Category: Luganda Anglican Hymns Lyrics

Oluyimba 394: ABALAGUZI EDA BAVA WALA NNYO Lyrics

 

OLUYIMBA 80: OKWAGALA OKWO
1
OKWAGALA okwo
Okw’Omulokozi
Kwe yanjagala nze
Nange-atasaanira;
Kale nze-ani
Omwonoonyi?
Naye yafa ku lwange nze.

2
Baatendereza nnyo
Nga bayimba-ennyimba,
Nga bayimba-ennyimba,
Nga bagamba bonna:
Ozaana waggulu!
Ate-amangu
Ne bagamba:
Komerera-Omulokozi.

3
Tewalina nnyumba,
Ggwe eyatonda-ensi.
Mu kufa, bonna bonna
Baakwabulira
Njogere ntya
-Omulokozi
Olw’okunjagala bw’otyo?

4
Yaleka-ekitiibwa
N’aleetera-abantu
Obulokozi bwe
Ffe-abatasaanira:
Yanjagala
Nze-omwonoonyi
N’awaayo byonna ku lwange.

5
Naye yakola ki?
Yawonya-abalwadde;
Abalema bonna
-Era Ne bamuzibe
Yabawonya.
Kya kitalo,
Kaakano bamuduulira!

6
Ka mbeere nga nnyimba
Ku mukwano gwange;
Ye Kabaka, naye
N’anjagala bw’atyo
Mu bulamu
Bwange bwonna,
Ka nkwagale-Omulokozi

Oluyimba 395: BERA,AI YESU,MUKUTEGERA KWANGE Lyrics

 

OLUYIMBA 81: EWALA MU BUYUDAAYA
1
EWALA mu Buyudaaya,
Eriyo-olusozi,
Kwe yatufiirira Yesu,
Ye Mukama waffe.

2
Ffe-abantu be tetumanyi
Ennaku bwe zaali,
Ze yalaba ku lw’abantu,
-Omulokozi Yesu.

3
Yafa ffe tufune-eddembe
Atuwe n’obulamu:
Yafa atutuuse-ewuwe
Gy’atudde mu ggulu.

4
Tewali-eyandiyinzizza
Kulokola munne,
Newankubadde ye yekka
Kusinga-omusango.

5
Mukama y’ayinza yekka
Okutuggulira
Oluggi olw’omu ggulu,
N’okutuyingiza.

6
Tusaanidde ffe twagale
Mukama waffe-oyo;
Tweweeyo-okumuweereza
Eyatufiirira

Oluyimba 396: BERA,MUKAMA,MUNDA YANGE Lyrics

 

OLUYIMBA 82: EKIBI KIRUWA KYE WALI-OKOZE?
1
EKIBI kiruwa kye wali-okoze?
Baakuvunaana ki Mukama waffe?
Era-omusango gwakusinga gutya?
-Omwagalwa waffe!

2
Wakubibwa n’oduulirwa kitalo;
Ennaku ze walaba tezirabwa;
Awo-ne bakukomererawaggulu
Ku musaalaba.

3
Ensonga y’ebibonyoobonyo byo ki?
Lwaki walaba-ennaku-ez’ekitalo?
Zaakusanga lwa bibi byange byonna,
Mukama wange!

4
Okwagala kwo tekutegeerekeka:
Ku lw’endiga omusumba alumwa?
-Omwami afa mu kifo ky’omuddu we?
Wafa ku lwange,

5
Ekisa kyo kimonyezza-okwegomba,
Kwe nali nakwo eri-eby’ensi eno:
Neeteeseteese okunyiikiranga,
Nkusanyusenga

Oluyimba 397: LEERO KA NNEESIBIRIRE Lyrics

 

OLUYIMBA 83: YESU AZUUKIDDE OLWA LEERO, ALERUUYA
1
YESU-azuukidde olwa leero,Aleruuya
Leero naffe ka tuyimbe, Aleruuya
Yatufiirira edda, Aleruuya
Yatulokola mu kufa, Aleruuya

2
Yesu tumutendereza,Aleruuya
Ye kabaka-ow’omu ggulu,Aleruuya
Yattibwa,N’aziikibwa, Aleruuya
Okununula ffe abantu,Aleruuya

3
Obulumi bwa Mukama,Aleruuya
Bwatuleetera-obulamu,Aleruuya
Leero gy’ali mu ggulu, Aleruuya
Gye bayimbira n’essanyu,Aleruuya

Oluyimba 398: MU NZIKIZA EKUTTE NKUKAABIDDE Lyrics

 

OLUYIMBA 84: YESU WAALI! OKUFA
1
YESU waali! Okufa,
Tokyayinza kututiisa:
Yesu yakuwangula;
Obulumi bwo bufudde!
Aleruuya!

2
Yesu waali! bw’alijja,
Baliva-ababe mu bafu:
Yesu waali! Okufa,
Gwe mulyango gw’obulamu.
Aleruuya!

3
Yesu waali! eyafa,
Okununula ffe-abantu;
Leero tumusuute nnyo
N’emyoyo emirongoofu;
Aleruuya!

4
Yesu waali! tewali,
Ddala kya kutwawukanya.
Atukuuma bulijjo
Buli wantu tatuleka.
Aleruuya!

5
Yesu waali! yaweebwa
-Obwakabaka bw’ensi zonna
Tulibeera wamu naye.
Aleruuya!

Oluyimba 399: MMWE-ABANTU MU MUMUWULIRE Lyrics

 

OLUYIMBA 85: YESU EYALI MU NVUBA
1
YESU eyali mu nvuba,
Ez’okufa ku lwa ffe,
Yawngula n’azuukira,
N’atuwa obulamu;
Ka tumwebaze ennyo,
Leka tuyimbe n’essanyu,
Nga tuyimba Aleruuya!
Aleruuya!

