
Abawala ab’amgezi
Mujje, batukoowoola nnyo:
Awasa-omugole
Ajja,muyimuke!
Aleruuya!
Mujje nga mweteeseteese,
Mujje mumusisinkane.

2
Saayuuni yenna-awulidde,
Okukoowoola kw’omukuumi;
Bonna ne bajjula-essanyu;
Mukwano gwabwe-akka ku nsi,
Wa kitiibwa-era wa mazima,
Wa maanyi era wa kisa.
Kale Yesu jjangu
-Omwana wa Katonda,
Aleruuya!
Fenna tusseekimu naawe,
Fenna tugende n’essanyu.

3
Ekitiibwa kibe gy’oli;
Abantu bakutendereze
Wamu ne bamalayika.
Fenna tukuyimbirenga
Nga twetooloola entebe yo
Tujaguze! tujaguze!
Tewalabikanga
Ssanyu eryenkanaawo
Aleruuya!
Tukuyimbire n’essanyu
Emirembe n’emirembe.

Oluyimba 206: KU LWANGE NE KU LW’ENJIRI Lyrics

 

OLUYIMBA 284: SIYINZA N’AKATONO
1
SIYINZA n’akatono
Yesu nga toliiwo;
Okulwana-akaseera
Mu maaso g’ekibi;
-Abalabe bange bonna
Bantaayiza bubi;
Omulokozi wange,
Ombeere n’amaanyi.

2
Nze ndi munafu ddala.
-Amaanyi gampweddemu;
So sirina magezi,
Ekkubo limbuze.
Beera-Omusaale wange,
Mu masamganzira,
Bw’onkwata n’omukono
Ndituuka-emirembe.

3
Siyinza n’akatono,
Kutambula nzekka;
Ggwe-oli Mubeezi wange
Mu biro-eby’ennaku:
Ggwe tonjabuliranga,
Nneme-okubungeeta,
Siritya kabi konna,
Mu ntuuko-ez’okufa

Oluyimba 191: MWENNA MUSANYUKE Lyrics

 

OLUYIMBA 270: YESU KINO KYE NJAGALA
1
YESU kino kye njagala,
Omwoyo nga gugwo;
-Omugonvu n’omuwombeefu,
Ogukukkiriza.

2
Era-omwoyo-oguwulira
-Ebiragiro byonna;
Mukama mw’anaatuulanga
Okugusanyusa.

3
Omwoyo ogunaazibwa
-Omusaayi gwa Yesu;
Ogutabeeramu kibi,
Ogujjudde-ekisa.

4
Omwoyo-ogwenkaniddaawo
Ogumpe Katonda;
Oneemale nze kaakati,
Onfugire ddala.

Oluyimba 207: MUGENDE MU NSI ZONNA Lyrics

 

OLUYIMBA 285: GGWE-OMANYI YESU OBUKOOWU BWAFFE
1
GGWE-omanyi Yesu obukoowu bwaffe,
Otegedde byonna-ebikwekeddwa;
Tukemggentereddwa-abalabe bangi,
Ggwe wekka-,oli kiddukiro kyaffe
Tuzze gy’oli,oyise ffe-abanaku
Kubanga-ebyama byonna-obimanyi.

2
Ggwe-omanyi ebibi byaffe-ebyabaawo
Bwe twakujeemera,bwe twabula;
Twawaba nnyo ng’endiga-ezisaasaana,
Twali tuzaaye n’otuzaawula.
Ggwe-eyanyiga-ebiwundu byaffe byonna
N’otuwa-amaanyi,otusaasire.

3
Ggwe-omanyi byonna-,ebiriwo kaakano
-Omulabe waffe bw’atukema-ennyo
Entalo ze tulwana zituyinze,
Twetaaga ggwe,-ekiddukiro kyaffe.
Be twagala nabo banakuwala,
N’ensi-eno-oluusi tetusanyusa.

