Category: Luganda Anglican Hymns Lyrics

Oluyimba 294: EKISA KYA YESU Lyrics

 

OLUYIMBA 363: KATONDA MU GGULU
1
KATONDA mu ggulu,
Ggwe-otukuza byonna;
N’okwagala kwo-okw’ensusso
Tukuza-ennyumba-eno

2
Mwe tukakasibwa
Nga tubatizibwa,
N’okunaazibwako-ebibi,
-Olw’ekisa kyo-ekingi.

3
Kristo ye kennyini,
Mw’aliisiza-ababe
-Omubiri n’Omusaayi ggwe,
Ye mmere y’obulamu-.

4
Abantu-aboonoonyi,
Mwe basaasirirwa;
Bonna-abfiira mu kibi,
Mwe basonyiyirwa.

5
Amaanyi g’omubi
Gawangulwa mangu;
Bwe gakoona ku nnyumba-eno,
Kubanga ntukuvu.

6
-Ettendo libe-eri ggwe,
Kitaffe n’Omwana,
N’Omwoyo-Omutkuvu,
Emirembe gyonna.

Oluyimba 295: MUKAMA BWE YAMGGAMBA NTI Lyrics

 

OLUYIMBA 364: EDDA BONNA ABALWADDE
1
EDDA bonna abalwadde
Baakunoonyanga Yesu,
So tewali n’omu-eyadda
Awatali kuwona.
Otuwulire ggwe Yesu,
Ffe abakukaabidde.

2
Abanaku n’abakooye,
Abalwala n’abafa;
Bakyetaaga-Omulokozi,
Obawonyeze ddala.
Otuwe ggwe bye twetaaga
Okuliisa-abayala.

3
Bonna-abzitoowereddwa
Ebibi bajje gy’oli,
Obatikkule-emigugu.
-Ebibazitoowerera.
Emibiri era-emyoyo
Yesu,-obiuule bibyo.

4
Obuyinike n’endwadde
Byombi bwe biriggwaawo;
Abakaaba balitenda
Ne basuuta-erinnya lyo;
Yesu,Omusawo waffe,
Beera wakati mu ffe.

Oluyimba 296: OMPISE,MUKAMA Lyrics

 

OLUYIMBA 365: EDDA MU NSI ABAYUDAAYA
1
EDDA mu nsi-Abayudaaya
Bwe baatambulanga
Omukono gwo-ogw’amaanyi
Gwawonya-abalwadde:
Bamuzibe n’abalema
Baakweyunanga ggwe;
Gy’oli abanaku bonna
Basanyusibwanga.

2
Abo be wakomangako
Mu kisa kyo-ekingi
Baafunanga obulamu
-Essanyu n’emirembe:
Okulwala-era n’okufa
Byonna byaddukanga
Ne leero jjangu gye tuli
N’ekisa kyo-ekingi.

3
Naffe tukwegayiridde
Ggwe-agaba-obulamu;
Otuwonye-endwadde zaffe
Ezituteganya;
Ez’omubiri n’omwoyo:
Tuwonyeze ddala,
N’abo bonna abeetaaga
Bawonyezebwenga.

Oluyimba 297: BYE TUKUWA BIVA GY’OLI Lyrics

 

OLUYIMBA 366: OBUDDE BWE BWAWUNGEERA
1
OBUDDE bwe bwawungeera
Abalwadde bajja gy’oli,
Baatuuka nga balumwa nnyo
Ne badda nga basanyuka.

2
Naffe leero tuzze gy’oli,
Emyoyo nga gituluma;
Tetukulaba n’amaaso,
Naye tumanyi nga wooli.

3
Ayi-Yesu otusaasire,
Ffe-abaana bo,tulwadde nnyo
Endwadde nnyingi-ez’emwoyo
N’ennaku zitusanze nnyo.

4
Abamu tebakwesiga,
Babuusabuusa ne batya;
Abalala bazze-ennyuma,
Ne beerabira-erinnya lyo.

5
Tewali n’omu alina
Omwoyo oguteredde;
Kubanga bonna boonoonyi;
Tewali mutuukirivu.

6
Mukama otukomeko,
Mu ndwadde zaffe-otuwonye;
Nga-ab’edda bwe bajja gy’oli
Ne bawonyezebwa bonna.

Oluyimba 298: MUKAMA,NZE NNINA-EBIBI Lyrics

 

OLUYIMBA 367: OMULOKOZI WAFFE
1
OMULOKOZI waffe
Ekisa kyo kingi;
Wansanyusa-abalwadde
Bwe wabeera mu nsi.
Kaakano ffe tuutuno
Mu nnaku nnyingi nnyo;
Mu kwagala kwo-okungi
Otega-amatu go

2
Ffe-abakumggaanye wano
Twetaaga-ekisa kyo;
Kubanga mu mibiri
Naye Katonda waffe
Bw’otuula gye tuli,
Endwadde zaffe zonna
Zinaafuuka-amaanyi.

3
Jjangu-,otubeere Yesu,
Tuleme okutya;
Newankubadde-okufa
Bwe kunaatujjira;
Kuba Mukam waffe
Wawangula-okufa:
Eri abeesigwa be
-Okufa kwe kwebaka

4
Bwe tunaalaba-ennaku
Ffe tunaakwesiga;
Tunaalwana bulungi
Ng’abaweereza bo.
Ka tugume emyoyo
Tunywereze ddala.
Taaleme kutubeera,
Ku lw’obuyinza bwe.

