Author: aznimi

Ebisoko -Luganda Idioms – EBISOKO EBY’OLUKALE

Ekisoko (Luganda Idiom)   –   Amakkulu (Meaning)

1. Okukooka – kuyimba

2. Okuyimbya endubaale – kubonyabonya nnyo muntu

3. Okukooza omuntu akajiri – kubonyabonya nnyo muntu

4. Okulabya omuntu ennaku – kubonyabonya nnyo muntu

5. Okukekkeza ennyago – kulwana

6. Okukweka enjala – kulwana nga okozesa bikonde

7. Ebifuba okubabuguma – kulwana

8. Enkalu okudda okunywa – kulwana

9. Okukoona ebbidde – kunywa nnyo mwenge

10. Okwebikka amazzi – kunywa nnyo mwenge

11. Okubeera Waddanaga – kuba mutamiivu

12. Okubeera lujuuju – kuba mutamiivu

13. Okubeera lugalika bita – kunywa nnyo mwenge

14. Okuwunzika empaawo/endekukunywa nnyo mwenge –

15. Okukongojja omumbejja Nnamaalwa – kunywa nnyo mwenge

16. Okukongojja omulangira Ssegamwengekunywa nnyo mwenge –

17. Okwesiwa amagengere – kunywa nnyo mwenge

18. Okwesekerera obugonja – kunywa mwenge

19. Amataaba – ssente eziweebwa abaafiirwa nga okuziika kwaggwa

20. Omuliro gwa Buganda okuzikira – kufa kwa Kabaka

21. Okukisa omukono – kufa kwa Kabaka

22. Okuggya omukono mu ngabo – kufa kwa Kabaka

23. Kabaka okuseerera – kufa kwa Kabaka

24. Kabaka okubula – kufa kwa Kabaka

25. Okubikka akabugo ku maaso – kufa kwa Kabaka

26. Okubikka akabugo – kuziika kwa Kabaka

27. Okutereka enjole – kuziika kwa Kabaka

28. Ekyemisana okukirunga mu mmindikusiiba njala –

29. Olubuto okuba ku mugongo – bubeera muyala nnyo

30. Enjala okukuulamu olulimi – bubeera muyala nnyo

31. Okwerya enkuta – butaba na kyakulya okumala ebbanga eddene

32. Ab’omu lubuto okubanja bubeera muyala nnyo –

33. Okukoowa nga banyaga – kulemererwa nga oli kumpi kuwangula

34. Okukuba ekintu obudidndakumannya nnyo kintu –

35. Okuba kakensa mu kintu – kumannya nnyo kintu

36. Okuba nnakinku – kumannya nnyo kintu

37. Okubeera mmo mu kintu – kumannya nnyo kintu

38. Okweriisa enkuuli – kusinga bantu balala okumanya ekintu

39. Okunywa mu banno akendo – kusinga balala

40. Okulya omuluka – kusinga balala

41. Okubeera kaliba mu kintu – kumannya nnyo kintu

42. Amatama okufunya ebikonde – kulya

43. Okusereekerera ekitaggumira – kulya

44. Amazina g’ekirevu – kulya

45. Okuwunya ku gwa ddyo – kulya

46. Okuwa amatooke obwala – kulya

47. Okukwata ak’e Wamala – kulya

48. Okugenda okuwooma – kulya

49. Okugenda ku mutala Naalya – kulya

50. Ddungu okuba nga ayizze – kufuna kirungi ky’obadde tosuubira

51. Kye wayagaliza embazzi kibuyaka okuba nga asuddekufuna kyoyagala nga tosoose kutegana nga bwobadde osuubira –

52. Okwekuulira akabazzi ku kugulu – kwereetera bizibu

53. Okwetyabira akalimu obuwuka – kwereetera bizibu

54. Okwezaalira emineene – kwereetera bizibu

55. Okwereetera emiteeru – kwereetera bizibu

56. Okubeera ku yoleke – kubeera na bizibu

57. Okuba mu ddubi – kuba mu buzibu

58. Okuzaala emineene – kuleeta bizibu

59. Okuwoza ogwa kkapa okuzaala embwa nga endiga erinnya enju – buzibu kweyongera

60. Okusoberwa eka ne mu kibira – kusoberwa kya kukola olw’ebizibu

61. Okubeera mu kattu – kubeera na bizibu

