Category: Luganda Anglican Hymns Lyrics

Oluyimba 212: BULIJJO TUMUSUUTENGA Lyrics

 

OLUYIMBA 29: MUSANYUKE ABALOKOLE
1
MUSANYUKE abalonde
Abeesiga Yesu,
-Ettabaaza zammwe zaake,
Obudde buzibye.
Mukama waffe alijja,
Kaakano ali kumpi,
Muyimuke mwekuume
Meleme-okwebaka

2
Mukoleeze-ettabaaza
zaake mu nzikiza,
Mulabe-obulokozi
Bwammwe busembedde.
Mukama bamulengera
Kaakano ali kumpi,
Mugende nga muyimba,
-Okumusisinkana.

3
-Abawala ab’amagezi
Muyimbe nnyo nnyini
Ennyimba-ez’amatendo
-Ez’abamalayika.
Yesu atulindirira
Mulokozi w’abantu:
Balokole ba Yesu,
Musembere mwenna.

4
Tukkiriza ggwe Yesu
Mulokozi waffe,
Yanguwa-okujja,olye
Obwakabaka bwo.
Katonda atubeerenga
-Okubuuliranga wonna,
Balokoke bonna.

Oluyimba 228: MU NSI Y’OMU GGULU Lyrics

 

OLUYIMBA 303: SIRIIKO KYE MPOZA,YESU
1
SIRIIKO kye mpoza,Yesu;
Mu maaso go,gunsinze nnyo;
Ekisa kyo kiwangudde
Obunafu bwange bwonna.

2
-Obunafu bwange buliggwa:
Mu maaso go teri kibi,
Ekisa kyo kibeerera
Emirembe gyonna.

Oluyimba 213: MMWE-ENSOZI-EMPANVU-ENNYO Lyrics

 

OLUYIMBA 290: YESU-AMANYI BWE MBEERA
1
YESU-amanyi bwe mbeera
N’ebirowoozo byonna
N’obunafu bwange-era,
Byonna ye abimanyi.

2
Ng’omuzadde w’omwana
Bw’asaasira-omwana we,
Yesu bw’asaasira nze
Mu-ebyo byonna bye nkola.

3
Yesu fenna-atwagala
Abakulu n’abato;
Anaatusonyiwanga
Bwe tuba twenenyezza.

4
Weenenye ggwe-omwonoonyi
Ye anaakusonyiwa;
Omusembeze gy’oli
Mwenenyereze ddala.

5
Ojja kulokolebwa
Mu bibi byo-ebyo byonna;
Teweeraliikirira,
Ali kumpi nnyo naawe.

Oluyimba 229: WALIWO-ENSI ESINGA-ENO Lyrics

 

OLUYIMBA 304: YESU,NEESIGA GGWE OKUNDOKOLA
1
YESU,neesiga ggwe okundokola
Mu musango gwonna ne mu kwonoona:
Ali mgganga ggwe mu ggulu taliwo;
Ne mu nsi ggwe wekka ggwe Mulokozi.

Neesig(a) ekisa kyo,kyenvudde njinja
Nkwebaza,nkusinz(a) olw’okusaasira.
Yesu,neesiga ggwe okundokola,
Mu musango gwonna ne mu kwonoona.

2
Yesu,nkwesiga n’olw’ekigambo kyo,
Naakawulira-omwo eddoboozi lyo:
Omwoyo-omulungi bw’anjigiriza,
Ka ntuule nga njija-era nga nsanyuka.

Neesig(a) ekisa kyo,kyenvudde njinja
Nkwebaza,nkusinz(a) olw’okusaasira.
Yesu,neesiga ggwe okundokola,
Mu musango gwonna ne mu kwonoona.

3
Yesu,neesiga ggwe,Omulokozi;
Toyinza kugoba yenna-akkiriza
Ekyo kya mazima,nange nsanyuka
Olw’obulokozi bwo,obw’obuwa.

Neesig(a) ekisa kyo,kyenvudde njinja
Nkwebaza,nkusinz(a) olw’okusaasira.
Kyeva neesiga ggwe,kyenza nsanyuka
Yesu (O)mulokozi,era Katonda.

Oluyimba 214: MUWULIRE MMWE-ABANTU BE Lyrics

 

OLUYIMBA 291: MWENNA MUSANYUKE LEERO
1
MWENNA musanyuke leero,
Muyimbe n’okujaguza;
Mmwe mumutende Mukama;
Wa maanyi,Omulokozi:
By’akola biraga
Erinnya lye-eddungi;
Ye yekka Katonda;
Laba ekisa kye:
Mmw(e) abatukuvu musuute!

2
Bwe twali tuli mu kabi,
Yawulira bwe tusinda;
Tumwesigenga bulijjo,
Okwagala kwe kuyamba.
Tuyimuse gy’ali
Emitima gyaffe,
Nga bonna bayimba,
Mutenderezenga:
Mmw(e) abatukuvu musuute!

3
Mwenna musanyuke leero
Muyimbe n’okujaguza,
Mmwe mumutunde Mukama
Wa maanyi,Omulokozi:
By’okola biraga
Erinnya lye-eddungi;

Oluyimba 215: OLWAZI KWE YAZIMBA KATONDA-EKKANISA Lyrics

 

OLUYIMBA 292: KATONDA TUKUTENDA GGWE
1
KATONDA tukutenda ggwe;
Tukkiriza-obukama bwo;
Aleruuya! Aleruuya!
Ayi Kitaffe ataggwaawo,
Ensi zonna zikusinza:
Aleruuya! Aleruuya!
Aleruuya! Aleruuya! Aleruuya!