2
Obulamu-bwe bwalwanyisa
Okufa n’amagombe,
Newabaawo ssematalo,
Okufa ne kudduka;
Yesu yakuwangula,
Ekitabo kya Katonda,
Nga Ye Mujulirwa webyo .
Aleruuya!

3
Tukuume nnyo embaga-eno
Nga tujjudde essanyu;
Yesu ye Njuba y’emyoy,
Ayakire mu gyaffe,
Twolese empisa ze;
Alabikire mu gyaffe,
Ne tutaswaza linnya lye.
Aleruuya

Oluyimba 400: AMINA AMINA Lyrics

 

OLUYIMBA 86: ALERUUYA! ALERUUYA! ALEERUYA!
1
ALERUUYA! Aleruuya! Aleruuya!
-Abaana ba Kabaka mwenna
Musanyuke mujaguze,
-Amaanyi g’okufa gafudde:
Aleruuya!

2
Awo-olwatuuka Malyamu,
Era ne Magudaleene,
N’omukyala wa Kuloopa:
Aleruuya!

3
Ku lunaku-olwa Ssabbiiti
Enkya mu matulutulu
Ne bagenda-awaali entaana:
Aleruuya!

4
Ne basanga Malayika,
Mu byeru n’abagamba nti:
Yesu-agenze-e Ggaliraaya:
Aleruuya

5
-Ekiro-ekyo_abatume baatya,
Yesu n’ajja n’agamba nti:
Emirembe gibe mu mmwe:
Aleruuya

6
Tomasi bwe yawulira,
Bwe baamulabidde ddala,
N’abuusabuusa mu nda ye:
Aleruuya!

7
Yesu n’agamba Tomasi
Nti,Leeta omukono gwo,
-Ogusse mu mbiriizi zange:
Aleruuya!

8
Leka-okuba-atakkiriza,
Tomasi n’amuddamu nti:
Ggwe Katonda wange ddala
Aleruuya!

9
Naye-alina-omulisa-oyo
Akkiriza nga talina
Ky’alabako n’akatono:
Aleruuya!

10
Mu tendereze Kitaffe,
N’ettendo libe-eri-Omwana,
N’Omwoyo Omutukukuvu.
Aleruuya!

Oluyimba 401: TUTENDEREZA LERO Lyrics

 

OLUYIMBA 87: KU LUNAKU OLUKULU
1
KU Lunaku olukulu,
Yesu lw’alirabika;
Alitukung’anya fenna,
Abaana be

2
Ebitundu byaffe byonna,
Omubiri n’omwoyo,
Biritwalibwa-eyo gy’ali,
Mu ggulu.

3
Bijja kwawulibwa mu nsi,
Ekiseera-ekitono,
Omubiri ne gwebaka,
Bwebasi.

4
Era omwoyo ogutafa,
Ne gubeerawo gwokka,
Nga gukyamulindiridde,
-Okujja kwe.

5
Naye ku lunaku olwo,
Birigattirwa ddala,
Omubiri nga gwambadde,
-Obutafa.

6
-Essanyu lyaffe nga liriba,
Lingi ku lunaku lwe,
Bwe tulimulaba Yesu,
Mu ggulu.

7
Ayi Mukma waffe Yesu,
-Otulung’amyenga fenna,
Mu kkubo eriritutuusa,
Ewuwo

Oluyimba 402: MUNNAFFE OYO AWUMUDDE Lyrics

 

OLUYIMBA 88: LEERO LWA SSANYU, NNYO
1
LEERO lwa ssanyu,nnyo,
-Okunakuwala n’ekibi biggwaawo;
Omwagalwa wange
Azuukidde,kaakano ye mulamu:
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

2
-Omubiri mu kufa
Gubeera nga guwumudde mu ntaana,
-Okutuusa -olunaku
Abafu bonna lwe balizuukira.
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

3
Okutya n’okufa
Yesu ye abiwangudde-olwa leero;
Yesu atwagala;
Mu kufa n’obulamu-abeera naffe,
Naye sing(a) entaana yamusibiri ddala,essuubi liruwa?
Naye Kristo mulamu:yavaamu,yavaamu,yava mu ntaana.

Oluyimba 403: EKIRO-EKYO,EKY’ETTENDO Lyrics

 

OLUYIMBA 89: ALERUUYA! ALERUUYA! ALERUUYA
1
ALERUUYA! Aleruuya! Aleruuya!
Yesu agobye,okufa
Kufudde,ye awangudde;
Kale muyimbe mwebaze.
Aleruuya!

2
Amaanyi g’okufa, laba,
Gaatalira ddala gonna:
Galemeddwa,gagobeddwa.
Aleruuya!

3
Ku lw’okusatu yagyasa
Entaana ye n’azuukira
Tweyongere-okuyimba-
ennyo
Aleruuya!

4
Yesu,tuwonye mu kufa
N’emiggo-egyakubambula
Tube balamu eri ggwe.
Aleruuya!