62. Omusekera nnyuma – ngalabi

63. Eggaabe – ngalabi

64. Liiso ddene – Katonda

65. Lugaba – Katonda

66. Ddunda – Katonda

67. Nnamugereka – Katonda

68. Ebigambo obutabaako mutwe n’amagulu – kuba nga si bituufu

69. Ebigambo okubeera ebya njwanjwa – kuba nga si bituufu

70. Ebigambo okuba ebya sswakaba – kuba nga si bituufu

71. Okutimba ebbula – kulimba muntu

72. Okutema amagembe – kulimba nnyo muntu

73. Okukuba enkondwe – kulimba nnyo muntu

74. Okubeera nga amatama ntengo – kusobya nga bakubuuza tolina kya kuddamu

75. Ekintu okufa ttogge – kufiira bwereere nga tewali ayamba

76. Ekintu okufaafaagana ng’entungo eyiiika – kufiira bwereere nga tewali ayamba

77. Okuteerawo omuntu akabega – kweyimirira(kuwolereza) muntu

78. Okuzza erinnya – muntu kufiira ku mawanga

79. Okuddira mu bbaasa – kuzza muntu afiiridde ku mawanga

80. Okuta akaka – kuyomba

81. Okubuuka enswa – kuyomba

82. Okwesala akajegere – kuyomba

83. Okulinnya mu kyoto – kugaanira ddala

84. Okukomba ku ppaasi – kugaanira ddala

85. Okwerema – kugaanira ddala

86. Ebintu okuba ng’obutta – nga bingi nnyo

87. Ebintu okuba ng’obugulu bw’eggongolo – bintu buba bingi

88. Ebintu okuwugako ebiwuge – kuba n’ebintu nga bingi nnyo

89. Ebintu okubeera eby’ekkekwa – kuba nga tebirabika

90. Okuba olumbe lw’ekirago – kuyisa bubi banno nebakwetamwa

91. Ennyindo okuba nga ey’enkata – kunyiiga

92. Okuba Sseggaali – kuba mugagga nnyo

93. Okubeera omubede/ ababede – kuba mugagga nnyo

94. Okuba binnyonkondo – kuba mugagga nnyo

95. Okukuba omuntu enkata – kumuwa kyabadde tasuubira

96. Omuntu okuba ng’ensimbi azanjazaamu kati – kuba mugagga nnyo

97. Omuntu okuba bifeekeera – kuba mugagga nnyo

98. Ekintu okuba ekinnya n’empindi – kintu kuba kumpi nnyo(kusemberegana)

99. Okuba kawenkene – omukambwe atenga mukozi wa bivve

100. Embazuulu y’omuntu – omukambwe ennyo

101. Okuba ebyoya by’enswa – butagasa

102. Okubanakamwa akalimu akazigio – muntu kuba nga ayogera burungi

103. Omuntu okuba nakamwa ak’essunsa – muntu kwogera ng’aboggola ate ng’avuma

104. Ekintu oba omuntu nampawengwa – kuba nga talina ludda w’agwa

105. Omuntu okulya mu lulime ne mu luzise – butaba na luda w’aggwa

106. Omuntu okwefuulira mu kiti nga embazzi – muntu kwekyusa n’ava ku kye mwateesezza

107. Omuntu obutaba na mugongo – muntu butanywerera ku kintu

108. Omuntu okutwalibwa embuyaga – muntu butanywerera ku kintu

109. Omuntu okutuuka ku kyalo embwa neziboggola – muntu kutuuka ku kyalo oba kukitundu w’amanyiddwa ennyo

110. Embaki y’omwana – buba mulalu nnyo

111. Okubuuza erigenda e mugga – kubuuza kyolabako

112. Okugwa ku muntu – kumuvuma oba kumugeya

113. Okukuba obuleeyi – kuba nga tolina kyokola

114. Okulera ezitakaayirirwa(engalo) – kuba nga tolina kyokola

115. Okuba akabwa n’engo – kuba nga temukolagana

116. Okuba nga temulima kambugu – kukyawagana na muntu

117. Okusiba olumbe kumpagi – kugenda kukola kintu naye nga tokyalimu maanyi

118. Okukuba evvu – kuduula

119. Obudde okudda ku bunaabwo – bizibu kweyongera muntu