4
Ggwe-omanyi byonna-,ebigenda-okubaawo,
Oluusi ssanyu,oluusi nnaku;
tunoonya bye tutayinza kufuna,
Naye gy’oli tujjula essanyu,
Obudde bw’obulamu buwungeera
Era-okufa kutusemberera
Era-okufa kutusemberera.

5
Kyovudde-omanya byonna-ebituluma,
Kubanga watwala-obuntu bwaffe,
Mu nsi baakuyitanga ow’ennaku,
Era-eyamanyiira-obuyinike.
Kyetuvudde twanmgganga-okujja gy’oli,
Tufune amaanyi ge twetaaga.

Oluyimba 192: GGWE-EKKUBO LYAFFE,-ERA MU GGWE Lyrics

 

OLUYIMBA 271: KATONDA EYANTONDA NZE
1
KATONDA eyantonda nze
Mu mubiri-omwangu;
Ndyoke nnyinze-okusobola
-Okutambula wonna;
Singa mbuliddwa-amagezi,
Naye mujjukira
Mu mutima ogw’essanyu
Ng’omwana omuto.

2
Yesu Kabaka, Mukama;
Ompe-ekitala kyo
Ekyangu era ekyogi
Nnwanyise-abalabe;
Ndyoke mbawangule abo,
Era nkuweereze
-Emisana era n’ekiro,
Mbeerenga-omusajja.

3
Omwoyo ogw’amazima
Oguwa-omubiri
-Essanyu mu kifo ky’ennyombo,
-Omusana-omulungi;
Amagezi nga gambuze
Ojje embeerenga;
Ompe ekirabo kino
-Otwale-omwoyo gwange.

Oluyimba 208: OBWAKABAKA BWO Lyrics

 

OLUYIMBA 286: GGWE-ASUUTIBWA BULI MUNTU
1
GGWE-asuutibwa buli muntu,
Kkiriza-eteendo lyaffe;
-Okusobya kwe tukoze ffe,
Twenenyerezza ddala;
-Ebirabo bye tukuwa ffe,
-Obitwale n’omukisa gwo;
-Ogutuwe,ggwe Kabaka.

Oluyimba 193: MUGABI W’EBIRABO-EBIRUNGI Lyrics

 

OLUYIMBA 272: KITAFFE-ATWAGALA FENNA
1
KITAFFE-atwagala fenna,
-Oyambenga-abaana bo;
Bakuumenga-ennaku zonna
-Obusika-obulungi.

2
Twetikke-omusaalaba gwo
N’obwesigwa bwonna;
-Amazima gobunenga
Mu mawanga gonna.

3
Tuwe twegenderezenga
Tube balongoofu;
-Essaddaaka-ey’obuntu bwaffe
Esiimibwe gy’oli.

4
Tuwe okwesiganga ggwe,
-Omulamuzi waffe;
-Ensonyi n’entiisa bireme
Kutukwata fenna.

5
Tuwe-amaanyi n’obuvumu
Ebituyinzisa
-Okuyamba bonna-ab’ennaku
N’obutabajooga.

6
Tuwe-okusonyiwagana
N’okwagala bonna;
Tube n’essanyu lingi nnyo
Eriva eri ggwe.

Oluyimba 209: OBWAKABAKA BWO BUJJE Lyrics

 

OLUYIMBA 287: EKITIIBWA KYO KINENE
1
EKITIIBWA kyo kinene,
-Omununuzi waffe;
Emimwa gy’abantu bonna
Giyimba-ettendo lyo!

2
Erinnya lya Yesu ddungi
Limalawo-okutya;
Lituleetera-obulamu
N’emirembe mu nda.

3
Amaanyi g’ekibi gonna
Yesu yagamenya;
Ffe abaali abasibe
Twafuuka ba ddembe!

4
Buli akkiriza Yesu
Alirokolebwa;
N’abo abaafiira mu ye
Kaakano balamu!

5
Muwulire mmwe-abanaku
Nammwe bakasiru,
Bwe munaasembera gy’ali
Munaawonyezebwa!

6
Mukama waffe-ow’ekisa
Tukwegayirira,
Otuyigirize fenna
Okukusuutanga.