Category: Luganda Anglican Hymns Lyrics

Oluyimba 222: MULWANYI WA YESU OLINA-ENNAKU Lyrics

 

OLUYIMBA 299: YESU WANFIIRIRA MU KWAGALA KWO
1
YESU wanfiirira mu kwagala kwo,
Nnyinza ntya okukumma by’onooyagala?
Byonna mbikuwa ggwe,ka nfuuke-omuddu wo,
Obuddu ggwe gy’oli lye ddembe ddala.

2
Ku ntebe-ey’ekisa ompolereza,
Ompe-emirembe gyo Yesu nkwesiga;
Ka mbuulire wonna ettendo lyo lyonna,
Mu bulamu-,mu kufa,bw’onondokola.

3
Kye njagala kyokka kukufaanananga,
Nzire mu kkubo lyo nga nkuweereza;
Emirimu gyange gyonna gikolebwe,
Okwebazanga ggwe eyanjagala.

Oluyimba 223: MMWE MWENNA-ABOOLUGANDA Lyrics

 

OLUYIMBA 3: BWE BUKEDDE-OLWA LEERO
1
NGA bwe bukedde-olwa leero,
Bwe tuyimusa bwe tutyo;
-Emitima gyaffe,tusaba,
Otukuume olwa leero.

2
Tuyambe-obutayogera,
Bya kuyombagana byonna;
Kuuma,wunjula-amaaso go;
Okulaba-ebitasaana.

3
Kka,emyoyo gyaffe gibe,
Mirongoofu nnyo mu byonna;
-Emibiri gyaffe-eminafu,
Biweebwe-emmere y’obulamu.

4
Bye tukoze byonna leero,
Bitendereze Katonda,
-Ekiro ne bwe kinaatuuka
Tetuutye entiisa yonna.

5
Otenderezebwenga nnyo;
Ggwe Kitaffe-era n’Omwana,
Naawe Omwoyo-Omutukuvu;
Ggwe-afuga-emirembe gyonna.

Oluyimba 224: MWENNA MUYIMUKE Lyrics

 

OLUYIMBA 30: EKIRO KIYISE
1
EKIRO kiyise,
Obudde bukedde;
Kale twambule-ebikolwa
Eby’ekizikiza.

2
Twambale-amazima,
Ng’eby’okulwanyisa;
Tutambule nga tuwoomye,
Nga tujjudde-essanyu.

3
Ebyonoono byonna
N’ebinyumu by’ensi
N’embaga-ez’okutamiira,
Byonna tubyambule.

Oluyimba 225: GGWE KIBUGA KYA KATONDA Lyrics

 

OLUYIMBA 300: OMWOYO N’OMUBIRI
1
OMWOYO n’omubiri,
Yesu ka mbikuwe;
Neewaayo nga ssaddaaka;
Omuliro gujje.

Omwoyo n’oomubiri,
Yesu ka mbikuwe;
Neewaayo nga ssaddaaka;
Omuliro gujje.

2
Yesu Omulokozi,
Neesiga-erinnya lyo;
Era nga bwe wagamba,
Kibeere bwe kityo.

Omwoyo n’oomubiri,
Yesu ka mbikuwe;
Neewaayo nga ssaddaaka;
Omuliro gujje.

3
Toola-ebitundu byange
Bye waggya mu nvuba;
Nnwanenga ne Ssetaani
N’okumuwangula.

Omwoyo n’oomubiri,
Yesu ka mbikuwe;
Neewaayo nga ssaddaaka;
Omuliro gujje.

Oluyimba 210: BULI MUNTU YENNA AWULIRE Lyrics

 

OLUYIMBA 288: ABAALUMWA-EMISOTA-ABAYISIRAYIRI
1
ABAALUMWA-emisota-Abayisirayiri.
Mu lukoola bwe baatambula;
Buli muntu yawona eyatunnuulira
Omusota ogwo ku muti.

Mutunule:munaawona mwenna,bwe mukkiriza Yesu:
Munaawona kaakano mwenna.

2
Temulwa,mumutunuulire Mulokozi,
Mmwe mwenna abalumwa-ebibi:
Munaawona mwenna bwe mukkiriza Yesu,
Eyatufiirira ku muti.

Mutunule:munaawona mwenna,bwe mukkiriza Yesu:
Munaawona kaakano mwenna.

3
Naye ku lw’ebikolwa ebituukirivu,
Temuyinza kulokolebwa:
Abisiima Katonda,naye tebiyinza
Kutuggyako-omusango gwaffe.

Mutunule:munaawona mwenna,bwe mukkiriza Yesu:
Munaawona kaakano mwenna.

4
Naye ku lw’okufa kwe ku muti ku lwaffe
Tulibera-abalamu mu ye;
Tulisanyuka bwe tusonyiyibwa-ebibi,
Ne tutuuka mu ggulu fenna.

Mutunule:munaawona mwenna,bwe mukkiriza Yesu:
Munaawona kaakano mwenna.

Oluyimba 226: BATUULA MU GGULU Lyrics

 

OLUYIMBA 301: KATONDA WANGE BYE NKYAMA
1
KATONDA wange bye nkyama,
Ewala mu kkubo lyange,
-onjigirize-okkukiriza
Byonna, byonna, by’oyagala.