120. Okuluggulira gye lutaggulirwa( ku ppata)kwereetera bizibu –

121. Obulamu bw’omuntu okuba mulusuuubomuntu kuba ng’essaawa yona ayinza okufa –

122. Omutugunda okubala emwanyi – kintu kuba kinyuvu

123. Okubinuka amasejjere – kusanyuka oba kujaguza oluvanyuuma lw’okutuuka kubuwanguzi

124. Okubula omukombi – kintu kuba kiyitirivu ate nga kinyuvu

125. Okubuza embuga – kusesema

126. Okuddako akada – kugejjagejjamu obo kunyirilamu

127. Okuddamu akajambujambu – kuddamu maanyi

128. Enswa okugoba ennyonyi – kintu butasoboka

129. Embwa okuzira amata – kintu butasoboka

130. Okugguka obuseke – kutuuka (mu budde)

131. Okugoba obumale – kutuuka (mu budde)

132. Emberenge okugaga – mbeera kwonooneka

133. Obudde okudda ku bunnaabwo – mbeera kwonooneka

134. Ekintu okugula omuddu n’omwana – kuba kya buseere(bbeeyi)

135. Ebintu okugula omukazi omuzungu – kuba kya buseere(bbeeyi)

136. Ebintu okugula obuwanana (ng’obwagula Mukono) kuba kya buseere(bbeeyi) –

137. Okumansa entungo – kwogera nga owemula

138. Okumokkola agagambo aganene – kwogera nga owemula

139. Okwatika n’omuntu – kuyomba na muntu

140. Okulebera n’omuntu – kuneneŋŋana na muntu

141. Okwereega n’omuntu – kuneneŋŋana na muntu

142. Okuleebuukana n’omuntu – kuneneŋŋana na muntu

143. Okwanika omuntu – kuvumira muntu mu lujjudde (kuswaza muntu)

144. Okuyiwa ku muntu ettonotono – kuziika muntu (mufu)

145. Okuwerekera omuntu – kuziika

146. Okuyisa omuntu mu kamwa – kusooza muntu

147. Okuyisa omuntu mu mannyo – kusooza

148. Okuyisaamu omuntu amaaso – kunyooma muntu

149. Okuyisaamu omuntu agengege – kugaya muntu

150. Okuwoza ogwa kkapa okuzaala embwa ng’ate endibga erinnya enju – bizibu oba bintu kwongera kuzibuwala

151. Okuwoza mpola embuzi ndikuwa ente – kwetema kyotoosobole

152. Amatooke okubotoka – kuba nga gengera

153. Okukutwala ekirinnya mutikka – kukutwawala mangu nga teweyagalidde

154. Enva okutwala emmere – nva kuwooma nnyo

155. Omukazi omuyima okutuuliraku kisaabo – kubanga(wali)osiraana mu kyokola

156. Olugendo o’kuteresa embwa – nga lugendo lunene

157. Okwessa mu ddemeezi – kutandika kutambula oba kugenda

158. Okwessa mu ddene – kutandika kutamula

159. Mwasanjala – luguudo lwa kkolaasi

160. Omuntu obutalutumira mwana – muntu kweyigira mukintu

161. Okutomera emmere – kusanga nga balya

162. Amakula – byebintu byebatonera kabaka

163. Okutimba bbula – kulimba

164. Okutereera obubya (obuwombo bwewunzika) – kutuula nokalira mukifo

165. Omwenge okusiiwa – kuba muka nnyo

166. Okukuyeeya – kunyeenyamu mwenge guli mudeku ngogenda kunnywa

167. Obukaba okusiiwa omuntuv – kuba mukabannnyo

168. Olumbe okusogola omuntu – muntu kulwala nnyo

169. Omuntu emagombe okusimbayo ekitooke – kuwonera watono kufa

170. Omuntu okuba ku ndiri – kuba mulwadde nnyo

171. Omuntu okuba ng’olumbe lumubala embirizi – kuba nga mulwadde nnyo

172. Katonda okuba nga akyabisseeko akasubi – okuba ng’omulwadde omuyi akyaliwo tannafa

173. Okusula amaliba – kusula njala

174. Okukowoola omusibe abombye – kumala budde(biseera)