5
Edda twalaba-ennaku
Ezaatuluma-ennyo
Kaakano-essanyu lyokka
Yesu,-olw’ekisa kyo;
Netuweebwa ku lulwo
Obutuukirivu;
Ayi-Omusawo waffe,
Mukama tolwawo.

Oluyimba 299: YESU WANFIIRIRA MU KWAGALA KWO Lyrics

 

OLUYIMBA 368: AMAZE-OMULIMU GWE
1
AMAZE-omulimu gwe
Alwanye-olutalo lwe;
Avudde mu mayengo,
Yeesiimye-okuwunguka.
Kitaffe tuwaayo gy’oli,
Omwana w(o) eyeebase

2
Eyo teri kukaaba;
Awonye-ennaku-ez’ensi;
Atuuse mu maaso ge,
Oyo eyatonda-ensi.
Kitaffe tuwaayo gy’oli,
Omwana w(o) eyeebase

3
Eyo-amaanyi g’okufa
Tegakyamutuutako;
Omununuzi gy’ali
Eyawangula-okufa
Kitaffe tuwaayo gy’oli,
Omwana w(o) eyeebase

4
Naffe-abasigaddewo
Tulinda nnyo n’essuubi;
Okumulaba Yesu,
Ku lunaku-olwentiisa.
Kitaffe tuwaayo gy’oli,
Omwana w(o) eyeebase

Oluyimba 300: OMWOYO N’OMUBIRI Lyrics

 

OLUYIMBA 369: BAWEEREDDWA-ABAFU
1
BAWEEREDDWA-abafu
Bonna-abeebakira
Mu mukama waffe,
Kuba bawummula.

2
So,nga basanyuka;
-Okulaba n’amaaso
Gwe baali baagala
Nga tannalabika!

3
Katonda-asangula
Amaziga gaabwe;
Abawa-essanyu lye
Erituukiridde.

4
Ffe tubakaabira
Fenna ku ntaana-eno
Nga tulowoozezza
Ku mikwano gyaffe.

5
-Ekiseera kitono
Naffe-alituyita,
Okwetaba nabo
Emirembe gyonna.

6
Obudde bulikya,
Nammwe-,eddoboozi lye
Muliriwulira:
Mwenna muzuukuke.

Oluyimba 301: KATONDA WANGE BYE NKYAMA Lyrics

 

OLUYIMBA 37: OMWAMI W’EKITIIBWA KYONNA BWE YAJJA KU NSI
1
OMWAMI w’ekitiibwa kyonna bwe yajja ku nsi,
Abakopi n’abagenyi baamweyuna mangu,
Bwe baalaba nga basinza ne bamalayika

Baayimba:Ssanyu,ssanyu, ssanyu nnyo,
Tumutende,Omwami waff(e) era Omwami wammwe.

2
Kale tumutende tumusinze wa kitiibwa,
Azze leero tumulabye Mwami waffe ddala,
Amaloboozi gaffe n"aga bamalayika

Baayimba:Ssanyu,ssanyu, ssanyu nnyo,
Tumutende,Omwami waff(e) era Omwami wammwe.

3
Abatonde bonna wonna baana ba Katonda,
Mutegeere-obulokozi bwaffe bwe tutenda,
Mutunuulire mwenna, tumusembeze fenna,

Baayimba:Ssanyu,ssanyu, ssanyu nnyo,
Tumutende,Omwami waff(e) era Omwami wammwe.

Oluyimba 302: EKISA KYO TEKITEGEEREKEKA Lyrics

 

OLUYIMBA 370: MU BUYINIKE-OBUNGI
1
MU buyinike-obungi
Bwe tuba tufiiriddwa,
Bannaffe be twagala,
Otusanyuse Yesu.

2
Naye-oluusi tukaaba;
Olw’obunafu-obungi
Essuubi litubuze;
Otuyimuse Yesu.

3
Bwe tweraliikirira
Ne tuggwaamu amaanyi,
Byonna nga kizikiza,
Otusaasire Yesu

4
Oluusi bwe tukuvuma
Era nga twerabidde,
Okwagala kwo-okungi,
Otusonyiwe Yesu.

5
Ka tuyimuse-emyoyo
Era nga twolesebwa
Ekitiibwa mu ggulu,
Naffe tulituukayo.

Oluyimba 303: SIRIIKO KYE MPOZA,YESU Lyrics

 

OLUYIMBA 371: KABAKA W’EGGULU N’ENSI
1
KABAKA w’eggulu n’ensi
Tukuwe-ekitiibwa kingi,
Tusuuta n’essanyu lingi
Ggwe-Omugabi.

2
Olw’obulamu n’essanyu
N’emirembe gyaffe gyonna,
Leero twebaza nnyo nnyini
Ggwe-Omugabi.

3
Omwaka ggwe ogwengeza
Ne byonna-ebitusanyusa
Emmere n’eby’okwambala
Ggwe-obigaba.

4
Omwana wo omu yekka
Tewamugaana na kufa
Ku lwaffe abatasaana,
Abajeemu

5
Olw’emyoyo-emirokole,
Olw’ebibi-ebisonyiwe;
Tulikusasula tutya?
Ggwe-Omugabi.

6
Ebbanja lyaffe teriggwa;
Naye bye tukuleetedde
Biva kw’ebyo by’otwazika,
Tobinyooma.

7
Otufukeko-Omwoyo wo
Okutuyinzisa leero
Mu ntalo zaffe,tugobe
Omulabe.