2
Mu nzikiza bwe ntambula,
Onjakize-omusana gwo;
Nneme-okubulira ddala;
Beera nange, Mulokozi.

3
-Obuyinike bwe bunsanga,
Nga nfiiriddwa be njagala,
Oyimuse-omwoyo gwange
Onnyimuse, onnyimuse,

4
Bw’obanga-ompita-okuleka
Bye nsinga-okwagala, byonna
Bitwale, si byange, bibyo;
Nzikiriza, nzikiriza.

5
Kino kye neetaaga kyokka,
Omwoyo wo-okuyingira
Mu mutima gwange mu nda,
Ayingire, ayingire.

6
Bwe ndituuka-eyo mu ggulu
Ndikwakaliriza-amaaso;
Ne ntendereza-amaaso;
Ne ntendereza ggwe-eyampa,
Obulamu obutaggwaawo-.

Oluyimba 211: KATONDA WAFFE,WA KISA, WA MAANYI Lyrics

 

OLUYIMBA 289: YESU YAJJA ALOKOLE
1
YESU yajja alokole
Abalina-ebibi:
Naffe fenna aboonoonyi
Anaatusonyiwa.

Neeyanz(e)nno Yesu ku lw’okwagal(a) okunene,
Ne ndaba-essanyu lingi nnyo,
Kubanga ndokose.

2
Tegwatuyiikira-omusaayi-
Ogusinga byonna?
Tewali gw’atayinza ye
Okulongoosa-ennyo.

Neeyanz(e)nno Yesu ku lw’okwagal(a) okunene,
Ne ndaba-essanyu lingi nnyo,
Kubanga ndokose.

3
Tetuyinza ffe-okwetuusa
Mu ggulu n’akamu:
Mu kifo-ekyo mulituuka
Abatuukirivu.

Neeyanz(e)nno Yesu ku lw’okwagal(a) okunene,
Ne ndaba-essanyu lingi nnyo,
Kubanga ndokose.

4
Naye bwe tumukkiriza
Katonda Kitaffe
Atulaba ng’abalina
Obutuukirivu.

Neeyanz(e)nno Yesu ku lw’okwagal(a) okunene,
Ne ndaba-essanyu lingi nnyo,
Kubanga ndokose.

5
Mukale mumukkirize
Muweebwe-obulamu:
Kubanga Yesu tagoba
Mu maaso ge n’omu.

Neeyanz(e)nno Yesu ku lw’okwagal(a) okunene,
Ne ndaba-essanyu lingi nnyo,
Kubanga ndokose.

Oluyimba 227: BULIJJO TUTENDEREZA Lyrics

 

OLUYIMBA 302: EKISA KYO TEKITEGEEREKEKA
1
EKISA kyo tekitegeerekeka;
Mukama wannge, naye njagala
-Okuyiga bulijjo n’okwongera
Okutegeera mu mwoyo gwange
Bwe kyenkana.

2
Okwagala kwo kukira byonna
Bye tulowooza ffe-abantu, naye
Neegomba nnyo-okubuulira wonna
Ekisa kyo-ekinene bwe kiri
Eri bonna.

3
Ekisa kyo kinnemedde ddala
Okukitendereza-obulungi:
Naye emimwa gyannge gyagala,
Mukama okuyimba ettendo lyo
-Ennaku zonna.

4
Newankubadde nga nnemwa leero
Okutegeera-oba-okubuulira
Oba kukweyanza nga bw’osaana,
Naye nzize gy’oli onjijuze
Okwagala.

5
Sirina akanaakusanyusa
Mukama wange, nze munaku wo;
Edda nali seewangayo gy’oli,
Naye leero mpoza kino kyokka;
onjagala.

6
Mukama onjijuze-okwagala,
Ntwala awali oluzzi olwo
-Olw’obulamu, nneme-okuluvaako
Okunoonya-amazzi gonna-amalala
-Ennaku zonna.

7
Era bwe ndikulaba n’amaaso
Ndiyiga-okukutendereza-ennyo;
Kubanga-okwagala-okwenkanaawo
Nga bwe kuli okw’ekitalo-ennyo,
Kumpalula.

Oluyimba 212: BULIJJO TUMUSUUTENGA Lyrics

 

OLUYIMBA 29: MUSANYUKE ABALOKOLE
1
MUSANYUKE abalonde
Abeesiga Yesu,
-Ettabaaza zammwe zaake,
Obudde buzibye.
Mukama waffe alijja,
Kaakano ali kumpi,
Muyimuke mwekuume
Meleme-okwebaka

2
Mukoleeze-ettabaaza
zaake mu nzikiza,
Mulabe-obulokozi
Bwammwe busembedde.
Mukama bamulengera
Kaakano ali kumpi,
Mugende nga muyimba,
-Okumusisinkana.

3
-Abawala ab’amagezi
Muyimbe nnyo nnyini
Ennyimba-ez’amatendo
-Ez’abamalayika.
Yesu atulindirira
Mulokozi w’abantu:
Balokole ba Yesu,
Musembere mwenna.

4
Tukkiriza ggwe Yesu
Mulokozi waffe,
Yanguwa-okujja,olye
Obwakabaka bwo.
Katonda atubeerenga
-Okubuuliranga wonna,
Balokoke bonna.

Oluyimba 228: MU NSI Y’OMU GGULU Lyrics

 

OLUYIMBA 303: SIRIIKO KYE MPOZA,YESU
1
SIRIIKO kye mpoza,Yesu;
Mu maaso go,gunsinze nnyo;
Ekisa kyo kiwangudde
Obunafu bwange bwonna.

2
-Obunafu bwange buliggwa:
Mu maaso go teri kibi,
Ekisa kyo kibeerera
Emirembe gyonna.