175. Okulonda obwoya mu kkukuuzi – kumala budde ngokola ekintu ekitasoboka

176. Okumala ebiseera ng’alaawa embwa – kutawaanira bwerere

177. Okumala ebiseera ng’akunamira muzibe – kutawaanira bwerere

178. Okutongojjera obusa ng’asaba oluwanga obulamu – kutawaanira bwerere

179. Okumala ebyo mu bulago – kutawaanira bwerere

180. Okukootakoota mu ga lumonde – kutawaanira bwerere

181. Ekintu okunnya ng’lutta ow’ettulu – kwanguyilwa

182. Okusindika asitamye – kwanguyirwa kukola kintu

183. Okugobera ekinya mu ssubi – kukugamba kukola naawe kyoyagala

184. Okuyisa omukka mu kisero – kwanguyirwa kukola kintu

185. Okutuma enfuuzi okwennyamira – kwanguyirwa kukola kintu

186. Okuyisa omukka mukisero – kwanguyirwa kukola kintu

187. Okuseereza erigenda enmugga – kwanguyirwa kukola kintu

188. Okusindika omunya mussubi – kulagira muntu kukola kyayagala

189. Okusiindika asitamye – kulagira muntu kukola kyayagala

190. Okuyiringisa entengotengo – kwanguyilwa kukola kintu

191. kulya myungu butesokoola – kintu kuba kyangu nnyo

192. Ekintu okugula obusango – kuba nga kiseerebwa nnyo

193. Okukuysuuula ku migandu – kukusuula ku mitawaana oba buzibu

194. Okuliisa ggoonya – kulima

195. Okusamba ennanda – kulima

196. Okukwata akasimo – kulima

197. Okutemula ensiriƞƞanyi – kulima

198. Obutasekera ku kaalo katono – kuba ng’osekera waggulu

199. Okusenya ku kintu – kintu kuba nga kingi nnyo tokimalayo

200. Okuba n’omusota munsawo – kuba mukodo

201. Ensimo/akasimo – nkumbi

202. Kyapa ggoonya – nkumbi

203. Ekkakkalabizo/ yaafeesi – w’ofiisi

204. Okumaza emmere – kutta munno

205. Okulumisa ekivu – kuttisa mundu

206. Okutemya ebisiki – kusumagira

207. Omukwero – kisasi kya nju/ kifugi/ lubalaza

208. Obuteerya ntama – muntu kuba nga tatya mu kwogera

209. Okulya mu ttama – kuboggola

210. Okulya kameenya – kulya nnyo

211. Okulonda omuntu mu bangi – kufuna gw’oyagala

212. Okulinnya mubintu eggere – kulemesa kintu kyonna mumaaso

213. Okulinnyira omuntu mubigere – kuwerekera ku muntu

214. Okulinnya enkandaggo – bintu kweyongera mumaaso oba waggulu

215. Okukomba mu kibatu – kukuba nduulu

216. Okussaako kakokola tondeka nnyuma – kudduka kabi

217. Okwetegula ekibabu – kudduka kabi

218. Okukuba ez’okumaji – muntu butaba na maanyigakola kintu

219. Okukuba akanuulo – kutambuza bigere

220. Okuyita ku lugwanyu – kuwonera watono kufuna kizibu ekinene

221. Okusimba kasooli – kutambuza bigere

222. Bitooke byebigwa – kukola nnyo kintu

223. Ekinti okugwa omuntu kkono – kuba nga kyamulema

224. Okwesiba ku muntu – kwagala nnyo muntu ate nga ye takwagala

225. Okuzza muddiiro – kuzza oli ku mulimu gw’abade tasuubira olwokuba ng’ogwonoonye

226. Okuggwa ennyalwe – kumatira kintu

227. Okutunula embebere ngo’mukulu ateetimbye – kutunula mungeri ya kiswavu

228. Okuwangaala obusekuzo (ekinu kyatika) – kuwangaala nnyo

229. Okuggundagunda – kuwangaala nnyo

230. Okukula endaala – kuwangaala nnyo

231. Okusiisira awantu – kulwawo nnyo

232. Akasana okwaka ffuwuuke – kwaka nnyo