2
Abakukoowoola ennyo,
Be bamalayika bonna:
Aleruuya! Aleruuya!
Basseraafi,Bakkerubi,
N’obuyinza-obw’omu ggulu:
Aleruuya! Aleruuya!
Aleruuya! Aleruuya! Aleruuya!

3
Mutukuvu,Mutukuvu,
Mutukuvu,Omugabe;
Aleruuya! Aleruuya!
Mukama ow’egye lyonna,
Kitiibwa kyo kyala wonna.
Aleruuya! Aleruuya!
Aleruuya! Aleruuya! Aleruuya!

4
Ekibiina-ekya batume
Ekyayatiikirira-ennyo:
Aleruuya! Aleruuya!
Ab’ekibiina-ekirungi
Ekya Banabbi ab’edda:
Aleruuya! Aleruuya!
Aleruuya! Aleruuya! Aleruuya!

5
Abattibwa ku lwa Yesu
Nabo bayimba-ettendo lye:
Aleruuya! Aleruuya!
Ekkanisa entukuvu
Mu nsi zonna ekwatula:
Aleruuya! Aleruuya!
Aleruuya! Aleruuya! Aleruuya!

6
Kitaffe ggwe-omukulu-ennyo;
Omwana wo ow’ekitiibwa:
Aleruuya! Aleruuya!
N’omwoyo Omutukuvu,
Obusatu-obw’ekitiibwa:
Aleruuya! Aleruuya!
Aleruuya! Aleruuya! Aleruuya!

Oluyimba 216: LWANANGA MU LUTALO LWO Lyrics

 

OLUYIMBA 293: KAAKANO TWEBAZA
1
KAAKANO twebaza,
Katonda-ow’emirembe
Eyatukolera
Ebitusanyusa ffe;
Okuva mu buto
Yatuwa omukisa;
Era-ebirabo bye
Tebitegeezeka.

2
Katonda ow’ekisa
Weemale-emyoyo gyaffe;
Tuwe-emirembe gyo
Beeranga kumpi naffe,
Otulung’amyenga
Mu kkubo ly’obulamu;
Ffe naawe mu ggulu.
tusanyuke fenna.

3
Tweyongere fenna
Okwebaza Katonda,
Kitaffe,n’Omwana,
N’-Omwoyo Omutukuvu,
Abeererawo-wekka,
Tukuvuunamira,
Ggwe asinzibwa bonna
Mu nsi ne mu ggulu.

Oluyimba 217: MMWE BANNANGE-ABALWANYI Lyrics

 

OLUYIMBA 294: EKISA KYA YESU
1
EKISA kya Yesu,
Kisinga-obulungi:
Kiki-ekyamutufiiriza?
Ekisa kye kingi.

Yesu ku muti,kwe yanfiirira;
Yesu ye yandokola;neeyanz(a) ekisa kye.

2
Mu kisa neeraba
Nze nga nnina-ebibi;
Era kyennaavanga nteeka
Byonna Yesu gy’ali.

Yesu ku muti,kwe yanfiirira;
Yesu ye yandokola;neeyanz(a) ekisa kye.

3
Mu kisa nafuna,
-Omutima omuggya;
Kyenvudde nsaba bulijjo
-Okusiimwa Katonda.

Yesu ku muti,kwe yanfiirira;
Yesu ye yandokola;neeyanz(a) ekisa kye.

4
Mukama,yongera
Okumpa-ekisa kyo;
Era nze bwe ntyo nnyongere
-Okukwagala ennyo.

Yesu ku muti,kwe yanfiirira;
Yesu ye yandokola;neeyanz(a) ekisa kye.

Oluyimba 218: YESU,BWE NNAKUSENGA Lyrics

 

OLUYIMBA 295: MUKAMA BWE YAMGGAMBA NTI
1
MUKAMA bwe yamggamba nti
Jja,osembere gye ndi;
Owummule ggwe-akooye-ennyo
Ennaku z’omu nsi;
Ne nsembera nga bwe nnali
Nga nnakuwadde nze;
N’angabira-okuwummula,
Kaakano nsanyuse.

2
Mukama bwe yamgamba nti
Kye nkuwa kya buwa;
Amazzi g’obulamu,nywa,
Ggwe-alumiddwa-ennyonta;
Ne nnywa amazzi-ago,
Ne nzikuta;-omwoyo gyange
Ne gufuna-amaanyi.

3
Mukama bwe yamgamba nti
Ensi-eno-ekutte nnyo;
Tunuulira nze,ofune
-Omusana bulijjo;
Ne mutunuulira Yesu,
Ye ye njuba yange:
So saagala njuba ndala
Kunjakiranga nze.

Oluyimba 219: YESU AJJA! ABALABE Lyrics

 

OLUYIMBA 296: OMPISE,MUKAMA
1
OMPISE,Mukama,
Okujjanga gy’oli,
Onnanze n’omusaayi gwo
Ogusinga byonna.

Ka njije,Yesu;ka njije gy’oli:
Nnaaza,nnaaza n’omusaayi

2
Nange ndi munafu;
Omubi-omwereere:
Ajja gye ndi simugoba
Bwe bwesige bwange.

Ka njije,Yesu;ka njije gy’oli:
Nnaaza,nnaaza n’omusaayi

3
Yesu,wanfiirira
Nze alina-ebibi
Okwagala kumpaludde,
Laba,nzize gy’oli.

Ka njije,Yesu;ka njije gy’oli:
Nnaaza,nnaaza n’omusaayi

4
Katonda Kitaffe,
Katonda Omwana,
N’Omwoyo Omutukuvu,
Tweyanze bulijjo!
Ka njije,Yesu;ka njije gy’oli:
Nnaaza,nnaaza n’omusaayi