Category: Luganda Anglican Hymns Lyrics

Oluyimba 302: EKISA KYO TEKITEGEEREKEKA Lyrics

 

OLUYIMBA 370: MU BUYINIKE-OBUNGI
1
MU buyinike-obungi
Bwe tuba tufiiriddwa,
Bannaffe be twagala,
Otusanyuse Yesu.

2
Naye-oluusi tukaaba;
Olw’obunafu-obungi
Essuubi litubuze;
Otuyimuse Yesu.

3
Bwe tweraliikirira
Ne tuggwaamu amaanyi,
Byonna nga kizikiza,
Otusaasire Yesu

4
Oluusi bwe tukuvuma
Era nga twerabidde,
Okwagala kwo-okungi,
Otusonyiwe Yesu.

5
Ka tuyimuse-emyoyo
Era nga twolesebwa
Ekitiibwa mu ggulu,
Naffe tulituukayo.

Oluyimba 303: SIRIIKO KYE MPOZA,YESU Lyrics

 

OLUYIMBA 371: KABAKA W’EGGULU N’ENSI
1
KABAKA w’eggulu n’ensi
Tukuwe-ekitiibwa kingi,
Tusuuta n’essanyu lingi
Ggwe-Omugabi.

2
Olw’obulamu n’essanyu
N’emirembe gyaffe gyonna,
Leero twebaza nnyo nnyini
Ggwe-Omugabi.

3
Omwaka ggwe ogwengeza
Ne byonna-ebitusanyusa
Emmere n’eby’okwambala
Ggwe-obigaba.

4
Omwana wo omu yekka
Tewamugaana na kufa
Ku lwaffe abatasaana,
Abajeemu

5
Olw’emyoyo-emirokole,
Olw’ebibi-ebisonyiwe;
Tulikusasula tutya?
Ggwe-Omugabi.

6
Ebbanja lyaffe teriggwa;
Naye bye tukuleetedde
Biva kw’ebyo by’otwazika,
Tobinyooma.

7
Otufukeko-Omwoyo wo
Okutuyinzisa leero
Mu ntalo zaffe,tugobe
Omulabe.

Oluyimba 304: YESU,NEESIGA GGWE OKUNDOKOLA Lyrics

 

OLUYIMBA 372: KATONDA TUMWEBAZE
1
KATONDA tumwebaze
N’ennyimba-ez’amatendo
Ku lw’ekisa ky(e) ekingi,
Ekitajjulukuka.

2
Tutende-era-amaanyi ge
Agaatonda-enjuba-eyo;
Twebaz(e) ekis(a) ekingi,
Ekitajjulukuka.

3
Naye yatonda-omwezi
Ogwaka nga buzibye.
Twebaz(e) ekis(a) ekingi,
Ekitajjulukuka.

4
Naye yatuwa-enkuba
Okumerusa ensigo;
Twebaz(e) ekis(a) ekingi,
Ekitajjulukuka.

5
Era-olw’okukungula
Ne byonna bye tulina;
Twebaz(e) ekis(a) ekingi,
Ekitajjulukuka.

6
Era okusinga byonna
Olw’okufa kwa Yesu;
Twebaz(e) ekis(a) ekingi,
Ekitajjulukuka.

7
Ebitonde bye byonna
Bimuleetera-ettendo;
Twebaz(e) ekis(a) ekingi,
Ekitajjulukuka.

Oluyimba 305: NEEWAAYO MU MIKONO Lyrics

 

OLUYIMBA 373: OMWANA WO NKUKOOWOOLA
1
OMWANA wo nkukoowoola;
Era wansuubiza
Okutuusa ekyengera
Byonna ggwe-obigaba.

2
Tutunuulira ggwe wekka
Ekyeya bwe kijja;
Era ne ttoggo bw’atuuka,
Tukulindirira.

3
Enkuba-ebaza-ebibala
Era n’omusana;
Bwe bireeta ekyengera
Naffe tumalibwa.

4
Naye byetulina bibyo
Otuwe-olw’ekisa;
Tuwe tukwesige wekka
Kubanga-otwagala.

5
Kaakano ffe tukusaba
Byonna obituwe.
Tukugulumize wekka,
Katonda-atwagala.

Oluyimba 290: YESU-AMANYI BWE MBEERA Lyrics

 

OLUYIMBA 36: OBUDDE BWALI BWA TTUMBI
1
OBUDDE bwali bwa ttumbi,
Bwe baaluwulira;
-Oluyimba lw’ab’omu ggulu
Abaatendereza:
Emirembe gibe ku nsi
N’ettendo mu ggulu:
Ensi yali nga-esirise
Okuluwulira

2
Ne leero bajja bwe batyo
Eggye-ery’omu ggulu
-Eddoboozi lyabwe libuna
Mu bbanga ery’ensi;
Newankubadde nga bangi
Tebaluwulira;
Eggye eryo likyaliwo
Nga litendereza.

3
Emitawaana egy’ensi
N’enkaayana zaayo,
Ebyo byonna bitugaana
Okuluwulira.
Oba nga tulina-ennyombo
Tunaayinza tutya,
Okuwulira-ebigambo
Bya bamalayika?

4
Kabaka ow’emirembe,
Ggwe-omanyire ddala
Abantu bwe bategana
Mu bigambo by’ensi:
Osirise-olukaayano,
Olw’ensi, tulyoke,
Tuwulire-oluyimba-olwo
-olwa bamalayika.