233. Akasana okuzukuka kawekwed eligangu – kwaka nnyo

234. Akakindo okusala enkoko – kunyirila nnyo

235. Okulunda omuntu – butamuwa ddembe oba kakisa kwetaaya

236. Okwesiba ebbiri – kwenyweza

237. Okugomba o muntu obwa la – kumukwa ta

238. Okussaako omuntu obunnnyogoga – kumusaqaako mpingu

239. Oku weebuka – kuswala

240. Ekintu okugeenda bukwa ku – kukwata kintu ‘nbunyiikivu wa mu n’amaanyi mangi

241. Emmeeme okutyemuka – kwekanga

242. Okubeera mu katyabaga – kubeera mu mitawaana

243. Okubeera ku kanaayokya ani – kubeera mu mitawaana

244. Okubanga gakyaali maabaga – kintu kuba nga tekinagenga wala oba maaso

245. Okugwa kungo eriko omwana – kugwa kubuzibu obwamaanyi

246. Okuzinya omuntu engeera – kubonyabonya nnyo muntu

247. Okuba omuddusi kayigo – kuba muddusi nnyo

248. Okwenkana ensiri – kuba mutono nnyo

249. Okubalira ebintu kungalo – kuba nga bitono nnyo

250. Okwogeza akamwa – kwogera bwogezi nti ekintu ate nga tookikole

251. Okuda mukulya nga katonga ajjula – kulwawo kukola kintu mu kiseeraekyetagisa era wewandikoledde

252. Okutunula kimpewukirize ng’embwa esitamye ku malaalo – kubeera mu bweralikirivu

253. Omusana okwokera omuntu e katebo – kutawaanira bwerere

254. Okusibira entanda – kubuulirira oba kuwa magezi

255. Okuva ku kintu obukumbu (nkuyege kuggi) – kukiviirako ddala butakiddira

256. Okusiibula ekintu (musota bwoya) – kukiviirako ddala

257. Okwekengera omuntu – kumutya oba butamwesiga

258. Okwekomba ebinkumu – butaba na kyakulya

259. Okuba omusaale – kuba nga gw’asoose okwenyigira mu kintu

260. Ekintu okudda omuntu – kumusemba oba kumutama

261. Okutagalatagala ng’obussajja bw’e Bulemeezi – kuwowoggana n’ebintu ebitagasa

262. Okukonjera omuntu – kumuwaayiriza

263. Okuliwa omuntu – kumusasula nga wamusobya mu ngeri y’okutanga

264. Okutuuza nniya – kusoka kwesonyiwa kintu

265. Okukakuba nekalaala – kusoka kulaaza oba kusirika

266. Okumma ebintu ammazzi – kuyeesdoinyiwa

267. Okubuuka – okufa k’omulongo

268. Okugalambya – okuziikibwa kwomulongo

269. Omulwadde okuluma ejjiiko – mbeera oba bintu kwongera kwononeka

270. Ekiwundu okusamba eddagala – mbeera oba bintu kwongera

271. Okulinnya abantu ku mitwe – kubajooga

272. Okulinnya ku nfeete – kuwangula kyobadde olwanyisa

273. Okukuba oluku mu mutwe – kuwangula

274. Okulinnya ebbaati – kulinnya nnyonyi

275. Okulinnya omuntu akagere – kugoberera muntu nga tamanyi

276. Okulya ekimuli – kusaza mu mboozi ya muntu nga abadde anyumya ggwe n’oleetawo eyiyo

277. Okusala omuntu ekirimi – kusaza mu mboozi ya muntu nga abadde anyumya ggwe n’oleetawo eyiyo

278. Okukongooza ebigere – kunyooma

279. Okukkirira ewa Ssenkaaba – kufa

280. Okugenda e Kalannamo etagenda badda – kufa

281. Okukyala(kugenda) ewa Walumbe e Ttanda – kufa

282. Okugenda ennyindo gye zirembekera mukoka – kufa

283. Okugenda emikono gye girerera ebisambi – kufa

284. Okugenda gye batambuliza omugongo nga obwato – kufa

285. Okussa omukka ogw’ekomerero – kufa

286. Okumiza (omukka) omusu – kutta muntu

287. Efumbira omuntu okuvuunikibwa – kufa

