Category: Luganda Anglican Hymns Lyrics

Oluyimba 402: MUNNAFFE OYO AWUMUDDE Lyrics

 

OLUYIMBA 88: LEERO LWA SSANYU, NNYO
1
LEERO lwa ssanyu,nnyo,
-Okunakuwala n’ekibi biggwaawo;
Omwagalwa wange
Azuukidde,kaakano ye mulamu:
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

2
-Omubiri mu kufa
Gubeera nga guwumudde mu ntaana,
-Okutuusa -olunaku
Abafu bonna lwe balizuukira.
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

3
Okutya n’okufa
Yesu ye abiwangudde-olwa leero;
Yesu atwagala;
Mu kufa n’obulamu-abeera naffe,
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

Oluyimba 403: EKIRO-EKYO,EKY’ETTENDO Lyrics

 

OLUYIMBA 89: ALERUUYA! ALERUUYA! ALERUUYA
1
ALERUUYA! Aleruuya! Aleruuya!
Yesu agobye,okufa
Kufudde,ye awangudde;
Kale muyimbe mwebaze.
Aleruuya!

2
Amaanyi g’okufa, laba,
Gaatalira ddala gonna:
Galemeddwa,gagobeddwa.
Aleruuya!

3
Ku lw’okusatu yagyasa
Entaana ye n’azuukira
Tweyongere-okuyimba-
ennyo
Aleruuya!

4
Yesu,tuwonye mu kufa
N’emiggo-egyakubambula
Tube balamu eri ggwe.
Aleruuya!

Oluyimba 404: TULINDIRIRE OKUJJA KWA YESU Lyrics

 

OLUYIMBA 9: GY’OLI YESU TUWAAYO
1
GY’OLI Yesu tuwaayo
Olunaku lwo luno;
Ggwe wekka obimanyi nnyo;
Tuleme-okulwonoona,
Otuwe-emikisa gyo.

2
Bwe lunaaleeta-essanyu,
Mubeezi waffe jjangu,
Tuleme-okutegebwa
Mu nkwe z’omulyolyomi;
Tuli mu lukoola ffe,
Omulabe-omugobe.

3
Twagala kino kyokka
Okusiimibwa Yesu,
Bw’anaaba akomyewo
Okutuyita leero,
Atusange ffe fenna
Nga tumulindirira.

Oluyimba 405: EKISA KYA YESU Lyrics

 

OLUYIMBA 90: YASULA MU NTAANA, MUKAMA WAFFE
1
YASULA mu ntaana,Mukama waffe
Ng’alinda obudde,-Omulokozi.
Yazuukira mu bafu,ng’abawangudd(e) abalabe
Yava mu magombe ng’omwanguzi
N’abeer(a) omulam(u) emirembe gyonna
Yeebale! Yeebale!
Yeebale! yazuukira.

2
Baakumira busa,Mukama waffe
Banywereza busa, -Omulokozi.
Yazuukira mu bafu,ng’abawangudd(e) abalabe
Yava mu magombe ng’omwanguzi
N’abeer(a) omulam(u) emirembe gyonna
Yeebale! Yeebale!
Yeebale! yazuukira.

3
-Okufa tekwayinza,Mukama waffe
Yamenya-ebisiba,-Omulokozi
Yazuukira mu bafu,ng’abawangudd(e) abalabe
Yava mu magombe ng’omwanguzi
N’abeer(a) omulam(u) emirembe gyonna
Yeebale! Yeebale!
Yeebale! yazuukira.

Oluyimba 390: AI MUKAMA MUSUMBA,OTUWE OLWEKISAKYO Lyrics

 

OLUYIMBA 77: BWE NDOWOOZA-OMUSAALABA
1
BWE ndowooza-omusaalaba
Mukama gwe yafiirako,
-Obugagga bwonna obw’ensi
Mbulaba nga tebuliimu.

2
Bwe ndaba-amazzi n’omusaayi-
Ebyava mu mbiriizi ze,
Ne ntegeera-okusaasira
N’okwagala kwe bwe kuli.

3
Yesu Mukama onkuume,
Nneme-okwenyumirizanga,
Kino kyokka kinsanyuse
Wanjagala n’onfiirira.

4
Singa mbadde n’ensi zonna
Ne nziwaayo Yesu gy’oli;
Zonna tezandisasudde
Ebbanja lyange-eryenkanaawo-

5
Naye ky’oyagala leero,
Era kye ndeese nze eri ggwe,
Kwe kwagala kwange kwona,
Nkuweereze,nkusanyuse.

Oluyimba 406: WAALIWO EDDA OMUWALA Lyrics

 

OLUYIMBA 91: ALERUUYA! ALERUUYA!
1
ALERUUYA! Aleruuya!
Muyimbire Katonda;
Muyimuse-emyoyo gyammwe
Nga mujjudde nnyo-essanyu.
Yesu yatiibwa ku lwaffe,
N’ayiwa-omusayi gwe,
Okununula ffe-abantu,
Ye mulamu-,yazuukira.