Oluyimba 306: OTULUMGGAMYE,MUKAMA WAFFE Lyrics

 

OLUYIMBA 374: TUTENDE NNYO MUKAMA
1
TUTENDE nnyo Mukama
-Olw’okutulabirira;
Ye nsibuko y’essanyu,
Tumwebaze Mukama.

2
Laba-eby’okukungula
Byengedde mu nnimiro;
Naffe ka tusanyuke
-Okutuusa bulijjo.

3
Emmere gye tusiga,
Tutunuulira oyo
Afukirira-ettaka
Okukuza-ebibala.

4
Ka tukutendereze
Ggwe nannyini kwagala;
Kubanga mu ggwe wekka
Mwe tufuna-obulamu.

Oluyimba 291: MWENNA MUSANYUKE LEERO Lyrics

 

OLUYIMBA 360: YESU,MUKAMA WANGE
1
YESU,Mukama wange,
Laba nze ndi muddu wo;
Saasira-obuto bwange
Njagala-okujja gy’oli.

2
Mwana gw’endiga,Yesu,
Naawe wafuuka-omwana,
Bwe ndowooza-ekisa kyo,
Njagala-okukulaba.

3
Ontegeeze bulijjo
Ebinsaanidde byonna,
Nnyiikirenga okukula-
Nga nkufaanana Yesu.

4
Era n’obuwombeefu,
Bonna ka mbaweereze;
Era okwagalana-ennyo
Ka ndagenga bulijjo.

5
Ekyo ndikiyinza ntya?
Nga nkusaba bulijjo
Ggwe-ateesanyusa mu nsi
Ggwe nnannyini bulungi.

6
Bwe ntyo bwe naayinzanga
-Okukuweereza Yesu;
Bonna-abantunuulira
Bandabe nga-omuddu wo.

7
Bwe ntyo bwe naasanyusa
Katonda ow’okwagala
Nga mugulumiriza
Mu mirimu gye nkola.

Oluyimba 307: YESU,SIKYALI KU BWANGE Lyrics

 

OLUYIMBA 375: TUSIGA-ENSIGO-ENNUNGI
1
TUSIGA-ensigo-ennungi
Mu nnimiro zaffe,
Naye Katonda-azikuzaza
N’azifukirira.
Ayasa omusana
N’atonnyesa-enkuba
Empewo ne zikunta,
Ebimeza-ensigo.

Byonna bye tulina,
(E)bitwetoolodde
Katonda olw’ekisa kye,
Ye atugabira.

2
KAtonda ye yatonda.
Byonna bye tulaba;
-Ebimuli n’ebimera
Byonna byonna ku nsi;
Empewo-era n’ennyanja,
N’ebirimu byonna,
Ennyonyi-ez’omu bbanga
N’ensolo-ez’omu nsi.

Byonna bye tulina,
(E)bitwetoolodde
Katonda olw’ekisa kye,
Ye atugabira.

3
Kale ka tumwebaze,
KAtonda waffe-oyo
Olw’emere n’obulamu-
N’olw’okukungula;
Naffe tuwaayo-ebyaffe
Olw’okukwebaza;
Toola-obulamu bwaffe
Bwe tukuwa leero.

Byonna bye tulina,
(E)bitwetoolodde
Katonda olw’ekisa kye,
Ye atugabira.

Oluyimba 292: KATONDA TUKUTENDA GGWE Lyrics

 

OLUYIMBA 361: YESU MUSUMBA WANGE
1
YESU Musumba wange,
Bulijjo ansanyusa;
Yesu anjagala,ammanyi,
Byonna-ebirungi abimpa;
Ampita-erinnya lyange,
Ambeera n’ekisa kye.

2
Ntambula nga sikyatya,
Yesu Mukuumi wange;
Mu biro-eby’enjala-andiisa,
Era bwe nnumwa ennyonta,
Antwala ku mabbali
Ag’amazzi-amateefu.

3
Si kirungi nsanyuke?
Si kirungi njaguze?
Ne bwe ndifa talindeka
Alintuusa ne mu ggulu,
Eyo gye naabeeranga,
Mu maaso ga Katonda.

Oluyimba 308: GGWE KWAGALA KWA KATONDA Lyrics

 

OLUYIMBA 376: KATONDA LWE LWAZI LWAFFE
1
KATONDA lwe Lwazi lwaffe:
Ge maanyi-agataggwaawo-:
Tutya ki ffe bannannyini
Mukwano-ogwenkanaawo-?

2
Obwedda abatukuvu
Baakwesiganga ggwe;
-Omukono gwo gwamala-abo;
Gunaatumala ffe.

3
Ensi nga tennatondebwa,
Ebintu nga mpaawo;
Edda n’edda ggwe-oba bumu,
Katonda-atavaawo.

4
Emyaka-olukumi gy’oli
Lwe lunaku lumu;
Gikulukuta ng’amazzi
Agayita-amangu.

5
N’ebintu byonna-eby’omu nsi
Biyita bwe bityo:
Leero tuba nabyo,naye
Jjo nga biweddewo.

6
Katonda lwe lwazi lwaffe,
Ge maanyi-agataggwaawo-;
Tugume ffe bannannyini
Mukwano-ogwenkanaawo-.