288. Okugenda okulunda embogo – kufa

289. Okugenda enviiri gye zittira ng’omuddo – kufa

290. Okugenda ezzira kumwa – kufa

291. Okugenda ekingi bantu – kufa

292. Ennaku okuyonka omuntu butaaba – muntu kulaba nnaku nnyingi

293. Enkalu okunoonya obukongovule – bintu kukaawa/ kuva mu mbeera

294. Embooge obutabuguma – kuyita mu bwangu ennyo

295. Akataayi obutasala kkubo – kuyita mu bwangu ennyo

296. Mu kaseera mpaawe kaaga – kuyita mu bwangu ennyo

297. Mu lutemya lw’eriiso – kuyita mu bwangu ennyo

298. Okudduka ez’embwa(embiro) – kudduka misinde

299. Okutyekula engere – kutambula nga oyanguwa

300. Okusika ez’e Luzira – kwewulira

301. Okwebaka empologge – kwebaka nnyo

302. Okwebaza eyazimba – kwebaka ng’ofuluuta

303. Okufuuwa ekinyanyimbe – kwogera bulungi(nnyo) Luzungu

304. Okugenda mu nsowera/obunyonyi – kukeera nnyo

305. Enkoko okugikwata omumwa – kukeera nnyo

306. Eddaaza – mwaka

307. Ezzooba – mwezi

308. Ddimansi – sabbiiti(week)

309. Enzingu/oluzingu – lunaku

310. Ensimbi okwekisa mu kikande – kuba nga tezirabika

311. Omulenga njuba – ssaawa

312. Omutega nsowera – kkanzu

313. Ekizibaawo – kkooti eyambalwa

314. Sseppeewo – enkofiira

315. Enkampa – sitookisi (shocks)

316. Ebiraato – engatto

317. Akafulaano – vesiti(vest)

318. Okusanga ekiyumba munyake – kusanga nnyumba nkalu

319. Okuba mukubya byayi – muntu kubeera wa kisa

320. Okuba ente y’abato – kusaagisa nnyo baana nga tebakutya

321. Okutata – kusaaga

322. Okutuula omuntu mu kifuba – kumutwalako mukazi

323. Endeereetu – leediyo

324. Akamansukira – kazindaalo akoogererwako

325. Kaasuze katya – amafuta agatwalibwa mu kwanjula

326. Omutwalo – ettu ly’enswa, edda baalikozesanga okugula omukazi oba okuwa omusolo nga ssente tezinnabaawo

327. Okusekera mu kikonde – kuseka nga toyagala kulabibwa nti osanyuse

328. Okusibako amatu g’embuzi okuliisa engo – kuwaayiriza

329. Okukuba omuntu omutwe – kusooka kusanga muntu nga oli mu lugendo

330. Okulima empindi ku mabega – kuwaayiriza muntu

331. Okuba matankane ng’empale z’abaseveni – butaba na ludda lutuufu w’ogwa

332. Okwetala nga namutale omunyageko ente ye – kwanguwa ng’oliko kyoluubirira oba kyolwanira

333. Okwagala omuntu nga akageregere – kumwagala nnyo

334. Okutunda omwoyo ng’enkoko emira ensanafu – kwewaayo kukola kintu kiyinza kukuviiramu buzibu (kizibu)

335. Okussa omuntu akasiiso ow’endali kassa omukukumi – kusiriikirira muntu nga akola ensobi

336. Okuba katula keebisse buka – kukweka mize gy’olina

337. Okwekwata omusoobooza – kubeera nga weetya

338. Okulimba Mukasa nti Wannema mulwadde – kulimba kintu kirabikako

339. Okugalinnya gye gava – kwettira mikisa

340. Okulimilira omuntu – kulemesa muntu kintu kyabadde akola nga kimugasa eg’okumugobessa ku mulimu

341. Okwetema engalike – kwogera bikontana na byasoose

342. Okujja obukula/obubogo – kujja nga omaliridde

343. Okuloopera omuganzi mu nzikiza – kutawaanira bwereere

344. Okuliisa ebijanjaalo empiso – kugayaalirira kintu kya bulabe

345. Okubeera enkoboli y’omusajja – kubeera muzira