2
-Amaanyi gonna-ag’emagombe
Yagamenyera ddala,
N’atuggulira oluggi
Lw’obulamu-obutaggwaawo-.
Yesu yava mu magombe;
Ffe ku bubwe tulivaamu-;
Ye yayingira mu ggulu;
Naffe tulituukayo.

3
Ggwe wazuukira,Mukama;
Ggwe-oli mwaka gye tuli:
Olunaku luli kumpi,
Naffe tulikungulwa.
Nga enkuba n’omusana
Bwe byengeza-ebibala:
Bw’otyo Yesu bw’otubaza,
Ebibala-ebirungi.

4
Aleruuya! Aleruuya!
Tukusinza,Kitaffe,
Naawe,Mwana,tukusinza,
Wakuwangula-okufa.
Naawe,Mwoyo,tukusinza,
Atuwa obutukuvu;
Aleruuya! Aleruuya!
Twebaze-Obusatu

Oluyimba 391: OBUDDE NGA BUYITA Lyrics

 

OLUYIMBA 78: GGWE YERUSAALEMI
GGWE Yerusaalemi.
Yerusaalemi
Kabaka wo ajja.

1
Nga yeebagadde ,
Omwana gw’endogoyi
Ozaana waggul(u) ennyo.

2
Omulokozi,
Omwana wa Dawudi
Ozaana waggul(u) ennyo.

3
Amalagala,
N’ensansa nga bawuuba;
Ozaana waggul(u) ennyo.

4
-Obwakabaka bwo
Bubune mu nsi zonna,
Ozaanz waggul(u) ennyo.

Oluyimba 407: NDIDAYO MU GULU Lyrics

 

OLUYIMBA 92: YESU OMULOKOZI
1
YESU Omulokozi,
Azuukidde leero
Bwe mutyo mujaguze
Mmwe-abalonde mwenna.
Kristo Omuwanguzi
Nga takyafa nate;
Ye Kabaka,okufa
Tekukyamufuga.

2
Kale nno ka tukwate
Embaga-ey’essanyu,
Era tuggyewo mu ffe
Byonna-ebitasaana:
Ka tuleke eby’edda;
N’obubi eby’edda;
Tulye nga tusanyuka
-Emmere ey’omu ggulu.

3
Mmwe mwenna-abazuukidde
-Awamu ne Mukama,
Munoonye-eby’omu ggulu
So si eby’omu nsi
Kristo bw’alirabika,
Obulamu bwaffe,
Ffe tulirabisibwa
Fenna wamu naye

Oluyimba 392: SIMANYI BINABAAWO Lyrics

 

OLUYIMBA 79: OMUTWE GWA MUKAMA
1
OMUTWE gwa Mukama,
Ogwafumitibwa
Amaggwa ge baaluka
Okukuduulira.
Ye ffe abandirabye
Ennaku zo zonna,
Mu kifo kyo bandisse
Ffe-abalina-ebibi.

2
Tuli boonoonyi ddala,
Ggwe-oli Mutukuvu;
Mu maaso ga Kitaawo
Toyonoonangako.
Twewombeese kaakano,
Tukuvuunamidde,
Tusaanidde okufa
Naye otulokole.

3
Naafuna ntya-ebigambo
Eby’okukwebaza?
Wayiwa-omusaayi gwo
Ku lwaffe ku muti.
Essanyu lye watuwa
Tunaalyenkanya wa?
Lisinga lyonna lyonna
Ery’omu nsi zonna.

4
Lulimi ki-oluyinza
Okwolesa-ekisa,
N’okwagala kwo-okungi
Yesu bye walaga?
Otenderezebwenga,
Mulokozi waffe
Kaakano n’okutuusa
Emirembe gyonna

Oluyimba 408: MUJJE KU MBAGA Lyrics

 

OLUYIMBA 93: KABAKA MUKAMA WAFFE
1
KABAKA Mukama waffe
Atuyita ku mbaga ye;
Ategese ebya ssava,
Twanguwe okugendayo.

2
Kristo-okuyitako kwaffe
Omwana gw’endiga Yesu,
Eyaweebwayo ku lwaffe,
Tulyoke ffe tuwangule.

3
Kristo yava mu ntaana ye
N’obuwanguzi obungi
N’amaayi,okulokola
Ababi abamwesiga

4
Aleruuya, Aleruuya;
Osaanidde ekitiibwa,
Naawe Katonda Kitaffe,
N’Omwoyo Omutukuvu