346. Okubeera kagumba weegoge – kintu kuzibuwala ne kisinga bwe wakisuubidde

347. Okuba nga tonyigirwa mu tooke – kuba nga teweetya

348. Okuba embalangu – kuba nga okola ebiswaza, nga teweewa kitiibwa

349. Okwogera olulonda kambe – kwogera nga tomaliriza ne bakwetamwa

350. Okubeera omulangaasa – ye muvubuka atawasangako

351. Omusajja omuwuulu – ye musajja awasaawasa nga banoba olw’emize gye

352. Okubeera enteeka – ye muwala atamanyi musajja

353. Omwana nnaatuukirira – mwana mulenzi

354. Omwana omuyebezi – mwana muwala

355. Omwana ggannemeredde – mwana muwala

Ebisoko -Luganda Idioms – EBISOOKO N’ENJOGERA EBYENONO

Ekisoko (Luganda Idiom)   –   Amakkulu (Meaning)

1. Okutema ku lw’e Nnamuganga(lwazi) – kutema wwakaluba

2. Eyayalula omuntu okusiriira(nkejje) – kulaba nnaku/ kugwa mu buzibu

3. Okukuba ey’Abageye – kutuula nga totereera

4. Okussa ku w’e Mbuule(ssezinnyo) – kulya oba kugaaya

5. Okukwata Kalambi ne Bira – kuliraanigana nnyo

6. Okuva e Bule n’e Bweya – kintu kuba kigazi

7. Okukwatana Bbuzu ne Mpumu – kuliraanigana nnyo

8. Okukwatana Kawempe ne Ttula – kuliraanigana nnyo

9. Okwegoba ku muntu nga Ssemukkuto bwe yeegoba ku baki b’amayenje – kubaviirako ddala

10. Okukwatira Ssebatta ensawo – kwereetera bizibu

11. Okuzza ogwa Nnamunkukulu – kuzza musango munene

12. Okwesuulirayo ogwa Nnaggamba(mwoyo)butafaayo ku kintu kya mugaso –

13. Okuba omutaka w’e Misindye(Nnamutwe) – kuba mutwe mukulu mu kintu ekikolebwa

14. Okubeera omutaka w’e Nnamataba(Mulindwa) – kubeera nga ggwe alindibwa

15. Okukongojja Ndawula – kuba mulwadde wa lukusense

16. Okuba omulere gwa Ssuuna – kwogera kintu kimu lutata

17. Okusasula omuntu nga Ssuuna bwe yasasula abaziba – kunyaga muntu

18. Okuba omutaka w’essambwe (Nnabugwamu) – kweyingiza mu mboozi etakukwatako

19. Okuba akafukunya akaagula Mukono(Kyaggwe) – kintu kuba kingi nnyo

20. Okuba n’ogwa Nnanteza(omukisa) – kuba na mukisa ogutasangika

21. Okukuyisaako ow’e Mbuya(Kaggo) – kukuba muntu na mbooko

22. Okusanga omutaka w’e Kalungu(Ssemusota) – kussanga musota

23. Okuwona Mayanja ow’olusenke – kuwona kabi akaamaanyi

24. Okukwata mu ka Waliggo(Kasawo) – kukwata mu nsawo ofunemu ssente

25. Okuwerekera Mpinga mu Kibira – kwereetera bizibu nga olaba

26. Okulya ng’eyasimattuka Kkunsa – kulya nnyo

27. Okutuuka omuntu nga Nnalunga bweyatuuka Jjuuko – kwagala nnyo muntu

28. Okutuula mu za Mugula – kutuula mu ntebe

29. Okutuula obukonge Ndawula bweyatuula e Buwaali – butava mu kifo

30. Okutuula ntitibbwa Mirimu gye yatuula mu Ndejje – butava mu kifo

31. Okutwala omuntu nga Mwanga – kutwala muntu bubi

32. Ennyumba okuba nga eya Mugogo e Ssanyi – kuba na miryango mingi ate nga nnene

33. Kimyanku okuba nga ye Mugabe – mbeera ya lusaago(ekisa) okuggwaawo

34. Okuba omutaka w’e Ddambwe(Kiggala) – kuba nga towulira

35. Okubuuza Ssaalongo endeku – kubuuza kintu kirabika

36. Okuyita Ttembo – kugwa ddalu

37. Okuyita ssikaala e Buddo – kwesiima olwokufuna ekirungi

38. Okwogera olwa ssenkoole – kwogera bigambo nga tobimalaayo